ಕೇಂದ್ರ ಬಜೆಟ್ ಗೆ ಡೇಟ್ ಫಿಕ್ಸ್ : ಇಂದಿನಿಂದ ಪೂರ್ವ ಸಮಾಲೋಚನೆ ಸಭೆ ಪ್ರಾರಂಭ
Team Udayavani, Dec 16, 2019, 5:22 PM IST
ಹೊಸದಿಲ್ಲಿ: 2020ನೇ ಸಾಲಿನ ಕೇಂದ್ರ ಬಜೆಟ್ ಮಂಡನೆಗೆ ದಿನಾಂಕ ನಿಗದಿಯಾಗಿದ್ದು, ಬಜೆಟ್ ಪೂರ್ವ ಸಮಾಲೋಚನೆ ಸಭೆ ಸೋಮವಾರದಿಂದ ಪ್ರಾರಂಭವಾಗಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಮುಂಬರುವ ಫೆಬ್ರವರಿ1ಕ್ಕೆ ಕೇಂದ್ರ ಬಜೆಟ್ ಮಂಡಣೆ ನಡೆಯಲಿದ್ದು, ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಉದ್ಯಮ, ಕೃಷಿ, ಹಣಕಾಸು ಸೇರಿದಂತೆ ನಾನಾ ವಲಯಗಳ ತಜ್ಞರ ಜತೆ ಸಮಾಲೋಚನೆ ನಡೆಸಲಿದ್ದಾರೆ. ಇನ್ನೂ ಈ ಪೂರ್ವ ಸಮಾಲೋಚನೆ ಸಭೆ ಡಿಸೆಂಬರ್ 23ರ ತನಕ ನಡೆಯಲಿದ್ದು, ವಿತ್ತ ಸಚಿವೆಗೆ ಇದು ಎರಡನೇ ಬಜೆಟ್ ಮಂಡನೆಯಾಗಿದೆ.
ಆರ್ಥಿಕ ಬೆಳವಣಿಗೆ ಆದ್ಯತೆ
ಪ್ರಧಾನಿಯವರ ಕಚೇರಿ (ಪಿಎಂಒ), ಹಣಕಾಸು ಇಲಾಖೆ, ನೀತಿ ಆಯೋಗ ಮತ್ತು ಇತರ ಇಲಾಖೆಗಳು ಸರಣಿ ಸಭೆಗಳನ್ನು ನಡೆಸಲಿದ್ದು, ಆರ್ಥಿಕ ಬೆಳವಣಿಗೆಗೆ ಹೆಚ್ಚು ಆದ್ಯತೆಯನ್ನು ಹೊಂದುವ ಉದ್ದೇಶ ಇಟ್ಟುಕೊಂಡಿದೆ. ಕಳೆದ 6 ವರ್ಷಗಳಲ್ಲಿಯೇ ಕನಿಷ್ಠ ಮಟ್ಟಕ್ಕೆ, ಅಂದರೆ ಶೆ.4.5ಕ್ಕೆ ಬೆಳವಣಿಗೆ ದರ ಕುಸಿದಿದ್ದು, ವವೋದ್ಯಮ, ಫಿನೆrಕ್, ಡಿಜಿಟಲ್ ವಲಯಗಳ ಪ್ರಮುಖರ ಜತೆಗೆಬ ದೀರ್ಘವಾದ ಸಮಾಲೋಚನೆ ನಡೆಯಲಿದೆ.
ಉದ್ಯಮ ಸ್ನೇಹಿ ವಾತಾವರಣಕ್ಕೆ ಸಲಹೆ
ಉದ್ಯಮದ ಮೂಲಗಳ ಪ್ರಕಾರ ಸರಕಾರ ಉದ್ಯಮ ಸ್ನೇಹಿ ವಾತಾವರಣ ಸೃಷ್ಟಿಗೆ ಸಲಹೆಗಳನ್ನು ನಿರೀಕ್ಷಿಸಿದ್ದು, ಸಭೆಯಲ್ಲಿ ಖಾಸಗಿ ಹೂಡಿಕೆಯ ಉತ್ತೇಜನ, ರಫ್ತು, ರಾಜ್ಯಗಳ ಪಾತ್ರ ಇತ್ಯಾದಿ ವಿಚಾರಗಳ ವಿಮರ್ಶೆಯೂ ನಡೆಯಲಿದೆ.
19ರಂದು ಉದ್ಯಮ ವಲಯದ ಪ್ರಮುಖರೊಡನೆ ಸಮಾಲೋಚನೆ
ಡಿಸೆಂಬರ್ 19ರಂದು ಉದ್ಯಮ ವಲಯದ ಪ್ರಮುಖರೊಡನೆ ಸಮಾಲೋಚನೆ ನಡೆಸಲಿದ್ದು, ಕೈಗಾರಿಕಾ ಮಂಡಳಿಗಳು ವೈಯಕ್ತಿಕ ಆದಾಯ ತೆರಿಗೆ ವಿನಾಯಿತಿಯ ಮಿತಿಯನ್ನು ಈಗಿನ 2.5 ಲಕ್ಷ ರೂ.ಗಳಿಂದ 5 ಲಕ್ಷ ರೂ.ಗೆ ಏರಿಸಬೇಕು. ಇದರಿಂದ ಸರಕು ಮತ್ತು ಸೇವೆಗಳಿಗೆ ಬೇಡಿಕೆ ಸೃಷ್ಟಿಯಾಗಲಿದೆ ಎನ್ನುವ ದೃಷ್ಟಿಯಿಂದ ಬೇಡಿಕೆಯನ್ನು ಮುಂದಿಟ್ಟಿದ್ದೇವೆ.
ಸಬ್ಸಿಡಿ ಸುಧಾರಣೆ
ಇನ್ನೂ ಈ ಸಲ ಬಜೆಟ್ ಅಲ್ಲಿ ಸಬ್ಸಿಡಿ ಸುಧಾರಣೆ, ಡಿಜಿಟಲ್ ಯೋಜನೆಗಳ ವಿಸ್ತರಣೆ, ಆಯುಷ್ಮಾನ್ ಭಾರತ್, ಸ್ವಚ್ಛ ಭಾರತ್ ಯೋಜನೆಗಳಿಗೆ ತಂತ್ರಜ್ಞಾನ ನೆರವು ಇತ್ಯಾದಿ ವಿಷಯಗಳಿಗೆ ಸಂಬಂಧಪಟ್ಟಂತೆ ಹತ್ತು ಹಲವಾರು ನಿರೀಕ್ಷೆಗಳಿದ್ದು, ಲಾಂಗ್ ಟರ್ಮ್ ಕ್ಯಾಪಿಟಲ್ ಗೇನ್ಸ್ ತೆರಿಗೆ ರದ್ದು, ವೇತನದಾರರಿಗೆ ತೆರಿಗೆ ರಿಲೀಫ್, ಸಣ್ಣ, ಮಾಧ್ಯಮ ಉದ್ದಿಮೆಗೆ ತೆರಿಗೆ ಕಡಿತ ಅನುಕೂಲವನ್ನು ನಿರೀಕ್ಷಿಸಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್