ತನಗೆ ಬಂದ ಹಣವನ್ನೇ ದೇಣಿಗೆ ನೀಡಿದ ಪುಟಾಣಿ

Team Udayavani, Feb 28, 2020, 1:50 PM IST

ಸಿಡ್ನಿ: ಡ್ರಫಿಸಮ್‌ ಕಾಯಿಲೆಯಿರುವ ಆಸ್ಟ್ರೇಲಿಯಾದ ಶಾಲಾ ಬಾಲಕ ತನಗೆ ದೇಣಿಗೆಯಾಗಿ ದೊರೆತಿರುವ ಹಣವನ್ನು ಪುನಃ ದೇಣಿಗೆಯಾಗಿ ಕೊಡಲು ಇಚ್ಛಿಸಿದ್ದಾನೆ. 9 ವಯಸ್ಸಿನ ಬಾಲಕ ಕ್ವಾಡನ್‌ ಬಾ ಯ್ಲೆಸ್‌, ‘ನನ್ನನ್ನು ನನ್ನ ಸಹ ಪಾಠಿಗಳು ಛೇಡಿಸುತ್ತಾರೆ. ಡಿಸ್ನಿಲ್ಯಾಂಡ್‌ಗೆ ನನ್ನನ್ನು ಮಾತ್ರ ಬಿಟ್ಟೇ ಹೋಗಿದ್ದಾರೆ. ಅಮ್ಮಾ, ನಾನು ಸತ್ತು ಹೋಗುತ್ತೇನೆ’ ಎಂದು ಅಳುತ್ತಾ ಹೇಳುತ್ತಿರುವ ವೀಡಿಯೋವೊಂದು ಇತ್ತೀಚೆಗೆ ವೈರಲ್‌ ಆಗಿತ್ತು.

ಈ ವೀಡಿಯೋ ನೋಡಿದ ಜನರು ಬಾಲಕನ ಬಗ್ಗೆ ಮರುಕ ವ್ಯಕ್ತಪಡಿಸಿದ್ದಲ್ಲದೇ ಆತನನ್ನು ಡಿಸ್ನಿಲ್ಯಾಂಡ್‌ಗೆ ಕಳಿಸಲು 3.41 ಕೋ. ರೂ. ದತ್ತಿ ಸಂಗ್ರಹಿಸಿ ನೀಡಿದ್ದರು. ನಾವು ಈ ಹಣವನ್ನು ಆತನ ರೀತಿಯದ್ದೇ ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ಸಹಾಯ ಮಾಡಲು ಬಳಸುತ್ತೇವೆ ಎಂದು ಆತನ ಕುಟುಂಬ ತಿಳಿಸಿದೆ.