ಟಿ 20 ಸರಣಿ ಗೆದ್ದ ಬಾಂಗ್ಲಾದೇಶ
Team Udayavani, Mar 13, 2020, 7:30 AM IST
ಢಾಕಾ: ಪ್ರವಾಸಿ ಜಿಂಬಾಬ್ವೆ ಎದುರಿನ ದ್ವಿತೀಯ ಟಿ20 ಪಂದ್ಯವನ್ನು 9 ವಿಕೆಟ್ಗಳಿಂದ ಭರ್ಜರಿಯಾಗಿ ಗೆದ್ದ ಬಾಂಗ್ಲಾದೇಶ, ಸರಣಿನ್ನು 2-0 ಕ್ಲೀನ್ಸಿÌàಪ್ ಆಗಿ ತನ್ನದಾಗಿಸಿಕೊಂಡಿದೆ.
ಬುಧವಾರ ರಾತ್ರಿ ಇಲ್ಲಿನ “ಶೇರ್ ಎ ಬಾಂಗ್ಲಾ ಸ್ಟೇಡಿಯಂ’ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಜಿಂಬಾಬ್ವೆ 7 ವಿಕೆಟಿಗೆ 119 ರನ್ ಗಳಿಸಿದರೆ, ಬಾಂಗ್ಲಾ 15.5 ಓವರ್ಗಳಲ್ಲಿ ಒಂದೇ ವಿಕೆಟಿಗೆ 120 ರನ್ ಬಾರಿಸಿ ಜಯ ಸಾಧಿಸಿತು.
ಬಾಂಗ್ಲಾ ಪರ ಲಿಟನ್ ದಾಸ್ ಔಟಾಗದೆ 60 ರನ್ ಬಾರಿಸಿ (45 ಎಸೆತ, 8 ಬೌಂಡರಿ) ಪಂದ್ಯಶ್ರೇಷ್ಠ ಹಾಗೂ ಸರಣಿಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ಮತ್ತೋರ್ವ ಆರಂಭಕಾರ ಮೊಹಮ್ಮದ್ ನೈಮ್ 33, ಸೌಮ್ಯ ಸರ್ಕಾರ್ ಔಟಾಗದೆ 20 ರನ್ ಮಾಡಿದರು.
ಜಿಂಬಾಬ್ವೆ ಬ್ಯಾಟಿಂಗ್ ಸರದಿಯಲ್ಲಿ ಮಿಂಚಿದ್ದು ಆರಂಭಕಾರ ಬ್ರೆಂಡನ್ ಟೇಲರ್ ಮಾತ್ರ. ಅವರು 48 ಎಸೆತಗಳಿಂದ 59 ರನ್ ಮಾಡಿ ಔಟಾಗದೆ ಉಳಿದರು. ಕ್ರೆಗ್ ಇರ್ವಿನ್ 29 ರನ್ ಮಾಡಿದರು. ಬಾಂಗ್ಲಾದೇಶದ ಪರ ಮುಸ್ತಫಿಜರ್ ರಹಮಾನ್ ಮತ್ತು ಅಲ್ ಅಮಿನ್ ಹೊಸೈನ್ ತಲಾ 2 ವಿಕೆಟ್ ಹಾರಿಸಿದರು.
ಇದರೊಂದಿಗೆ ಪ್ರವಾಸಿ ಜಿಂಬಾಬ್ವೆ ವಿರುದ್ಧ ಆಡಲಾದ
ಸರಣಿಯ ಎಲ್ಲ ಪಂದ್ಯಗಳನ್ನೂ ಬಾಂಗ್ಲಾ ಜಯಿಸಿದಂತಾಯಿತು. ಸರಣಿಯಲ್ಲಿ ಒಂದು ಟೆಸ್ಟ್, 3 ಏಕದಿನ ಹಾಗೂ 2 ಟಿ20 ಪಂದ್ಯಗಳನ್ನು ಆಡಲಾಗಿತ್ತು.
ಸಂಕ್ಷಿಪ್ತ ಸ್ಕೋರ್: ಜಿಂಬಾಬ್ವೆ-7 ವಿಕೆಟಿಗೆ 119 (ಟೇಲರ್ 59, ಇರ್ವಿನ್ 29, ಮುಸ್ತಫಿಜುರ್ 25ಕ್ಕೆ 2, ಹೊಸೈನ್ 22ಕ್ಕೆ 2). ಬಾಂಗ್ಲಾ-15.5 ಓವರ್ಗಳಲ್ಲಿ ಒಂದು ವಿಕೆಟಿಗೆ 120 (ದಾಸ್ ಔಟಾಗದೆ 60, ನೈಮ್ 33, ಸರ್ಕಾರ್ ಔಟಾಗದೆ 20).