Udayavni Special

ಪರಿಶುದ್ಧತೆ ಗೊಂದಲ-ಜೇನುಪೇಟೆಯಲ್ಲಿ ಕೋಲಾಹಲ

ಪರೀಕ್ಷೆಯ ಉಪಕರಣ ಬರುವವರೆಗೆ ನಕಲಿ ಜೇನುತುಪ್ಪದ ಹಾವಳಿ ತಪ್ಪಲ್ಲ

Team Udayavani, Dec 4, 2020, 1:46 PM IST

ಪರಿಶುದ್ಧತೆ ಗೊಂದಲ-ಜೇನುಪೇಟೆಯಲ್ಲಿ ಕೋಲಾಹಲ

ಹೊನ್ನಾವರ: ಭಾರತದಲ್ಲಿ ಜೇನುತುಪ್ಪದ ಪರಿಶುದ್ಧತೆ ಪರೀಕ್ಷಿಸುವ ಅತ್ಯಾಧುನಿಕ ವ್ಯವಸ್ಥೆ ಇಲ್ಲ. ಇರುವ ವ್ಯವಸ್ಥೆಯ ಕಣ್ತಪ್ಪಿಸಿ ಕಲಬೆರಕೆ ಜೇನುತುಪ್ಪ ಮಕ್ಕಳ ಔಷಧಕ್ಕೂ, ದೇವರ ಅಭಿಷೇಕಕ್ಕೂ ಬಳಸಲ್ಪಡುತ್ತಿವೆ.

ವಿದೇಶಿ ಕಂಪನಿಯೊಂದು ದೇಶದ 22 ಮಾದರಿಗಳಲ್ಲಿ 5 ಮಾತ್ರ ಪರಿಶುದ್ಧ ಎಂದು ಹೇಳಿದ್ದು ದೇಶದ ಪ್ರಸಿದ್ಧ ಬ್ರಾಂಡ್‌ ಜೇನುತುಪ್ಪಗಳು ಅಸಲಿ ಜೇನುತುಪ್ಪಗಳಲ್ಲ. ಪೇಟೆಯಲ್ಲಿರುವ ಶೇ. 77 ಜೇನುತುಪ್ಪಗಳಲ್ಲಿ ಸಕ್ಕರೆ ಪಾಕ ಬಳಸಲಾಗಿದೆ ಎಂದು ಹೇಳಿರುವುದು ಜೇನುಪೇಟೆ ಕೋಲಾಹಲಕ್ಕೆ ಕಾರಣವಾಗಿದೆ.

ಔಷಧ, ಆರೋಗ್ಯವರ್ಧಕ ಎಂದು ಬಳಸಲ್ಪಡುವ ಜೇನುತುಪ್ಪಕ್ಕೆ ಬೇಡಿಕೆ ಹೆಚ್ಚಿದಂತೆ ಕಲಬೆರಕೆ ಜೇನುತುಪ್ಪ ಪೇಟೆಗೆ ಪ್ರವೇಶಿಸಿತು. ಈಗ ಸ್ವಲ್ಪ ಅಸಲಿ ತುಪ್ಪದ ಜೊತೆಗೆ ವಿವಿಧ ರೂಪದಲ್ಲಿ ಕಾಳಸಂತೆಯಲ್ಲಿ ದೊರೆಯುವ ಸಕ್ಕರೆ ಬಳಸಲಾಗುತ್ತಿದೆ. ಇವುಗಳಲ್ಲಿ ಮೊಲಾಸಸ್‌ ಎಂಬುದು ಕಬ್ಬಿನ ಸಂಸ್ಕರಣೆಯಲ್ಲಿ ಪಡೆದ ದಪ್ಪ ದ್ರವವಾಗಿದ್ದು ಗಾಢ ಬಣ್ಣದಲ್ಲಿರುತ್ತದೆ. ಇದನ್ನು ಕಾಡು ಜೇನುತುಪ್ಪದೊಂದಿಗೆಬೆರಸಲಾಗುತ್ತದೆ. ದ್ರವ ಗ್ಲೂಕೋಸ್‌ ಎಂಬುದು ಕ್ಯಾಂಡಿ ತಯಾರಿಕೆಯಲ್ಲಿ ಬಳಸುವ ದಪ್ಪದಾದ ಹೊಳೆಯುವ ದ್ರವ. ಇದು ಸುಲಭವಾಗಿ ದೊರೆಯುವುದರಿಂದ ಜೇನುತುಪ್ಪಕ್ಕೆ ಸೇರಿಸಿ ಮಾರಲಾಗುತ್ತದೆ.

ಇನ್ವರ್ಟ್‌ ಶುಗರ್‌ ಎಂಬುದು ಸಕ್ಕರೆ ಆಧಾರಿತ ಕಬ್ಬಿನ ಉತ್ಪನ್ನವಾಗಿದ್ದು ಜೇನುತುಪ್ಪಕ್ಕೆ ತುಂಬ ಹೋಲುತ್ತದೆ. ಇದನ್ನು ಮಿಠಾಯಿ ಮತ್ತು ಬೇಕರಿ ತಿಂಡಿಗಳಲ್ಲಿ ಬಳಸಲಾಗುತ್ತಿದ್ದು ಇದನ್ನೂ ಕೂಡ ಜೇನುತುಪ್ಪಕ್ಕೆ ಬೆರಸಿ ಮಾರಲಾಗುತ್ತಿದೆ. ಹೈಫ್ಸ್ ಕ್ಟೋಸ್‌ ಕಾರ್ನ್ ಸಿರಪ್‌ ಇದು ಜೇನು ತುಪ್ಪಕ್ಕೆ ಬಳಸುವ ಇನ್ನೊಂದು ಮಿಶ್ರಣವಾಗಿದ್ದು, ಜೇನುತುಪ್ಪದಂತೆ ತೋರುವ ಇದನ್ನು ವಿದೇಶದಿಂದ ಆಮದು ಮಾಡಿಕೊಂಡು ಮೆಕ್ಕೆಜೋಳವನ್ನು ಸಂಸ್ಕರಿಸಿ ಅನೇಕ ಜೇನುತುಪ್ಪದ ಕಂಪನಿಗಳು ಇದನ್ನು ಬಳಸುತ್ತವೆ. ಇತ್ತೀಚಿನ ವರ್ಷದಲ್ಲಿ ಚೀನಾದಲ್ಲಿ ತಯಾರಾಗುವ ಅಕ್ಕಿಯ ಸಿರಪ್‌ನ್ನು ಬಳಸಿಜೇನುತುಪ್ಪಕ್ಕೆ ಸೇರಿಸಿ ಮಾರಲಾಗುತ್ತದೆ. ಇವುಗಳು ಮಧುಮೇಹ ಮತ್ತು ಹೃದಯ ಸಮಸ್ಯೆಗಳಿಗೆ ಸಂಬಂಧಿಸಿ ತೀವ್ರ ಅಡ್ಡಪರಿಣಾಮ ಬೀರುತ್ತವೆ. ಸಾಸಿವೆ, ಲೀಚಿ, ಸೂರ್ಯಕಾಂತಿ, ಅಂಟವಾಳ, ಮಾವು, ಅಕೇಶಿಯಾ, ಮೊದಲಾದ ಹೂವುಗಳಿಂದ ರಬ್ಬರ್‌ ಚಿಗುರಿನಿಂದ ಪಡೆಯುವ ಅಸಲಿ ಜೇನುತುಪ್ಪ ಮೊನೊಫ್ಲೋರಾ ಹನಿ ಅನಿಸಿಕೊಳ್ಳುತ್ತದೆ. ಕಾಡಿನ ಪ್ರದೇಶದಿಂದ ನೂರಾರು ವಿಧದ ಗಿಡದ ಮಕರಂದಗಳಿಂದ ಸಂಗ್ರಹಿಸಲ್ಪಡುವ ಜೇನು ಮಲ್ಪಿಫ್ಲೋರಾ ಜೇನು ಎಂದು ಕರೆಸಿಕೊಳ್ಳುತ್ತದೆ.

ಸ್ಥಳೀಯವಾಗಿ ಜೇನುತುಪ್ಪ ಪರೀಕ್ಷಿಸುವ ಎಲ್ಲ ಪದ್ಧತಿಗಳ ಕಣ್ಣುತಪ್ಪಿಸಿ ಜೇನುತುಪ್ಪದ ಹೆಸರಿನಲ್ಲಿ ಹಲವಾರು ರೀತಿಯಸಿಹಿ ಜೇನುಪ್ರಿಯರ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತಿದೆ. ದೊಡ್ಡ ಕಂಪನಿಗಳ ಕಥೆ ಹೀಗಾದರೆ ಮುಕ್ಕಾಲು ಬಾಟಲಿ ನೀರು ತುಂಬಿಸಿ ಮೇಲೆ ಅರ್ಧ ಲೋಟ ಜೇನುತುಪ್ಪ, ಮೇಣ ಕರಗಿಸಿ ಹಾಕಿ ಮಾರುವ ಹಳ್ಳಿಗರಿದ್ದಾರೆ.

ಕಾಡು ಜೇನಿಗೆ ಸಾಕಿದ ಜೇನು ತುಪ್ಪವನ್ನು ಬೆರೆಸುವವರಿದ್ದಾರೆ. ಹೆಜ್ಜೇನು ಎತ್ತರದಲ್ಲಿ ಬಹುಮಹಡಿ ಮೇಲೆ ಗೂಡು ಕಟ್ಟುತ್ತದೆ. ಕೆಲವು ದುಷ್ಟಬುದ್ಧಿಯ ಸಾಹಸಿಗಳು ಇದನ್ನು ಸಂಗ್ರಹಿಸಿ ಕೊಡುವುದಾಗಿ ಹೇಳಿ ಸಾವಿರಾರು ರೂ. ಗೆ ಗುತ್ತಿಗೆ ಮಾಡುತ್ತಾರೆ. ಹುಳಕಡಿಯುತ್ತದೆ ಎಂದು ಕಟ್ಟಡ ಮಾಲಿಕನನ್ನು ದೂರ ನಿಲ್ಲಿಸಿ ಇವರು ಅರ್ಧ ಬಾಲ್ಡಿ ನೀರು ತುಂಬಿಕೊಂಡು ಕಟ್ಟಡ ಏರಿ ಒಂದೆರಡು ತುಪ್ಪದ ಎರಿಗಳನ್ನು ಹಾಕಿ ಉಳಿದ ಖಾಲಿ ಮತ್ತು ಮರಿಮೊಟ್ಟೆ ಎರಿಯನ್ನು ತುಂಬಿಸಿ ಒಂದು ಬಾಲ್ಡಿ ಜೇನುತುಪ್ಪ ಬಂತು ಎಂದು ಕೊಟ್ಟು ಹೋಗುತ್ತಾರೆ. ಕರ್ನಾಟಕದ ಕೆಲವೆಡೆಗಳಲ್ಲಿ ಅರ್ಧ ಶತಮಾನದ ಹಿಂದೆ ಹುಟ್ಟಿಕೊಂಡ ಕೆಲವು ಜೇನು ಉತ್ಪಾದಕರ ಸಹಕಾರಿ ಸಂಘಗಳು ತಮ್ಮ ಜಿಲ್ಲೆಯ ಸಂಗ್ರಹದ ಜೊತೆ ಬಿಹಾರ, ಗುಜರಾತ್‌ಗಳಿಂದಲೂ ಜೇನುತುಪ್ಪ ತಂದು ತಮ್ಮ ಬ್ರಾಂಡ್‌ ನಲ್ಲಿ ಮಾರುತ್ತಾರೆ.

ಹಾಲಿನ ಸಾಚಾತನ ಪರೀಕ್ಷಿಸುವ ಉಪಕರಣದಂತೆ ಜೇನುತುಪ್ಪದ ಪರೀಕ್ಷೆಗೂ ಒಂದು ಉಪಕರಣ ಬರುವವರೆಗೆ ನಕಲಿ ಜೇನುತುಪ್ಪದ ಹಾವಳಿ ಇರುತ್ತದೆ. ಪರಿಶುದ್ಧ ಬೇಕಾದರೆ ರೈತ ಜೇನು ತುಪ್ಪ ತೆಗೆಯುವಲ್ಲಿ ಹೋಗಬೇಕು. ಬೇಡಿಕೆಗೂ, ಪೂರೈಕೆಗೂ ಅಗಾಧ ಅಂತರ ಇರುವುದರಿಂದ ಕೋವಿಡ್‌ ಕಾಲದಲ್ಲಿ ಜೇನು ರೋಗನಿರೋಧಕ ಶಕ್ತಿ ಹೆಚ್ಚುವ ಪ್ರಚಾರ ಜೋರಾದ ಕಾರಣ ನಕಲಿ ಜೇನಿನ ವ್ಯಾಪಾರ ಜೋರಾಗಿಯೇ ನಡೆದಿದೆ. ಮಾಧ್ಯಮದಲ್ಲಿ ಬರುತ್ತಿರುವ ವರದಿಗಳಲ್ಲಿ ಸತ್ಯತೆ ಇದೆ ಎಂದು ಅನುಭವಿ ಜೇನು ಸಾಕಾಣಿಕೆದಾರರು ಅಭಿಪ್ರಾಯಪಡುತ್ತಿರುವುದು ಕೋಲಾಹಲಕ್ಕೆ ಕಾರಣವಾಗಿದೆ.

 

ಜೀಯು, ಹೊನ್ನಾವರ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ, ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

chinna

ಚಿನ್ನದ ಸರ ಕಳ್ಳತನವಾಗಿದೆ ಎಂದ ಅಜ್ಜಿ:ಪೊಲೀಸರ ತನಿಖೆಯ ವೇಳೆ ಬಯಲಾಯ್ತು ಬೆಚ್ಚಿ ಬೀಳುವ ರಹಸ್ಯ

ಈಗ ಚುನಾವಣೆ ನಡೆದರೂ ಮೋದಿಯದ್ದೇ ಗೆಲುವು!

ಈಗ ಚುನಾವಣೆ ನಡೆದರೂ ಮೋದಿಯದ್ದೇ ಗೆಲುವು!

ಜಾಗತಿಕ ಡೋಸ್‌ ನೋಟ

ಜಾಗತಿಕ ಡೋಸ್‌ ನೋಟ

ಕೋವಿಡ್ ದಿಂದ ಬಳಲಿದ ಶಿಕ್ಷಣ ವ್ಯವಸ್ಥೆ

ಕೋವಿಡ್ ದಿಂದ ಬಳಲಿದ ಶಿಕ್ಷಣ ವ್ಯವಸ್ಥೆ

ಗಣರಾಜ್ಯೋತ್ಸವ  55 ವರ್ಷಗಳ ಬಳಿಕ  ವಿದೇಶಿ ಮುಖ್ಯ ಅತಿಥಿ ಇಲ್ಲ

ಗಣರಾಜ್ಯೋತ್ಸವ 55 ವರ್ಷಗಳ ಬಳಿಕ ವಿದೇಶಿ ಮುಖ್ಯ ಅತಿಥಿ ಇಲ್ಲ

raashi

ಸಂಬಂಧಗಳಲ್ಲಿ ಏಳುಬೀಳು, ಮುಂಗೋಪದಿಂದ ಕೆಲಸ ಹಾಳು: ಹೇಗಿದೆ ಇಂದಿನ ದಿನ ಭವಿಷ್ಯ !

ಜನಸಾಮಾನ್ಯರಿಗೆ ಲಸಿಕೆ ಯಾವಾಗ ಕೊಡುತ್ತಾರೆ?

ಜನಸಾಮಾನ್ಯರಿಗೆ ಲಸಿಕೆ ಯಾವಾಗ ಕೊಡುತ್ತಾರೆ?







ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

murudeshwarta

ಮೂಲಸೌಕರ್ಯ ಅಭಿವೃದ್ಧಿಗೆ ಆಗ್ರಹ

ವೈದ್ಯರ ಬಳಿ ಸಾವನ್ನಪ್ಪಿದ ಪತ್ನಿ, ಡ್ರೈವರ್ ಕ್ಷೇಮ ವಿಚಾರಿಸಿದ ಶ್ರೀಪಾದ್ ನಾಯ್ಕ್

ವೈದ್ಯರ ಬಳಿ ಸಾವನ್ನಪ್ಪಿದ ಪತ್ನಿ ಕ್ಷೇಮ ವಿಚಾರಿಸಿದ ಶ್ರೀಪಾದ್ ನಾಯ್ಕ್

goa-1

ಅಡಪೈಯಲ್ಲಿ ಶ್ರೀಪಾದ ನಾಯ್ಕ್ ಪತ್ನಿ ವಿಜಯಾ ನಾಯ್ಕ ಅಂತ್ಯಸಂಸ್ಕಾರ; ಗೋವಾ ಸಿಎಂ ಸಾವಂತ್ ಭಾಗಿ

ಜೋಯಿಡಾ: ಬುಡಕಟ್ಟು ಜನರಿಂದ ಸಾಂಪ್ರದಾಯಿಕ ಗಡ್ಡೆ ಗೆಣಸು ಮೇಳ

ಜೋಯಿಡಾ: ಬುಡಕಟ್ಟು ಜನರಿಂದ ಸಾಂಪ್ರದಾಯಿಕ ಗಡ್ಡೆ ಗೆಣಸು ಮೇಳ

ಜನವರಿ 14 ರಂದು ಸಚಿವ ಶ್ರೀಪಾದ ನಾಯಕ್ ಪತ್ನಿಯ ಅಂತ್ಯಕ್ರೀಯೆ

ಜನವರಿ 14 ರಂದು ಸಚಿವ ಶ್ರೀಪಾದ ನಾಯಕ್ ಪತ್ನಿಯ ಅಂತ್ಯಕ್ರೀಯೆ

MUST WATCH

udayavani youtube

ಪಾಕ್ ಪರ ಘೋಷಣೆ ವಿಚಾರ: ಮಂಗಳೂರಿನಲ್ಲಿ ಎಸ್‌ಡಿಪಿಐನಿಂದ ‘SP ಕಚೇರಿ ಚಲೋ’ ಪ್ರತಿಭಟನೆ

udayavani youtube

ದಕ್ಷಿಣಕನ್ನಡ ಜಿಲ್ಲೆಯ 6 ಕೇಂದ್ರಗಳಲ್ಲಿ ನಾಳೆಯಿಂದ ಲಸಿಕೆ ವಿತರಣೆ: ಡಾ. ಕೆ.ವಿ. ರಾಜೇಂದ್ರ

udayavani youtube

ಸಚಿವ ಸಂಪುಟ ಅಸಮಾಧಾನ: ಮಾರ್ಗದಲ್ಲಿ ನಿಂತು ಅಪಸ್ವರ ತೆಗೆಯೋ ಅವಶ್ಯಕತೆ ಇಲ್ಲ ಎಂದ ನಳಿನ್

udayavani youtube

ಕತ್ತಲೆ ಕವಿದ ಬದುಕಿನಲ್ಲಿ ಬೆಳಕು ಮೂಡಿಸಿದ ಸ್ವ ಉದ್ಯೋಗ | Udayavani

udayavani youtube

ಭಾರತ ಆತ್ಮನಿರ್ಭರವಾಗಲು ಗ್ರಾಹಕರು ಸ್ಥಳೀಯ ವ್ಯಾಪಾರಿಗಳನ್ನು ಬೆಂಬಲಿಸಬೇಕು

ಹೊಸ ಸೇರ್ಪಡೆ

chinna

ಚಿನ್ನದ ಸರ ಕಳ್ಳತನವಾಗಿದೆ ಎಂದ ಅಜ್ಜಿ:ಪೊಲೀಸರ ತನಿಖೆಯ ವೇಳೆ ಬಯಲಾಯ್ತು ಬೆಚ್ಚಿ ಬೀಳುವ ರಹಸ್ಯ

ಗಲಭೆಗೆ ಬಿಟ್‌ಕಾಯಿನ್‌ ಪೇಮೆಂಟ್‌?

ಗಲಭೆಗೆ ಬಿಟ್‌ಕಾಯಿನ್‌ ಪೇಮೆಂಟ್‌?

ಈಗ ಚುನಾವಣೆ ನಡೆದರೂ ಮೋದಿಯದ್ದೇ ಗೆಲುವು!

ಈಗ ಚುನಾವಣೆ ನಡೆದರೂ ಮೋದಿಯದ್ದೇ ಗೆಲುವು!

ಜಾಗತಿಕ ಡೋಸ್‌ ನೋಟ

ಜಾಗತಿಕ ಡೋಸ್‌ ನೋಟ

ಕೋವಿಡ್ ದಿಂದ ಬಳಲಿದ ಶಿಕ್ಷಣ ವ್ಯವಸ್ಥೆ

ಕೋವಿಡ್ ದಿಂದ ಬಳಲಿದ ಶಿಕ್ಷಣ ವ್ಯವಸ್ಥೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.