ಯಾವ ಅಂಶವನ್ನು ಗಮನದಲ್ಲಿಟ್ಟುಕೊಂಡು ಮತ ಚಲಾಯಿಸುತ್ತೀರಿ?

Team Udayavani, Apr 12, 2019, 11:27 AM IST

ನಮ್ಮ ಕ್ಷೇತ್ರದ ಅಭಿವೃದ್ಧಿ ಹಾಗೂ ಇಲ್ಲಿನ ಜನರೊಂದಿಗೆ ಆ ಅಭ್ಯರ್ಥಿ ಹೊಂದಿರುವ ಒಡನಾಟವನ್ನು ಗಮನದಲ್ಲಿಟ್ಟು
ಕೊಂಡು ಮತ ಹಾಕುವೆ.
 ● ಮುನಿ, ಆರ್‌.ಟಿ.ನಗರ ನಿವಾಸಿ
ಭಾರತಕ್ಕೆ ವಿಶ್ವ ಮಟ್ಟದಲ್ಲಿ ಸ್ಥಾನ ದೊರಕಿಸುವವರಿಗೆ ನನ್ನ ಮತ. ದೇಶವನ್ನು ಉಗ್ರಗಾಮಿಗಳಿಂದ ರಕ್ಷಿಸುವ ಸಂಕಲ್ಪ ಹೊಂದಿದವರು ನನ್ನ ಆಯ್ಕೆ.
 ● ಪವನ್‌.ಎ.ಎಸ್‌, ವಿದ್ಯಾರ್ಥಿ
ಪಕ್ಷ ಮತ್ತು ಸಿದ್ಧಾಂತವನ್ನು ಗಮನದಲ್ಲಿರಿಸಿಕೊಂಡು ಮತ ಚಲಾವಣೆ ಮಾಡುತ್ತೇನೆ. ಯುವ ಪೀಳಿಗೆಗೆ ಆದ್ಯತೆ ನೀಡಿ, ಅವರಿಗೂ ಮಹತ್ತರ ಜವಾಬ್ದಾರಿ ನೀಡಿದ ಪಕ್ಷಕ್ಕೆ ಓಟ್‌ ಹಾಕಲು ನಿರ್ಧರಿಸಿದ್ದೇನೆ.
 ● ಸಾಗರ್‌, ಐಟಿಐ ವಿದ್ಯಾರ್ಥಿ
ದೇಶದ ಆಡಳಿತ ಸಮ್ಮಿಶ್ರ ಸರ್ಕಾರದ ಕೈಯಲ್ಲಿದ್ದರೆ ಎತ್ತು ಎರಿಗೆ ಎಳೆದರೆ ಕೋಣ ನೀರಿಗೆ ಎಳೆದಂತೆ ಆಗಲಿದೆ. ಪೂರ್ಣ ಬಹುಮತವಿರುವ ಪಕ್ಷ ಆಡಳಿತಕ್ಕೆ ಬರಬೇಕು. ಹೀಗಾಗಿ ಪಕ್ಷ ನೋಡಿ ಓಟ್‌ ಮಾಡುವೆ.
 ● ಅರ್ಜುನ್‌, ರೇಷ್ಮೆ ಸೀರೆ ವ್ಯಾಪಾರಿ
ಕಾವೇರಿ, ಗಡಿ ವಿವಾದ ಹಾಗೂ ಕನ್ನಡ ಭಾಷೆ ವಿಷಯದ ಬಗ್ಗೆ ಪಕ್ಷಗಳ ನಿಲುವು ಗಮನಿಸಿ ಮತ ಚಲಾವಣೆ ಮಾಡಲಾಗುವುದು. ಕೇಂದ್ರದಲ್ಲಿ ರಾಜ್ಯದ ಪರವಾಗಿ ಮಾತನಾಡುವವರಿಗೆ ನನ್ನ ಮತ.
 ● ದಕ್ಷಿಣಾಮೂರ್ತಿ, ಕಲಾವಿದ
ಇದು ದೇಶದ ಸಮರ್ಥ ನಾಯಕ ನನ್ನು ಆಯ್ಕೆ ಮಾಡುವ ಸಮಯ. ಹಾಗಾಗಿ ರಾಷ್ಟ್ರೀಯ ವಿಷಯಗಳಲ್ಲಿ ನಾಯಕರು ನಡೆದುಕೊಂಡ ರೀತಿಯನ್ನು ಗಮನಿಸಿ ಮತ ಚಲಾವಣೆ ಮಾಡಲಾಗುವುದು.
 ● ಶಿವಾನಂದ ಕೆ. ಬಡಿಗೇರ್‌, ಶಿಕ್ಷಕ
ರಾಷ್ಟ್ರೀಯ ವಿಚಾರಗಳಲ್ಲಿ ಕೇಂದ್ರ ಸರ್ಕಾರ ಕೈಕೊಂಡ ನಿರ್ಧಾರ ಹಾಗೂ ಈ ಬಗ್ಗೆ ವಿರೋಧ ಪಕ್ಷಗಳು ಚರ್ಚಿಸಿದ ರೀತಿ ಗಮನಿಸಿ ಓಟ್‌ ಮಾಡಿದರೆ ದೇಶಕ್ಕೆ ಉತ್ತಮ ನಾಯಕರು ದೊರೆಯುತ್ತಾರೆ.
 ● ಲಾವಣ್ಯ, ಖಾಸಗಿ ಕಂಪನಿ ಉದ್ಯೋಗಿ
ಅಭ್ಯರ್ಥಿಗಳು ಸ್ಥಳೀಯ ಮಟ್ಟದಲ್ಲಿ ಯಾವ ರೀತಿ ಕೆಲಸ ಮಾಡಿದ್ದಾರೆ, ಕ್ಷೇತ್ರದ ಅಭಿವೃದ್ಧಿಗೆ ಪೂರಕವಾಗಿ ಯಾವೆಲ್ಲಾ ಯೋಜನೆ ರೂಪಿಸಿ ಅನುಷ್ಠಾನಗೊಳಿಸಿದ್ದಾರೆ ಎಂಬು ದನ್ನು ನೋಡಿ ಓಟ್‌ ಮಾಡುವೆ.
 ● ಲಕ್ಷ್ಮೀ, ಹೊರಗುತ್ತಿಗೆ ಸಿಬ್ಬಂದಿ
ಮೊದಲು ನನ್ನ ಕ್ಷೇತ್ರದ ಅಭ್ಯರ್ಥಿ, ನಂತರ ರಾಜ್ಯ ಮತ್ತು ರಾಷ್ಟ್ರ. ಸಂಸ ದರು ತಾವು ಪ್ರತಿನಿಧಿಸಿದ ಕ್ಷೇತ್ರದ ಅಭಿವೃದ್ಧಿಯನ್ನು ಯಾವ ರೀತಿ ಮಾಡಿದ್ದಾರೆ ಎಂದು ಗಮನಿಸಿ ಅಭ್ಯರ್ಥಿಗೆ ಮತ ಹಾಕಲಾಗುವುದು.
 ● ಆಯಿಷಾ, ಹೊರಗುತ್ತಿಗೆ ಸಿಬ್ಬಂದಿ
ಕಳಂಕರಹಿತ, ಭ್ರಷ್ಟಚಾರ ರಹಿತ ಶುದ್ಧ ವ್ಯಕ್ತಿಗೆ ಮತ ಈ ಬಾರಿ ನನ್ನ ಮತ ಮೀಸಲಿರಲಿದೆ. ಅಂತಾ ರಾಷ್ಟ್ರೀಯ ಮಟ್ಟದಲ್ಲಿ ಭಾರತಕ್ಕೆ ಗೌರವ ಸಿಗುವಂತೆ ಮಾಡುವವರಿಗೆ ಓಟ್‌ ಮಾಡಲಾಗುವುದು.
 ● ವಿಭಾ, ಖಾಸಗಿ ಸಂಸ್ಥೆ ಉದ್ಯೋಗಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ