ಭಾರತಕ್ಕೆ ಮೊದಲ ಏಷ್ಯಾ ಹಾಕಿ ಕಿರೀಟ
Team Udayavani, Jun 12, 2023, 7:17 AM IST
ಕಾಕಾಮಿಗಾಹಾರ (ಜಪಾನ್): ಭಾರತದ ಕಿರಿಯ ವನಿತಾ ಹಾಕಿ ತಂಡ ಜಪಾನ್ ನೆಲದಲ್ಲಿ ಇತಿಹಾಸ ನಿರ್ಮಿಸಿದೆ. ಮೊದಲ ಬಾರಿಗೆ ಜೂನಿಯರ್ ಏಷ್ಯಾ ಕಪ್ ಚಾಂಪಿಯನ್ ಆಗಿ ಮೂಡಿಬಂದಿದೆ. ರವಿವಾರ ನಡೆದ ಪ್ರಶಸ್ತಿ ಕಾಳಗದಲ್ಲಿ ಪ್ರೀತಿ ನಾಯಕತ್ವದ ಭಾರತ ಬಲಿಷ್ಠ ದಕ್ಷಿಣ ಕೊರಿಯಾವನ್ನು 2-1 ಗೋಲುಗಳಿಂದ ಪರಾಭವಗೊಳಿಸಿತು.
ದಕ್ಷಿಣ ಕೊರಿಯಾ 4 ಬಾರಿಯ ಚಾಂಪಿಯನ್ ಎನ್ನುವಾಗ ಭಾರತದ ಗೆಲುವಿನ ಮೌಲ್ಯ ಅರಿವಿಗೆ ಬರುತ್ತದೆ. ಇದೊಂದು ಮಹೋನ್ನತ ಸಾಧನೆ ಎಂದು ವಿಶ್ಲೇಷಿಸಲಾಗುತ್ತಿದೆ. ವಿಜೇತ ತಂಡವನ್ನು ಹಾಕಿ ಇಂಡಿಯಾ ಅಧ್ಯಕ್ಷ ದಿಲೀಪ್ ಟಿರ್ಕಿ ಅಭಿನಂದಿಸಿದ್ದಾರೆ. ತಂಡದ ಎಲ್ಲ ಆಟಗಾರರಿಗೂ ಹಾಕಿ ಇಂಡಿಯಾ 2 ಲಕ್ಷ ರೂ. ಹಾಗೂ ಸಹಾಯಕ ಸಿಬಂದಿಗೆ ಒಂದು ಲಕ್ಷ ರೂ. ಬಹುಮಾನ ಘೋಷಿಸಿದೆ.
ಮೊದಲ ಕ್ವಾರ್ಟರ್ನಲ್ಲಿ ಯಾವುದೇ ಗೋಲು ದಾಖಲಾಗಲಿಲ್ಲ. 22ನೇ ನಿಮಿಷದಲ್ಲಿ ಅನ್ನು ಪೆನಾಲ್ಟಿ ಕಾರ್ನರ್ ಮೂಲಕ ಖಾತೆ ತೆರೆದರು. ಮೂರೇ ನಿಮಿಷದಲ್ಲಿ ಪಾರ್ಕ್ ಸೇ ಯೋನ್ ಪಂದ್ಯವನ್ನು ಸಮಬಲಕ್ಕೆ ತರುವಲ್ಲಿ ಯಶಸ್ವಿಯಾದರು.
ಭಾರತದ ದ್ವಿತೀಯ ಗೋಲು 41ನೇ ನಿಮಿಷದಲ್ಲಿ ನೀಲಂ ಅವರಿಂದ ದಾಖಲಾಯಿತು. ಗೋಲು ಪೆಟ್ಟಿಗೆಯ ಬಲ ಭಾಗದಲ್ಲಿ, ತೀರಾ ಕೆಳ ಹಂತದಲ್ಲಿ ಬಿರುಸಿನಿಂದ ಹಾದುಹೋದ ಚೆಂಡು ಕೊರಿಯನ್ ಗೋಲ್ಕೀಪರ್ ಅವರನ್ನು ವಂಚಿಸಿತು.
ಪ್ರೀತಿ ಪಂದ್ಯದ ಆಟಗಾರ್ತಿ
ನಾಯಕಿ ಪ್ರೀತಿ “ಪಂದ್ಯದ ಆಟಗಾರ್ತಿ’ ಗೌರವಕ್ಕೆ ಭಾಜನರಾದರು. ಲೀಗ್ ಹಂತದಲ್ಲಿ ಕೊರಿಯಾ ವಿರುದ್ಧ ಭಾರತ 1-1 ಡ್ರಾ ಫಲಿತಾಂಶ ದಾಖಲಿಸಿತ್ತು. “ಅಲ್ಲಿನ ಕೆಲವು ವೈಫಲ್ಯಗಳನ್ನು ಹೋಗಲಾಡಿಸಿಕೊಳ್ಳುವ ನಿಟ್ಟಿನಲ್ಲಿ ನಾವು ಯೋಜನೆ ರೂಪಿಸಿದ್ದೆವು. ಇದು ಯಶಸ್ವಿಯಾಯಿತು. ಇದು ನಮ್ಮ ಬೆಸ್ಟ್ ಗೇಮ್ ಆಗಿತ್ತು’ ಎಂಬುದಾಗಿ ಪ್ರೀತಿ ಪ್ರತಿಕ್ರಿಯಿಸಿದರು.
ಭಾರತ ವನಿತಾ ಜೂನಿಯರ್ ಏಷ್ಯಾ ಕಪ್ ಹಾಕಿ ಪಂದ್ಯಾವಳಿಯ ಫೈನಲ್ಗೆ ಲಗ್ಗೆ ಇರಿಸಿದ ಕೇವಲ 2ನೇ ನಿದರ್ಶನ ಇದಾಗಿದೆ. 2012ರ ಬ್ಯಾಂಕಾಕ್ ಟೂರ್ನಿಯಲ್ಲಿ ಮೊದಲ ಸಲ ಪ್ರಶಸ್ತಿ ಸುತ್ತು ಪ್ರವೇಶಿಸಿತ್ತು. ಅಲ್ಲಿ ಚೀನ ವಿರುದ್ಧ 2-5ರಿಂದ ಸೋತಿತ್ತು.
ಈ ಬಾರಿ ಫೈನಲ್ ಪ್ರವೇಶ ಪಡೆದಾಗಲೇ ಚಿಲಿಯಲ್ಲಿ ನಡೆಯಲಿರುವ ಜೂನಿಯರ್ ಹಾಕಿ ವಿಶ್ವಕಪ್ ಪಂದ್ಯಾವಳಿಗೆ ಭಾರತ ಅರ್ಹತೆ ಸಂಪಾದಿಸಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Gayatri Siddeshwar: ಕೈ ಸರ್ಕಾರದ ಗ್ಯಾರಂಟಿ ತಾತ್ಕಾಲಿಕ; ಗಾಯಿತ್ರಿ
Kannur: ಕಾರು – ಲಾರಿ ನಡುವೆ ಭೀಕರ ಅಪಘಾತ; ಒಂದೇ ಕುಟುಂಬದ ಐವರು ದುರ್ಮರಣ
Licenses: ಪತಂಜಲಿಗೆ ಸೇರಿದ 14 ಉತ್ಪನ್ನಗಳ ಲೈಸೆನ್ಸ್ ರದ್ದು ಮಾಡಿದ ಸರಕಾರ.. ಇಲ್ಲಿದೆ ಕಾರಣ
ಆ*ತ್ಮಹತ್ಯೆಗಾಗಿ 14ನೇ ಮಹಡಿ ಮೇಲಿನಿಂದ ಜಿಗಿದ ಯುವಕ ಬಾಳೆಗಿಡಕ್ಕೆ ಬಿದ್ದು ಬದುಕಿದ
Horoscope: ಯಾವುದೇ ಪರಿಸ್ಥಿತಿಯನ್ನು ಎದುರಿಸಿ ಕೆಲಸ ಮಾಡುವ ಧೈರ್ಯ ನಿಮ್ಮದಾಗಿರಲಿದೆ