ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದ ಮಂಗ “ವರ್ಷದ ವ್ಯಕ್ತಿ’
Team Udayavani, Dec 7, 2017, 4:02 AM IST
ಸೆಲ್ಫಿ ಕ್ಲಿಕ್ಕಿಸಿಕೊಂಡು ಜಗತ್ತಿನಾದ್ಯಂತ ಫೇಮಸ್ ಆದ ಇಂಡೋನೇಷ್ಯಾ ಮಂಗ “ನರುಟೊ’ ಈ ಬಾರಿಯ “ವರ್ಷದ ವ್ಯಕ್ತಿ’! ಈ ಬಿರುದನ್ನು ಈ ಮಂಗಕ್ಕೆ ದಯಪಾಲಿಸಿದ್ದು ಪ್ರಾಣಿಗಳ ಹಕ್ಕು ಸಂಘಟನೆ “ಪೇಟ’.
ಈ ಕೋತಿಯನ್ನು ಕೇವಲ ಪ್ರಾಣಿ ಎಂದು ಪರಿಗಣಿಸಕೂಡದು. ಅದು ಮಾನವನಿಗಿಂತ ಕಡಿಮೆ ಏನಲ್ಲ ಎಂದು ಪೇಟ ಕೋಟ್ ìನಲ್ಲಿ ವಾದಿಸಿತ್ತು. ನರುಟೊ ಈ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದು 2011ರಲ್ಲಿ. ಬ್ರಿಟಿಷ್ ಛಾಯಾಗ್ರಾಹಕ ಡೇವಿಡ್ ಸ್ಲೇಟರ್ ಸುಲುವೇಸಿ ದ್ವೀಪದಲ್ಲಿ ಕ್ಯಾಮೆರಾ ಸಿದ್ಧಪಡಿಸಿ ಇರಿಸಿದ್ದಾಗ ನರುಟೋ ಅದನ್ನು ಹಿಡಿದು ಫೋಟೊ ಬಟನ್ ಒತ್ತಿತ್ತು. ಬಳಿಕ ಪೇಟ ಸಂಘಟನೆ ಈ ಫೋಟೊದ ಹಕ್ಕನ್ನು ನರುಟೋಗೆ ನೀಡಬೇಕೆಂದು ಒತ್ತಾಯಿಸಿತ್ತು.