CONNECT WITH US  

ಮೈಗ್ರೇನ್‌ ಎಂಬ ತಲೆಶೂಲೆ

ಸಾಂದರ್ಭಿಕ ಚಿತ್ರ..

ಹಿಂದಿನ ವಾರದಿಂದ- ಹಂತ 3: ಮೈಗ್ರೇನ್‌ನ ತಲೆನೋವಿನ ಹಂತವನ್ನೂ ಇನ್ನಷ್ಟು ವಿಭಾಗಿಸಬಹುದು. ತಲೆನೋವು ಸಾಮಾನ್ಯ ವಾಗಿ ಲಘುವಾದ ನೋವಿನಿಂದ ಆರಂಭವಾಗುತ್ತದೆ. ಈ ತಲೆನೋವಿನ ಗುಣಮಟ್ಟವು ಒತ್ತಡ ದಿಂದ ಉಂಟಾಗುವ ತಲೆನೋವನ್ನು ನೆನಪಿಸುವಂತಿರುತ್ತದೆ. ಕೆಲವು ರೋಗಿಗಳಲ್ಲಿ ಇದು ಕಿರು ಅವಧಿಯದ್ದಾಗಿರಬಹುದು, ಇನ್ನು ಕೆಲವರಲ್ಲಿ ದೀರ್ಘ‌ಕಾಲ ಇರಬಹುದು. ಸಂವೇದಿ ನೋವಿನ ವಲಯದಲ್ಲಿ ಕಡಿಮೆಯಾಗುತ್ತಿರುವಂತೆ ಇದು ಕಂಡುಬರಬಹುದು. 

ಮೈಗ್ರೇನ್‌ ಪ್ರಕ್ರಿಯೆ ಮುಂದುವರಿ ಯುತ್ತಿದ್ದಂತೆ, ನೋವು ಮಧ್ಯಮದಿಂದ ತೀವ್ರತೆಯ ಮಟ್ಟಕ್ಕೆ ಹೆಚ್ಚುತ್ತದೆ. ಈಗ ತಲೆ ಸಿಡಿತ ಮತ್ತು ಚಟುವಟಿಕೆ ನಡೆಸಿದರೆ ನೋವು ಹೆಚ್ಚುವುದರಿಂದಾಗಿ ಈಗ ಈ ನೋವು ನರ-ರಕ್ತನಾಳ ಮೂಲದ್ದು ಎಂಬುದನ್ನು ಊಹಿಸುವುದಕ್ಕೆ ಸಾಧ್ಯವಾಗುತ್ತದೆ. ಸಂಬಂಧಿಸಿದ ಇತರ ಲಕ್ಷಣಗಳೂ ಸ್ಪಷ್ಟವಾಗಿ ಅನುಭವಕ್ಕೆ ಬರುತ್ತವೆ. ಈ ಪ್ರಕ್ರಿಯೆ ತಡೆಗೆ ಒಳಗಾಗದೆ ಇದ್ದರೆ ಅದು ತೃತೀಯ ಶ್ರೇಣಿಯ ನ್ಯೂರಾನ್‌ಗಳಿಂದ ಕೇಂದ್ರೀಯವಾಗಿ ಕಾಯ್ದುಕೊಳ್ಳಲ್ಪಡುತ್ತದೆ ಹಾಗೂ ದೀರ್ಘಾವಧಿಯ ಮೈಗ್ರೇನ್‌ ಉಂಟು ಮಾಡುತ್ತದೆ ಎಂದು ವ್ಯಾಖ್ಯಾನಿಸಲಾಗುತ್ತದೆ.

ಹಂತದ 4
ಇದು ಪರಿಹಾರಾತ್ಮಕ ಹಂತವಾಗಿದ್ದು, ಇಲ್ಲಿ ಮೈಗ್ರೇನ್‌ನ ಲಕ್ಷಣಗಳು ನಿಧಾನವಾಗಿ ಮಾಯುತ್ತಾ ಹೋಗುತ್ತವೆ. ಬಹುತೇಕ ಮೈಗ್ರೇನ್‌ ತಲೆನೋವು ರೋಗಿ ನಿದ್ರಿಸಿದಾಗ ಪರಿಹಾರವಾಗುತ್ತದೆ. 

ಹಂತ 5 
ಇದು ಚೇತರಿಕೆಯ ಹಂತ ಅಥವಾ ಮೈಗ್ರೇನೋತ್ತರ ಹಂತವಾಗಿದ್ದು, ತಲೆ ನೋವು ಮಾಯವಾಗಿ ದ್ದರೂ ರೋಗಿ ಬಳಲಿರುತ್ತಾನೆ ಹಾಗೂ ಆಹಾರಗಳಿಗೆ ಸೀಮಿತ ಒಗ್ಗುವಿಕೆಯನ್ನು ಹೊಂದಿರುತ್ತಾನೆ. ಮೈಗ್ರೇನೋತ್ತರ ಹಂತವು ದ್ರವಾಂಶ ಉಳಿಕೆಯ ಲಕ್ಷಣಗಳನ್ನು ಹೊಂದಿದ್ದರೆ ಡಿಯೂರಿಸಿಸ್‌ ಕೂಡ ಉಂಟಾಗಬಹುದು. 

ರೋಗಿಯ ಇತಿಹಾಸದಲ್ಲಿ ಮೈಗ್ರೇನ್‌ ಒಂದೇ ವಿಧವಾದ ತಲೆನೋವು ಉಂಟಾಗುವ ಲಕ್ಷಣಗಳನ್ನು ಹೊಂದಿದ್ದರೆ ಮೈಗ್ರೇನ್‌ ಎಂಬುದಾಗಿ ಗುರುತಿಸುವುದು ತುಂಬಾ ಸುಲಭ. ಒತ್ತಡದಿಂದ ಉಂಟಾಗುವಂತಹ ತಲೆನೋವುಗಳು ಮೈಗ್ರೇನ್‌ನಂತೆಯೇ ಇದ್ದು, ಸೈನಸ್‌ ಒತ್ತಡದಿಂದಲೂ ಉಂಟಾಗುತ್ತದೆ. ಮಹಿಳೆಯರಲ್ಲಿ ಋತುಚಕ್ರಕ್ಕೆ ಸಂಬಂಧಿಸಿದ ಮೈಗ್ರೇನ್‌ ಕೂಡ ಸಾಮಾನ್ಯವಾಗಿದ್ದು, ಋತುಚಕ್ರಕ್ಕೆ ಸಂಬಂಧಿಸದ ಮೈಗ್ರೇನ್‌ಗಳಿಂದ ಭಿನ್ನವಾದ ಲಕ್ಷಣಗಳನ್ನು ಹೊಂದಿರುವುದು ಸಾಧ್ಯ. ಈ ಎಲ್ಲ ವಿಧವಾದ ತಲೆನೋವುಗಳು ಒಂದರಲ್ಲಿಯೇ ಐಕ್ಯವಾಗಿಯೂ ಇರಬಹುದು ಮತ್ತು ಇದನ್ನು ವೈದ್ಯರು ಮಿಶ್ರ ತಲೆನೋವು ಅಥವಾ ಟೆನ್ಶನ್‌ ವಾಸ್ಕಾಲಾರ್‌ ತಲೆನೋವು ಎಂದು ವಿವರಿಸುತ್ತಾರೆ. ಇವುಗಳಲ್ಲಿ ಕೆಲವು ದೀರ್ಘ‌ಕಾಲಿಕ ದೈನಿಕ ತಲೆನೋವುಗಳಾಗಿ ಬೆಳೆಯುತ್ತವೆ. ಇದನ್ನು ಪರಿವರ್ತನಾತ್ಮಕ ತಲೆನೋವು ಎಂಬುದಾಗಿ ಕರೆಯಲಾಗುತ್ತದೆ. 

ಮೈಗ್ರೇನ್‌ಗೆ ಚಿಕಿತ್ಸೆ
ಮೈಗ್ರೇನ್‌ ಸಾಮಾನ್ಯವಾಗಿ ಒಂದು ಗುರುತಿಸಬಹುದಾದ ಕಾರಣದಿಂದ ಚಾಲನೆ ಪಡೆದಿರುತ್ತದೆ. ಈ ಪ್ರಚೋದಕಗಳನ್ನು ಗುರುತಿಸುವ ಮೂಲಕ ಮೈಗ್ರೇನ್‌ ಖಚಿತಪಡಿಸುವ ಪ್ರಕ್ರಿಯೆ ಸುಲಭವಾಗುತ್ತದೆ. ಗುರುತಿಸಲ್ಪಟ್ಟ ಮೈಗ್ರೇನ್‌ ಪ್ರಚೋದಕಗಳನ್ನು ಕೆಳಗೆ ಪಟ್ಟಿ ಮಾಡಲಾಗಿದ್ದು, ರೋಗಿ ನಿಯಂತ್ರಣಸಾಧ್ಯ ಬಹುತೇಕ ಪ್ರಚೋದಕಗಳಿಂದ ತಪ್ಪಿಸಿಕೊಂಡರೆ ಮೈಗ್ರೇನ್‌ ಉಂಟಾಗುವುದನ್ನು ಕಡಿಮೆ ಮಾಡಬಹುದು. 

- ಮುಂದಿನ ವಾರಕ್ಕೆ  

Trending videos

Back to Top