ಕಾಫಿ ಕಪ್ ತೇಲಿ ಹೋಗಿತ್ತಾ!
Team Udayavani, Apr 5, 2018, 11:16 AM IST
ಮ್ಯಾಜಿಕ್ ಮಾಡಲು ಎಷ್ಟೋ ಸಲ ವಿಷೇಷ ವಸ್ತುಗಲು, ಸಾಮಗ್ರಿಗಳ ಅವಶ್ಯಕತೆ ಬೀಳುತ್ತದೆ. ಆದರೆ ನಮ್ಮ ಸುತ್ತಮುತ್ತಲೇ ಇರುವ ವಸ್ತುಗಳಿಂದಲೂ ಸಿಂಪಲ್ಲಾಗಿ ಮ್ಯಾಜಿಕ್ ಮಾಡಬಹುದು ಎನ್ನುವುದು ಗೊತ್ತಾ? ಉದ್ದನೆಯ ಪೇಪರ್ ಕಪ್ಗ್ಳಲ್ಲಿ ಜ್ಯೂಸ್ ಕುಡಿದೇ ಕುಡಿದಿರುತ್ತೀರ ತಾನೇ? ಕುಡಿದ ನಂತರ ಆ ಲೋಟಗಳನ್ನು ಎಸೆದು ಬಿಡುತ್ತೇವೆ. ಆದರೆ, ಅದೇ ಪೇಪರ್ ಲೋಟಗಳನ್ನು ಬಳಸಿ ಜಾದೂ ಕೂಡ ಮಾಡಬಹುದು. ಕಪ್ಗ್ಳನ್ನು ಗಾಳಿಯಲ್ಲಿ ತೇಲಿಸಿ ಗೆಳೆಯರನ್ನು ಅಚ್ಚರಿಗೆ ತಳ್ಳಬಹುದು. ಹೇಗೆ ಅಂತೀರಾ?…
ಬೇಕಾಗುವ ವಸ್ತುಗಳು
ಉದ್ದದ ಪೇಪರ್ ಕಪ್, ಚಾಕು
ಪ್ರದರ್ಶನ
ಜಾದೂಗಾರನ ಮುಂದೆ ಒಂದು ಪೇಪರ್ ಕಪ್ ಇರುತ್ತದೆ. ಆತ ಅದನ್ನು ನೆರೆದಿರುವ ಪ್ರೇಕ್ಷಕರಿಗೆ ಎತ್ತಿ ತೋರಿಸುತ್ತಾನೆ. ನಂತರ ಆ ಕಪ್ ಅನ್ನು ಎರಡೂ ಕೈಗಳಿಂದ ಹಿಡಿದುಕೊಳ್ಳುತ್ತಾನೆ. ಆಮೇಲೆ ನಿಧಾನಕ್ಕೆ ಒಂದು ಕೈಯನ್ನು ಕಪ್ನಿಂದ ದೂರ ತೆಗೆದುಕೊಂಡು ಹೋಗುತ್ತಾನೆ. ಕಪ್ ಗಾಳಿಯಲ್ಲಿ ತೇಲಲು ಶುರು ಮಾಡುತ್ತದೆ.
ತಯಾರಿ
ಈ ಜಾದೂವಿನ ರಹಸ್ಯ ಅಡಗಿರುವುದು ನೀವು ಹಿಡಿದಿರುವ ಪ್ಲಾಸ್ಟಿಕ್ ಲೋಟದಲ್ಲಿ. ಅಂದರೆ, ನೀವು ಜಾದೂಗೆ ಬಳಸುವ ಕಪ್ನ ಹಿಂಭಾಗದಲ್ಲಿ ಚಾಕೂವಿನಿಂದ ಸಣ್ಣ ಗೀರು ಮಾಡಿಟ್ಟುಕೊಳ್ಳಿ. ಆ ರೀತಿ ರಂಧ್ರ ಮಾಡಿರುವುದು ನೋಡುಗರಿಗೆ ಕಾಣಿಸುವಂತಿರಬಾರದು. ನಂತರ ಆ ರಂಧ್ರದೊಳಗೆ ನಿಮ್ಮ ಹೆಬ್ಬೆರಳನ್ನು ತೂರಿಸಿ. ಇನ್ನೊಂದು ಕೈಯನ್ನು ನಿಧಾನವಾಗಿ ಕಪ್ನಿಂದ ದೂರಕ್ಕೆ ತೆಗೆದುಕೊಂಡು ಹೋಗಿ. ಜೊತೆಗೆ ಹೆಬ್ಬೆರಳೊಂದನ್ನು ಬಿಟ್ಟು ಉಳಿದ ಬೆರಳುಗಳು ಸಹ ಕಪ್ ಅನ್ನು ಹಿಡಿದುಕೊಳ್ಳದಿರಲಿ. ಈಗ ಇಡೀ ಕಪ್ನ ಬ್ಯಾಲೆನ್ಸ್ ನಿಮ್ಮ ಹೆಬ್ಬೆರಳಿನಲ್ಲೇ ಇರುತ್ತದೆ. ನೋಡುಗರಿಗೆ ಅದು ಕಾಣಿಸದೇ ಇರುವುದರಿಂದ ಕಪ್ ಗಾಳಿಯಲ್ಲಿ ತೇಲಿದಂತೆ ಭಾಸವಾಗುತ್ತದೆ.
ಈ ಜಾದೂ ಪ್ರದರ್ಶನಕ್ಕೆ ಮುನ್ನ ನಿಮ್ಮಷ್ಟಕ್ಕೆ ನೀವು ಅಭ್ಯಾಸ ಮಾಡಿ ಕೈ ಚಳಕವನ್ನು ಕರಗತ ಮಾಡಿಕೊಳ್ಳಿ. ಅಷ್ಟೇ ಅಲ್ಲದೆ, ಪ್ರೇಕ್ಷಕರಿಗೆ ಕಪ್ ತೋರಿಸುವಾಗ ಅದಕ್ಕೆ ಮಾಡಿದ ರಂಧ್ರ ಕಾಣಿಸದಂತೆ ಎಚ್ಚರವಹಿಸಿ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಪ್ರಜ್ವಲ್ ಪ್ರಕರಣ ಸಿಬಿಐಗೆ ನೀಡಬೇಕೆಂಬ ಕೆಲವರ ಒತ್ತಾಯಕ್ಕೆ ನನ್ನ ಸಹಮತ ಇದೆ: ಜೋಶಿ
LS polls: ರಾಜ್ಯದಲ್ಲಿ 25-26 ಕ್ಷೇತ್ರದಲ್ಲಿ ಬಿಜೆಪಿ ಗೆಲುವು; ಮಾಜಿ ಸಿಎಂ ಬಿ.ಎಸ್ ವೈ
LS Polls: ಮನೆ ಯಜಮಾನನ್ನು ಕಳೆದುಕೊಂಡ ದುಃಖದ ನಡುವೆ ನಡುವೆ ಮತ ಚಲಾಯಿಸಿದ ಕುಟುಂಬ ಸದಸ್ಯರು
Bantwala: ತುಂಬೆ ವಳವೂರಿನಲ್ಲಿ ವ್ಯಕ್ತಿಯ ಮೃತದೇಹ ಪತ್ತೆ
Gangavati: ಮತದಾನ ಆರಂಭವಾಗಿ 2 ಗಂಟೆ ಕಳೆದರೂ ಮತಗಟ್ಟೆಯತ್ತ ಬಾರದ ಗ್ರಾಮಸ್ಥರು