ಹಲಸಿನ ಪೆರಟಿ ಪಾಯಸ
Team Udayavani, Jun 30, 2018, 3:48 PM IST
ಬೇಕಾಗುವ ಸಾಮಗ್ರಿ
ಕಿತ್ತಳೆ ಗಾತ್ರದ ಹಲಸಿನ ಪೆರಟಿ – 1
ಬೆಲ್ಲ – 3 ಕಪ್
ಎಳ್ಳು – 2 ಚಮಚ
ಕೊಬ್ಬರಿ ಹೋಳು
– ಅರ್ಧ ಕಪ್
ತುಪ್ಪ – 2 ಚಮಚ
ತೆಂಗಿನ ಕಾಯಿ ಹಾಲು
– 3 ಕಪ್
ಮಾಡುವ ವಿಧಾನ
ಪೆರಟಿಯನ್ನು ಒಂದು ದಿನ ಮುಂಚೆಯೇ ನೀರಿನಲ್ಲಿ ನೆನೆ ಹಾಕಿ. ನೆನೆದ ಪೆರಟಿಯನ್ನು ನೀರಿನಲ್ಲಿ ಕಿವುಚಿ. ಅದಕ್ಕೆ ಬೆಲ್ಲ ಹಾಕಿ ಕುದಿಸಿ. ತೆಂಗಿನ ಕಾಯಿ ಹಾಲು ಸೇರಿಸಿ. ಎಳ್ಳು ಮತ್ತು ಕೊಬ್ಬರಿ ಹೋಳನ್ನು ಬೇರೆಬೇರೆಯಾಗಿ ತುಪ್ಪದಲ್ಲಿ ಹುರಿದು ಹಾಕಿ. ಹಲಸಿನ ಪೆರಟಿ ಪಾಯಸ ತಯಾರು. ತುಪ್ಪದಲ್ಲಿ ಹುರಿದು ಕೊಬ್ಬರಿ ಹೋಳು ಘಮ ಘಮ ಪರಿಮಳ ಬರುವುದರಿಂದ ಪಾಯಸದ ರುಚಿ ಇಮ್ಮಡಿಯಾಗುತ್ತದೆ. ಹಲಸಿನ ಹಣ್ಣಿನ ಸೊಳೆಯನ್ನು ಬಣಲೆಯಲ್ಲಿ ಹಾಕಿ ಚೆನ್ನಾಗಿ ಬೇಯಿಸಿ. ಅದು ಗಟ್ಟಿಯಾಗಿ ಮುದ್ದೆಯಂತಾದಾಗ ಕಿತ್ತಳೆ ಗಾತ್ರದ ಉಂಡೆ ಮಾಡಿ ತೆಗೆದಿರಿಸಿ. ಇದಕ್ಕೆ ಹಲಸಿನ ಪೆರಟಿ ಎನ್ನುತ್ತಾರೆ. ಇದನ್ನು ಸುಮಾರು ಒಂದು ವರ್ಷದವರೆಗೂ ಬಳಸಬಹುದು. ಹಳ್ಳಿಗಳಲ್ಲಿ ಇದೇ ರೀತಿಯಾಗಿ ಮಳೆಗಾಲಕ್ಕೆ ತೆಗೆದಿರಿಸಿ ಅದರಿಂದ ಪಾಯಸ, ಗೊಜ್ಜು ಇತ್ಯಾದಿಗಳನ್ನು ತಯಾರಿಸಲಾಗುತ್ತದೆ.