ಬಾಂಗ್ಲಾದೇಶ ವಿರುದ್ಧದ ಪ್ರಥಮ ಟೆಸ್ಟ್: ಕಾನ್ವೆ ಶತಕ; ಚೇತರಿಸಿದ ಕಿವೀಸ್
Team Udayavani, Jan 1, 2022, 11:00 PM IST
ಮೌಂಟ್ ಮೌಂಗನಿ: ನ್ಯೂಜಿಲ್ಯಾಂಡಿನ ಅಗ್ರ ಕ್ರಮಾಂಕದ ಎಡಗೈ ಬ್ಯಾಟ್ಸ್ಮನ್ ಡೆವೋನ್ ಕಾನ್ವೆ ನೂತನ ವರ್ಷದ ಮೊದಲ ದಿನವೇ ಶತಕ ಬಾರಿಸಿ ಟೆಸ್ಟ್ ಕ್ರಿಕೆಟಿಗೆ ಅದ್ಧೂರಿ ಆರಂಭ ನೀಡಿದ್ದಾರೆ. ಪ್ರವಾಸಿ ಬಾಂಗ್ಲಾದೇಶ ವಿರುದ್ಧ ಶನಿವಾರ ಇಲ್ಲಿನ “ಬೇ ಓವಲ್’ನಲ್ಲಿ ಮೊದಲ್ಗೊಂಡ ಟೆಸ್ಟ್ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ 5 ವಿಕೆಟಿಗೆ 258 ರನ್ ಪೇರಿಸಿದೆ. ಇದರಲ್ಲಿ ಕಾನ್ವೆ ಕೊಡುಗೆ 122 ರನ್.
ಇದು ಡೆವೋನ್ ಕಾನ್ವೆ ಅವರ 4ನೇ ಟೆಸ್ಟ್ ಹಾಗೂ ತವರಲ್ಲಿ ಆಡುತ್ತಿರುವ ಮೊದಲ ಟೆಸ್ಟ್ ಪಂದ್ಯ. ಕಳೆದ ಇಂಗ್ಲೆಂಡ್ ಪ್ರವಾಸದ ಪದಾರ್ಪಣ ಟೆಸ್ಟ್ನಲ್ಲೇ 200 ರನ್ ಬಾರಿಸಿ ಮೆರೆದಿದ್ದ ಕಾನ್ವೆ, ಅನಂತರ ಗಾಯಾಳಾಗಿ ಭಾರತ ಪ್ರವಾಸದಿಂದ ಹೊರಗುಳಿದಿದ್ದರು. ಇದೀಗ ಮರಳಿ ರನ್ ಪ್ರವಾಹ ಹರಿಸತೊಡಗಿದ್ದಾರೆ.
138 ರನ್ ಜತೆಯಾಟ
4ನೇ ಓವರ್ನಲ್ಲೇ ನಾಯಕ ಟಾಮ್ ಲ್ಯಾಥಂ (1) ವಿಕೆಟ್ ಬಿದ್ದ ಬಳಿಕ ವಿಲ್ ಯಂಗ್-ಕಾನ್ವೆ ಸೇರಿಕೊಂಡು ತಂಡದ ನೆರವಿಗೆ ನಿಂತರು. ದ್ವಿತೀಯ ವಿಕೆಟಿಗೆ 138 ರನ್ ಪೇರಿಸಿ ಬಾಂಗ್ಲಾ ಬೌಲರ್ಗಳಿಗೆ ಬೆವರಿಳಿಸಿದರು. 80ನೇ ಓವರ್ ತನಕ ಕ್ರೀಸ್ ಆಕ್ರಮಿಸಿಕೊಂಡ ಕಾನ್ವೆ 227 ಎಸೆತ ನಿಭಾಯಿಸಿ ಸೊಗಸಾದ ಇನ್ನಿಂಗ್ಸ್ ಕಟ್ಟಿದರು. ಇದರಲ್ಲಿ 16 ಬೌಂಡರಿ ಹಾಗೂ ಒಂದು ಸಿಕ್ಸರ್ ಒಳಗೊಂಡಿತ್ತು.
ಇದನ್ನೂ ಓದಿ:ಪ್ರೊ ಕಬಡ್ಡಿ: ಬುಲ್ಸ್-ಟೈಟಾನ್ಸ್, ಮುಂಬಾ-ಯೋಧ ಟೈ ರೋಮಾಂಚನ
ವಿಲ್ ಯಂಗ್ 135 ಎಸೆತಗಳಿಂದ 52 ರನ್ ಹೊಡೆದರು (6 ಬೌಂಡರಿ). 49ನೇ ಓವರ್ನಲ್ಲಿ ಯಂಗ್ ರನೌಟ್ ಆಗುವುದರೊಂದಿಗೆ ಬಾಂಗ್ಲಾ ಬೌಲರ್ ತುಸು ಮೇಲುಗೈ ಸಾಧಿಸಿದರು. ರಾಸ್ ಟೇಲರ್ 31 ರನ್ ಮಾಡಿದರೆ, ಟಾಮ್ ಬ್ಲಿಂಡೆಲ್ 11 ರನ್ನಿಗೆ ವಿಕೆಟ್ ಒಪ್ಪಿಸಿದರು. ಅಲ್ಲಿಗೆ ದಿನದಾಟವನ್ನು ಕೊನೆಗೊಳಿಸಲಾಯಿತು. 32 ರನ್ ಮಾಡಿದ ಹೆನ್ರಿ ನಿಕೋಲ್ಸ್ ಕ್ರೀಸಿನಲ್ಲಿದ್ದಾರೆ.
ಸಂಕ್ಷಿಪ್ತ ಸ್ಕೋರ್: ನ್ಯೂಜಿಲ್ಯಾಂಡ್- 5 ವಿಕೆಟಿಗೆ 258 (ಕಾನ್ವೆ 122, ಯಂಗ್ 52, ನಿಕೋಲ್ಸ್ ಬ್ಯಾಟಿಂಗ್ 32, ಟೇಲರ್ 31, ಶೊರೀಫುಲ್ 53ಕ್ಕೆ 2).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
ಬಿಸಿಲ ಝಳದಿಂದ ಮೈದಾನಗಳು ಖಾಲಿ; ಮಕ್ಕಳ ಆಟಕ್ಕೂ ಉರಿ ಬಿಸಿಲು ಅಡ್ಡಿ!
Mangaluru: ಸಂಪರ್ಕ ಸೇತುವೆ ಇಲ್ಲದೆ ಬೋಟ್ ಮೂಲಕ ಬಂದು ಮತ ಚಲಾಯಿಸಿದ ಜನ
INDIA ಒಕ್ಕೂಟ ಅಧಿಕಾರಕ್ಕೆ ಬಂದರೆ ರೈತರ ಸಾಲಮನ್ನಾ, ನಿರುದ್ಯೋಗ ನಿವಾರಣೆಗೆ ಆದ್ಯತೆ: ರಾಹುಲ್
ಹೆಸ್ಕತ್ತೂರು ಕಟ್ಟಿನಬುಡ: ಕೃಷಿಗೆ ಆಸರೆಯಾಗದ ವಾರಾಹಿ ಕಾಲುವೆ ನೀರು!
Lok Sabha Polls: ಧರ್ಮಸ್ಥಳದಲ್ಲಿ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಮತದಾನ