ಏಷ್ಯಾ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಇಂದು ಭಾರತ-ಪಾಕಿಸ್ತಾನ ಕದನ ಕುತೂಹಲ
Team Udayavani, Dec 17, 2021, 6:54 AM IST
ಢಾಕಾ: ಏಷ್ಯಾ ಚಾಂಪಿಯನ್ಸ್ ಟ್ರೋಫಿ ಹಾಕಿ ಪಂದ್ಯಾವಳಿಯ ಮಹತ್ವದ ಪಂದ್ಯವೊಂದಕ್ಕೆ ಢಾಕಾ ಸಾಕ್ಷಿಯಾಗಲಿದೆ. ಸಾಂಪ್ರದಾಯಿಕ ಎದುರಾಳಿಗಳಾದ, ಕಳೆದ ಸಲದ ಜಂಟಿ ಚಾಂಪಿಯನ್ಗಳಾದ ಭಾರತ-ಪಾಕಿಸ್ತಾನ ತಂಡಗಳು ಶುಕ್ರವಾರ ಮಧ್ಯಾಹ್ನ ಮುಖಾಮುಖೀಯಾಗಲಿವೆ.
ಭಾರತಕ್ಕೆ ಇದು ಕೂಟದ 3ನೇ ಪಂದ್ಯ. ಕೊರಿಯ ವಿರುದ್ಧ 2-2 ಡ್ರಾ ಸಾಧಿಸಿದ ಬಳಿಕ ಆತಿಥೇಯ ಬಾಂಗ್ಲಾದೇಶವನ್ನು 9-0 ಗೋಲುಗಳಿಂದ ಮಣಿಸಿದ ಮನ್ಪ್ರೀತ್ ಸಿಂಗ್ ಬಳಗ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಅಲಂಕರಿಸಿದೆ. ಪಾಕಿಸ್ತಾನವನ್ನು ಬಗ್ಗುಬಡಿದರೆ ಸೆಮಿಫೈನಲ್ ಖಾತ್ರಿಯಾಗಲಿದೆ. ಪಾಕಿಸ್ತಾನಕ್ಕೆ ಇದು ಎರಡನೇ ಪಂದ್ಯ. ಜಪಾನ್ ವಿರುದ್ಧ ಗೋಲ್ಲೆಸ್ ಡ್ರಾ ಸಾಧಿಸಿದ ಪಾಕ್ 4ನೇ ಸ್ಥಾನದಲ್ಲಿದೆ.
ಭಾರತ-ಪಾಕಿಸ್ತಾನ ಕಳೆದ ಕೂಟದ ಜಂಟಿ ಚಾಂಪಿಯನ್ಸ್ ಎಂಬುದನ್ನು ಮರೆಯುವಂತಿಲ್ಲ. ಮಳೆಯಿಂದಾಗಿ 2018ರ ಮಸ್ಕತ್ ಫೈನಲ್ ಪಂದ್ಯ ರದ್ದಾದುದರಿಂದ ಎರಡೂ ತಂಡಗಳನ್ನು ಜಂಟಿ ಚಾಂಪಿಯನ್ಸ್ ಎಂದು ಘೋಷಿಸಲಾಗಿತ್ತು. ಟೋಕ್ಯೊ ಒಲಿಂಪಿಕ್ಸ್ನಲ್ಲಿ ಕಂಚು ಗೆದ್ದು ಪದಕದ ಬರಗಾಲ ನೀಗಿಸಿಕೊಂಡ ಹಿರಿಮೆ ಭಾರತದ್ದಾದರೆ, ಟೋಕ್ಯೊ ಒಲಿಂಪಿಕ್ಸ್ಗೆ ಪ್ರವೇಶವನ್ನೇ ಪಡೆಯದಿದ್ದುದು ಪಾಕ್ ಹಾಕಿ ದುರಂತ!
ಭಾರತವೇ ಮೆಚ್ಚಿನ ತಂಡ: ಲಯದ ಲೆಕ್ಕಾಚಾರದಲ್ಲಿ ಭಾರತವೇ ಮೆಚ್ಚಿನ ತಂಡ. ಕೂಟದ ಇತಿಹಾಸದ ಪ್ರಕಾರ ಇಬ್ಬರದೂ ಸಮಬಲದ ಸಾಧನೆ. ಈವರೆಗಿನ 5 ಕೂಟಗಳಲ್ಲಿ ಭಾರತ, ಪಾಕಿಸ್ತಾನ ಹೊರತುಪಡಿಸಿ ಬೇರೆ ತಂಡಗಳು ಚಾಂಪಿಯನ್ ಆಗಿಲ್ಲ. 2011 ಮತ್ತು 2016ರಲ್ಲಿ ಭಾರತ ಟ್ರೋಫಿಯನ್ನು ಎತ್ತಿತ್ತು. ಪಾಕಿಸ್ತಾನ 2012 ಮತ್ತು 2013ರಲ್ಲಿ ಗೆದ್ದು ಬಂದಿತ್ತು. 4 ಫೈನಲ್ಗಳಲ್ಲಿ ಭಾರತ-ಪಾಕ್ ತಂಡಗಳೇ ಎದುರಾಗಿದ್ದವು. ಒಮ್ಮೆ ಜಪಾನ್ ಪ್ರಶಸ್ತಿ ಸುತ್ತಿಗೆ ಬಂದಿತ್ತು.
-ಆರಂಭ: ಅಪರಾಹ್ನ 3.30
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
2nd PUC: ಮರುಮೌಲ್ಯಮಾಪನದಲ್ಲಿ ರಾಜ್ಯಕ್ಕೆ ಆರನೇ ರ್ಯಾಂಕ್ ಪಡೆದ ತೀರ್ಥಹಳ್ಳಿಯ ಸುಚಿಂತ್
Belthangady: ಬಾಂಜಾರು ಮಲೆಯಲ್ಲಿ ದಾಖಲೆ ಶೇ.100 ಮತದಾನ
Vijaypura:ರಾಹುಲ್ ಗಾಂಧಿ ನಿರ್ಗಸುವಾಗ ವೇದಿಕೆಗೆ ಬಂದ ಸಿದ್ದರಾಮಯ್ಯ
ಕೇಂದ್ರದಿಂದ 16 ಲಕ್ಷ ಕೋಟಿ ಉದ್ಯಮಿ ಸಾಲ ಮನ್ನಾ:ಎಸ್.ವರಲಕ್ಷ್ಮೀ
CBI ತನಿಖೆ; ಸಂದೇಶಖಾಲಿಯಲ್ಲಿ ಬೀಡುಬಿಟ್ಟ ಕಮಾಂಡೋಗಳು; ಸುಪ್ರೀಂ ಮೆಟ್ಟಿಲೇರಿದ ಸರಕಾರ