![Chikkamagaluru; ಮಲೆನಾಡು ಭಾಗದಲ್ಲಿ ವಾರದಿಂದ ಕರೆಂಟ್, ನೆಟ್ ವರ್ಕ್ ಇಲ್ಲ! ಜನರ ಪರದಾಟ](https://www.udayavani.com/wp-content/uploads/2024/07/chikka-415x229.jpg)
ಕನ್ನಿಕಾ ಕಪೂರ್ಗೆ ಕೋವಿಡ್ 19: ದ.ಆಫ್ರಿಕಾ ಕ್ರಿಕೆಟಿಗರಿಗೆ ಆತಂಕ!
Team Udayavani, Mar 23, 2020, 6:46 AM IST
![ಕನ್ನಿಕಾ ಕಪೂರ್ಗೆ ಕೋವಿಡ್ 19: ದ.ಆಫ್ರಿಕಾ ಕ್ರಿಕೆಟಿಗರಿಗೆ ಆತಂಕ!](https://www.udayavani.com/wp-content/uploads/2020/03/SOUTH-AFRICA-620x348.jpg)
ಹೊಸದಿಲ್ಲಿ: ಬಾಲಿವುಡ್ ಸಿಂಗರ್ ಕನ್ನಿಕಾ ಕಪೂರ್ಗೆ ತಗುಲಿದ ಕೋವಿಡ್ 19 ಸೋಂಕು ಭಾರತ ಪ್ರವಾಸ ದಲ್ಲಿದ್ದ ದಕ್ಷಿಣ ಆಫ್ರಿಕಾ ಕ್ರಿಕೆಟಿಗರನ್ನು ನಿದ್ದೆಗೆಡುವಂತೆ ಮಾಡಿದೆ. ಲಕ್ನೋದಲ್ಲಿ ದಕ್ಷಿಣ ಆಫ್ರಿಕಾ ಕ್ರಿಕೆಟಿಗರು ಉಳಿದು ಕೊಂಡಿದ್ದ ಹೊಟೇಲ್ನಲ್ಲಿ ಕನ್ನಿಕಾ ಕೂಡ ತಂಗಿದ್ದೇ ಇದಕ್ಕೆ ಕಾರಣ!
3 ಪಂದ್ಯಗಳ ಏಕದಿನ ಸರಣಿಯನ್ನಾಡಲು ಭಾರತಕ್ಕೆ ಬಂದ ದಕ್ಷಿಣ ಆಫ್ರಿಕಾ ತಂಡದ ಆಟಗಾರರು ಲಕ್ನೋದ ಪಂಚತಾರಾ ಹೊಟೇಲ್ನಲ್ಲಿ ಉಳಿದುಕೊಂಡಿದ್ದರು. ಆಗ ಕನ್ನಿಕಾ ಕೂಡ ಅದೇ ಹೊಟೇಲ್ನಲ್ಲಿ ತಂಗಿರುವುದಾಗಿ ತಿಳಿದು ಬಂದಿದೆ. ಜತೆಗೆ ಅಲ್ಲಿ ಸಾರ್ವಜನಿಕ ಭೋಜನ ಮಾಡಿದ್ದರು. ಹೊಟೇಲ್ ಲಾಬಿಯಲ್ಲಿ ಅವರನ್ನು ಬಹಳಷ್ಟು ಮಂದಿ ಮಾತನಾಡಿಸಿದ್ದರು. ನ್ಯೂಸ್ ಚಾನೆಲ್ ಒಂದರ ಜತೆ ಸುದ್ದಿಗೋಷ್ಠಿ ಕೂಡ ನಡೆಸಿದ್ದರು. ಆ ವೇಳೆ ಯಾರೆಲ್ಲ ಕನ್ನಿಕಾ ಅವರನ್ನು ಭೇಟಿಯಾಗಿದ್ದರು ಎಂಬುದರ ಸಿಸಿಟಿ ದೃಶ್ಯಾವಳಿಯನ್ನೀಗ ಪರಿಶೀಲಿಸಲಾಗುತ್ತಿದೆ. ಇದಕ್ಕಾಗಿ ಯುಪಿ ಸರಕಾರ ಸ್ಪೆಷಲ್ ಟಾಸ್ಕ್ ಫೋರ್ಸ್ ಒಂದನ್ನು ಕೂಡ ರಚಿಸಿದೆ.
ಲಕ್ನೋ ಏಕದಿನ ಪಂದ್ಯವನ್ನಾಡುವ ಸಲುವಾಗಿ ಆಗಮಿಸಿದ್ದ ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡದ ಆಟಗಾರರು ಕೂಡ ಇದೇ ಹೊಟೇಲ್ನಲ್ಲಿದ್ದದ್ದು ಆತಂಕಕ್ಕೆ ಕಾರಣವಾಗಿದೆ. ಬಳಿಕ ಕೋವಿಡ್ 19 ಭೀತಿಯಿಂದ ಈ ಪಂದ್ಯದ ಜತೆಗೆ ಸರಣಿ ಕೂಡ ರದ್ದುಗೊಂಡು ಆಫ್ರಿಕಾ ಕ್ರಿಕೆಟಿಗರು ತವರಿಗೆ ಮರಳಿದರು. “ಕನ್ನಿಕಾ ಕೋವಿಡ್ 19 ಪ್ರಕರಣ’ವೀಗ ಹರಿಣಗಳ ನಾಡಿನ ಕ್ರಿಕೆಟ್ ವಲಯದಲ್ಲಿ ಭೀತಿಯ ವಾತಾವರಣ ನಿರ್ಮಿಸಿದೆ.
ಟಾಪ್ ನ್ಯೂಸ್
![Chikkamagaluru; ಮಲೆನಾಡು ಭಾಗದಲ್ಲಿ ವಾರದಿಂದ ಕರೆಂಟ್, ನೆಟ್ ವರ್ಕ್ ಇಲ್ಲ! ಜನರ ಪರದಾಟ](https://www.udayavani.com/wp-content/uploads/2024/07/chikka-415x229.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.