ಪಾಕ್ 7 ಸಂಸ್ಥೆಗಳಿಗೆ ನಿಷೇಧ
Team Udayavani, Mar 27, 2018, 7:30 AM IST
ಇಸ್ಲಾಮಾಬಾದ್/ವಾಷಿಂಗ್ಟನ್: ಭಾರತವನ್ನು ಹಿಂದಿಕ್ಕಿ ಪರಮಾಣು ಇಂಧನ ಪೂರೈಕೆ ರಾಷ್ಟ್ರಗಳ ಸದಸ್ಯತ್ವ (ಎನ್ಎಸ್ಜಿ) ಪಡೆಯಬೇಕೆಂಬ ಪಾಕಿಸ್ತಾನದ ಒತ್ತಾಸೆಗೆ ಪ್ರಬಲ ಹಿನ್ನಡೆಯಾಗಿದೆ. ಆ ರಾಷ್ಟ್ರದ ಏಳು ಪರಮಾಣು ಸಂಶೋಧನಾ ಸಂಸ್ಥೆಗಳಿಗೆ ಅಮೆರಿಕ ಸರ್ಕಾರ ನಿಷೇಧ ಹೇರಿದೆ. ಅವುಗಳು ಅಮೆರಿಕದ ರಾಷ್ಟ್ರೀಯ ಮತ್ತು ವಿದೇಶಾಂಗ ಇಲಾಖೆಯ ಹಿತಾಸಕ್ತಿಗೆ ವಿರುದ್ಧವಾಗಿ ನಡೆದುಕೊಂಡಿವೆ ಎಂದು ಅಮೆರಿಕದ ಕೈಗಾರಿಕೆ ಮತ್ತು ಭದ್ರತಾ ಸಂಸ್ಥೆ (ಬಿಐಎಸ್) ಕಳೆದ ವಾರ ಪ್ರಕಟಿಸಿದ ವರದಿಯಲ್ಲಿ ಆರೋಪಿಸಿದೆ. ಪಾಕಿಸ್ತಾನ ಮಾತ್ರವಲ್ಲದೆ ದಕ್ಷಿಣ ಸುಡಾನ್ನ 15 ಮತ್ತು ಸಿಂಗಾಪುರದ 1 ಸಂಸ್ಥೆ ಮೇಲೆ ನಿಷೇಧ ಹೇರಲಾಗಿದೆ.
ನಿಷೇಧ ಹೇರಲಾಗಿರುವ ಸಂಸ್ಥೆಗಳು ಸುರಕ್ಷಿತವಲ್ಲದ ಪರಮಾಣು ಚಟುವಟಿಕೆ ಮತ್ತು ನಿಷೇಧಕ್ಕೆ ಒಳಗಾಗಿರುವ ರಾಷ್ಟ್ರಗಳ ಜತೆ ವಹಿವಾಟು ನಡೆಸಿವೆ ಎಂದು ಅಮೆರಿಕದ ಸಂಸ್ಥೆ ಪ್ರತಿಪಾದಿಸಿದೆ. ಭಾರತ ಈಗಾಗಲೇ ಕ್ಷಿಪಣಿ ತಂತ್ರಜ್ಞಾನ ನಿಯಂತ್ರಣ ವ್ಯವಸ್ಥೆ (ಎಂಟಿಸಿಆರ್) ಮತ್ತು ವಾಸ್ನೇರ್ ಅರೇಂಜ್ಮೆಂಟ್ (Wassenaar Arrangement) ನ ಸದಸ್ಯ ಪಡೆದುಕೊಂಡಿದೆ. ಗಮನಾರ್ಹ ಅಂಶವೆಂದರೆ ಈ ಎರಡು ಸಂಸ್ಥೆಗಳ ಸದಸ್ಯತ್ವ ಪಡೆದುಕೊಂಡರೆ, ಎನ್ಎಸ್ಜಿ ಪ್ರವೇಶ ಸುಲಭವಾಗಿಯೇ ಸಿಗಲಿದೆ. ಚೀನಾ ತಗಾದೆ ಎತ್ತಿರುವುದರಿಂದ ಅದು ಸದ್ಯಕ್ಕೆ ತಡೆಹಿಡಿ ಯಲ್ಪಟ್ಟಿದೆ. ಜತೆಗೆ, ಭಾರತಕ್ಕೆ ಹಲವು ರಾಷ್ಟ್ರಗಳು ಕೂಡ ಬೆಂಬಲ ವ್ಯಕ್ತಪಡಿಸಿವೆ. 2016ರ ಮೇ 19ರಂದು ಪಾಕಿಸ್ತಾನ ಸದಸ್ಯತ್ವಕ್ಕಾಗಿ ಅರ್ಜಿ ಸಲ್ಲಿಸಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ