Israel ಮೇಲೆ ಹಮಾಸ್‌ ಬೃಹತ್‌ ಕ್ಷಿಪಣಿಗಳ ದಾಳಿ!; ಪರಿಸ್ಥಿತಿ ಕೈಮೀರುವ ಸಾಧ್ಯತೆ

Team Udayavani, May 27, 2024, 6:40 AM IST

ಜೆರುಸಲೇಂ: ಇಸ್ರೇಲ್‌ನ ಟೆಲ್‌ ಅವಿವ್‌ ನಗರದ ಮೇಲೆ ಬೃಹತ್‌ ಕ್ಷಿಪಣಿ ದಾಳಿ ಮಾಡಿರುವುದಾಗಿ ಹಮಾಸ್‌ ಬೆಂಬ ಲಿತ ಅಲ್‌ ಖಾಸಮ್‌ ಸಂಘಟನೆ ಹೇಳಿದೆ. ನಗರದ ಮೇಲೆ ರಾಕೆಟ್‌ ದಾಳಿ ನಡೆದಿರುವ ಕುರಿತಾಗಿ ಸೈರನ್‌ ಕೇಳಿ ಬಂದಿದೆ ಎಂದು ಇಸ್ರೇಲ್‌ ಸೇನೆ ಒಪ್ಪಿ ಕೊಂಡಿದೆ. ಗಾಜಾ ಪಟ್ಟಿಯಿಂದ ಈ ರಾಕೆಟ್‌ ಗಳನ್ನು ಹಾರಿ ಸ ಲಾಗಿದ್ದು, 4 ತಿಂಗಳ ಬಳಿಕ ಟೆಲ್‌ ಅವಿವ್‌ ನಗರದಲ್ಲಿ ಸೈರನ್‌ ಶಬ್ದ ಕೇಳಿ ಬಂದಿದೆ. ಹೀಗಾಗಿ ಮತ್ತೆ ಮಧ್ಯ ಪ್ರಾಚ್ಯದಲ್ಲಿ ಯುದ್ಧದ ಪರಿಸ್ಥಿತಿ ಕೈಮೀರಿ ಹೋಗುವ ಸಾಧ್ಯತೆ ಗಳು ಇವೆ ಎಂದು ಹೇಳಲಾಗುತ್ತಿದೆ.

ನಿಮಗೆ ಅಚ್ಚರಿ ಕಾದಿದೆ: ಇಸ್ರೇಲ್‌ಗೆ ಹೆಜ್ಬುಲ್ಲಾ ಎಚ್ಚರಿಕೆ: ಇರಾನ್‌ ಬೆಂಬಲಿತ ಉಗ್ರ ಸಂಘಟನೆ ಹೆಜ್ಬುಲ್ಲಾ ಇಸ್ರೇಲ್‌ಗೆ ಎಚ್ಚರಿಕೆ ನೀಡಿದ್ದು, ನೀವು ನಮ್ಮಿಂದ ಅಚ್ಚರಿಯೊಂದನ್ನು ನಿರೀಕ್ಷಿಸಿ ಎಂದು ಹೇಳಿದೆ. ಹೀಗಾಗಿ ಇಸ್ರೇಲ್‌ ಮೇಲೆ ದಾಳಿ ನಡೆಸಲು ಹೆಜ್ಬುಲ್ಲಾ ಉಗ್ರ ಸಂಘಟನೆ ಸಿದ್ಧತೆ ಆರಂಭಿಸಿದೆ ಎಂದು ವರದಿಗಳು ತಿಳಿಸಿವೆ. ಹಮಾಸ್‌ ಉಗ್ರರ ಮೇಲೆ ಇಸ್ರೇಲ್‌ ಕೈಗೊಂಡಿರುವ ದಾಳಿಯನ್ನು ಈ ಉಗ್ರ ಸಂಘಟನೆ ಖಂಡಿಸಿತ್ತು. ಅಲ್ಲದೇ ಇರಾನ್‌ ಅಧ್ಯಕ್ಷ ರೈಸಿ ಸಾವಿನ ಹಿಂದೆ ಇಸ್ರೇಲ್‌ ಕೈವಾಡ ಇದೆ ಎಂಬ ವರದಿಗಳ ಬೆನ್ನಲ್ಲೇ ಉಗ್ರ ಸಂಘಟನೆ ಮತ್ತೂಮ್ಮೆ ಎಚ್ಚರಿಕೆ ನೀಡಿದೆ.