ನೂರನೇ ಹೆಜ್ಜೆಯಲ್ಲಿ ಮದುಮಗಳ ಗುಂಗು

ಸಿಟಿಜನರನ್ನು ಮಲೆನಾಡು ಕಾಡಿದ ಬಗೆ

Team Udayavani, Feb 15, 2020, 6:09 AM IST

ಮಲೆನಾಡಿನ ಕಲೆಯ ಮತ್ತೂಂದು ಭಾಗವಾದ ಜೋಗಿಗಳು, ಕಾಡುಸಿದ್ದರು, ಹೆಳವರು ಈ ನಾಟಕವನ್ನು ನಿರೂಪಿಸುವ ಬಗೆ ಬಲುಚೆಂದ…

ಕುವೆಂಪು ಸರ್ವ ಶತಮಾನಗಳಿಗೂ ಸಲ್ಲುವ ಕವಿ. ರಸಋಷಿ ಕಲ್ಪಿತ “ಮಲೆಗಳಲ್ಲಿ ಮದುಮಗಳು’ ರಂಗ ದೃಶ್ಯದಲ್ಲಿ ಅರಳಿ, ಶತಕದ ನಗು ಬೀರುತ್ತಿದೆ. “ಕಾವ್ಯೇಶು ನಾಟಕಂ ರಮ್ಯಂ’ ಎನ್ನುವ ಕಾಳಿದಾಸನ ಮಾತಿನಂತೆ, ಕಾವ್ಯಕ್ಕಿಂತ ನಾಟಕ ಆಸ್ವಾದಿಸುವ ಸುಖವೇ ಒಂದು ರಮ್ಯ ಅನುಭೂತಿ. ಮೂಲ ಕಾದಂಬರಿಯನ್ನು ಕವಿ ಕೆ.ವೈ. ನಾರಾಯಣಸ್ವಾಮಿಯವರು ಅದ್ಭುತವಾಗಿ ರಂಗರೂಪಕ್ಕೆ ಅಳವಡಿಸಿದ್ದಾರೆ.

ಸಿ. ಬಸವಲಿಂಗಯ್ಯ ಅದನ್ನು ಅಷ್ಟೇ ಅಚ್ಚುಕಟ್ಟಾಗಿ ರಂಗದ ಮೇಲೆ ತಂದಿರುವುದರ ಹಿಂದೆ ಅಪಾರ ಶ್ರಮ ಕಾಣುತ್ತದೆ. ಹಂಸಲೇಖ ಅವರ ಹಿನ್ನೆಲೆ ಸಂಗೀತ (ನಿರ್ವಹಣೆ ಗಜಾನನ ನಾಯಕ್‌), ನಾಲಕ್ಕು ರಂಗಮಂದಿರಗಳ ರಂಗವಿನ್ಯಾಸದ ಹೊಣೆ ಹೊತ್ತವರು ಶಶಿಧರ ಅಡಪ, ಮಳೆಗಾಲದ ಮಲೆನಾಡಿನ ಜಿಗಣೆ, ಸಗಣಿ ಹುಳು, ಬಸವನ ಹುಳುಗಳನ್ನು ರಂಗದ ಮೇಲೆ ತಂದಿರುವ ಅವರ ಕಲೆ ಅನೂಹ್ಯ.

ಅಹೋರಾತ್ರಿ ನಡೆಯುವ ಈ ರಂಗಪ್ರಯೋಗವನ್ನು ಬೇರೆ ಬೇರೆ ರಂಗಸ್ಥಳಗಳಲ್ಲಿ ಆಯೋಜಿಸಿರುವುದು ಕಲ್ಪನೆಗೂ ನಿಲುಕದ್ದು. ಮಲೆನಾಡಿನ ಕಲೆಯ ಮತ್ತೂಂದು ಭಾಗವಾದ ಜೋಗಿಗಳು, ಕಾಡುಸಿದ್ದರು, ಹೆಳವರು ಈ ನಾಟಕವನ್ನು ನಿರೂಪಿಸುವ ಬಗೆ ಬಲುಚೆಂದ. ಹೊಸ ರೂಪವನ್ನು ಕೊಡುವ ಈ ಪಾತ್ರಗಳು ಅವರದೇ ಶೈಲಿಯ ಹಾಡಿನ ಮೂಲಕ ಕಾದಂಬರಿಯನ್ನು ನೋಡುಗರ ಮನಮುಟ್ಟುವಂತೆ ಹೇಳಿರುವುದು ಕವಿಯ ಕಲ್ಪನೆಗೆ ಹತ್ತಿರವಾಗಿದೆ.

ಇನ್ನು ರಂಗದ ಮೇಲೆ ಕಾಣಿಸಿಕೊಳ್ಳುವ ಕಾದಂಬರಿಯ ಪಾತ್ರಗಳು, ಕಾದಂಬರಿ ಓದಿದವರ ಸ್ಮತಿಪಟಲದಲ್ಲಿ ಮೂಡಿದ್ದ ಪಾತ್ರಗಳು ಜೀವ ತುಂಬಿ ಬಂದತೆ ಮೂರ್ತರೂಪವನ್ನು ಕಟ್ಟಿಕೊಡುತ್ತವೆ. ಕಾದಂಬರಿ ಓದಿದವರು ತಮ್ಮ ಕಲ್ಪನೆಯ ನಾಯಿಗುತ್ತಿ, ಚಿನ್ನಮ್ಮ, ದೇವಯ್ಯ, ಪೀಂಚಲುವಿನ ನಿರೀಕ್ಷೆಯಲ್ಲೇ ಇರುತ್ತಾರೆಂಬುದು ದಿಟ. ಈ ಪಾತ್ರ ನಿರ್ವಹಿಸಿರುವ ಕಲಾವಿದರು, ಒಬ್ಬರಿಗಿಂತಲೂ ಒಬ್ಬರು ನಟನೆಯಲ್ಲಿ ಮೇಲುಗೈ ತೋರುತ್ತಿದ್ದರೆ, ಗುತ್ತಿಯ ನಾಯಿ “ಹುಲಿಯ’ ಪಾತ್ರಧಾರಿಯ ನಟನೆ ಎಲ್ಲರನ್ನೂ ಮೀರಿಸುವಂತಿದೆ.

ಕಿರಿಸ್ತಾನರ ಪ್ರವೇಶ, ಜಕ್ಕಣಿ ಪ್ರವೇಶ, ಬೀಸೋಕಲ್ಲಿನ ದೃಶ್ಯಗಳಿಗೆ ಜನರ ಚಪ್ಪಾಳೆ ಮೇಳೈಸಿ ಹೊಸ ಹುರುಪು ಕೊಡುತ್ತದೆ. ಶತಮಾನದ ಹಿಂದೆ (ಮತ್ತು ಇಂದಿಗೂ) ಮಲೆನಾಡಿನ ಜನರ ನಡುವೆ ಇರುವ ಜಾತಿಯ ತಾರತಮ್ಯ, ಹೆಣ್ಣಿನ ಬವಣೆಗಳನ್ನು 700 ಪುಟಗಳಿಗೂ ಹೆಚ್ಚಿನ ಕಾದಂಬರಿಯನ್ನು 70ಕ್ಕೂ ಹೆಚ್ಚು ಕಲಾವಿದರು ವೇದಿಕೆಯಲ್ಲಿ ತಂದಿರುವುದು ಶ್ಲಾಘನೀಯ. ಪ್ರತಿಯೊಂದು ಪಾತ್ರವೂ ಮಲೆನಾಡಿನ ಮಣ್ಣಿನ ಭಾವನೆಗಳನ್ನು ಹೊತ್ತು ತಂದಿವೆ.

ಮಲೆನಾಡಿನ ಅಡಿಕೆ ಮರಗಳು, ಹಳ್ಳ ಕೊಳ್ಳಗಳು, ಸಣ್ಣದಾಗಿ ಹರಿವ ಝರಿಗಳು, ಕೆರೆ ಎಲ್ಲವೂ ರಂಗಸ್ಥಳದಲ್ಲಿ ನೈಸರ್ಗಿಕವಾಗಿ ಕಾಣುತ್ತವೆ. ಇವೆಲ್ಲವನ್ನೂ ಸಜ್ಜುಗೊಳಿಸಲು ಕಲಾ ನಿರ್ದೇಶಕ ಶಶಿಧರ ಅಡಪ ಹಾಗೂ ಅವರ ತಂಡ ಒಂದು ತಿಂಗಳಿಗೂ ಹೆಚ್ಚು ದಿನಗಳ ಕಾಲ ಕೆಲಸ ಮಾಡಿರುವುದು ಶ್ಲಾಘನೀಯ.

100ನೇ ಶೋ
– ಫೆ.15, ಶನಿವಾರ, ಸಂ.7.30ಕ್ಕೆ ಚಾಲನೆ
– ಕಲಾಗ್ರಾಮ, ಮಲ್ಲತ್ತಹಳ್ಳಿ, ಜ್ಞಾನಭಾರತಿ ಆವರಣ
– 249 ರೂ.

ಮೂಲತಃ ಮಲೆನಾಡಿನವನೇ ಆದ ನನಗೆ ಇಲ್ಲಿನ ಪಾತ್ರಗಳು ನನ್ನೂರಿನವೇ ಅಂತನಿಸಿದವು. ವಸ್ತ್ರ ವಸನಾದಿಯಾಗಿ ಇನ್ನೂರು ವರ್ಷಗಳ ಹಿಂದೆ ಹೇಗಿದ್ದೀತು ನನ್ನೂರು ಎಂಬುದನ್ನು ಈ ನಾಟಕದ ಮೂಲಕ ನೋಡಲು ಸಾಧ್ಯವಾಯಿತು.
-ಚೈತ್ರಿಕಾ ಹೆಗಡೆ, ಪ್ರೇಕ್ಷಕಿ

* ಕಿರಣ್‌ ವಟಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಕರಾವಳಿಯ ಕಂಬಳದ ಕಹಳೆ ಜಗದಗಲ ಮೊಳಗಿದೆ. ಕಂಬಳ ಓಟಗಾರನಿಗೆ ಬಹುಪರಾಕ್‌ ಸಿಗುತ್ತಲೇ ಇದೆ. ರಾಜ್ಯಕ್ರೀಡಾಕೂಟದಲ್ಲೂ ಕಂಬಳ ಪ್ರವೇಶಿಸುವ ಮಾತುಗಳು ಕೇಳಿಬರುತ್ತಿವೆ....

  • ಬೆಂಗಳೂರು ಅಂತಾರಾಷ್ಟ್ರೀಯ ಸಿನಿಮೋತ್ಸವ ಈಗಾಗಲೇ ಆಸೆ- ನಿರೀಕ್ಷೆಗಳ ತೋರಣ ಕಟ್ಟಿದೆ. ಫೆ.26ರಿಂದ ಮಾ.4ರ ವರೆಗೆ, 7 ದಿನಗಳ ಕಾಲ, ವಿಶ್ವದ ಅನೇಕ ದೇಶಗಳಲ್ಲಿ ಪ್ರಸಿದ್ಧಿ...

  • ಕೈಗಳೇ ಇಲ್ಲದವರು ಕಲಾವಿದರಾಗಬಹುದಾ? ಕಾಲಿನಲ್ಲೋ, ಬಾಯಿಯಲ್ಲೋ ಬ್ರಷ್‌ ಕಚ್ಚಿಕೊಂಡು ಗೆರೆ ಎಳೆಯಲು, ಕಲ್ಪನೆಗೆ ಬಣ್ಣ ತುಂಬಲು ಸಾಧ್ಯವಾ? ಸಿಕೆಪಿಯಲ್ಲಿ ಇದಕ್ಕೆ...

  • ಕನ್ನಡ, ಹಿಂದಿ ಚಿತ್ರಭೂಮಿಕೆಗಳಲ್ಲಿ ನಟಿಸಿದ್ದ, ಹಿರಿಯ ಅಭಿನೇತ್ರಿ ಕಿಶೋರಿ ಬಲ್ಲಾಳ್‌ ಇತ್ತೀಚೆಗಷ್ಟೇ ಇಹವನ್ನು ಅಗಲಿದರು. ಆಪ್ತ ಬಳಗದಲ್ಲಿ ಅವರು ಬಿತ್ತಿದ...

  • ರಾವಣ, ಸೀತೆಯನ್ನು ಅಪಹರಿಸಿ, ಲಂಕೆಗೆ ಕರೆತಂದಿದ್ದಾನೆ ಎಂಬ ಸುದ್ದಿ ತಿಳಿಯುತ್ತಿದ್ದಂತೆ ರಾಮ ಬಳಗದಲ್ಲಿ ಮುಂದಿನ ಪ್ರಶ್ನೆ ಎದ್ದು ಕುಳಿತಿತ್ತು: ಲಂಕೆಗೆ ಹೋಗುವುದು...

ಹೊಸ ಸೇರ್ಪಡೆ