ಹಸಿವು ನೀಗಿಸುವ “ಸೈನಿಕರು’

ಅನ್ನ ಬಂತು, ಸಾಲಾಗಿ ನಿಂತ್ಕೊಳ್ಳೋಣ...!

Team Udayavani, Dec 14, 2019, 6:09 AM IST

ಬೆಂಗಳೂರಿನ ಎಷ್ಟೋ ಅಲೆಮಾರಿಗಳು‌, ಸ್ಲಂ ವಾಸಿಗಳು ಹೀಗೆ ಅನ್ನಕ್ಕಾಗಿ ಆಕಾಶ ನೋಡ್ತಾರೆ. ಹರ್ಷಿಲ್‌ ಮಿತ್ತಲ್‌ ಎಂಬ ಹುಡುಗನಿಗೆ ಕಾಡಿದ್ದೂ ಇಂಥವರೇ. ಈತ ಹುಟ್ಟುಹಾಕಿದ “ಲೆಟ್ಸ್‌ ಫೀಡ್‌ ಬೆಂಗಳೂರು’ ಎಂಬ ಸ್ವಯಂ ಸೇವಕ ಗುಂಪು, ಹಸಿವು ನೀಗಿಸುವುದನ್ನೇ ಕಾಯಕ ಮಾಡಿಕೊಂಡಿದೆ…

ಬಿರು ಬಿಸಿಲು. “ಅನ್ನ, ಅನ್ನಾ…’ ಎಂದು ಅಂಗೈ ಒಡ್ಡುವ ಮಕ್ಕಳ ದನಿ. ಅವರ ಹೊಟ್ಟೆ ತುಂಬಿಸಲು, ಹಗಲಿಡೀ ಬೀದಿ ಬೀದಿ ತಿರುಗುವ ದೊಡ್ಡವರ ಗುಂಪು. ಯಾರಾದರೂ ಕರೆದು ಒಂದ್ಹೋತ್ತಿನ ಊಟ ಕೊಟ್ಟಾರು ಎಂದು ನೋಡುವ ಅವರ ಬತ್ತಿದ ಕಣ್ಣುಗಳು… ಬೆಂಗಳೂರಿನ ಎಷ್ಟೋ ಅಲೆಮಾರಿಗಳ, ಸ್ಲಂ ವಾಸಿಗಳು ಹೀಗೆ ಅನ್ನಕ್ಕಾಗಿ ಆಕಾಶ ನೋಡ್ತಾರೆ. ಹರ್ಷಿಲ್‌ ಮಿತ್ತಲ್‌ ಎಂಬ ಹುಡುಗನಿಗೆ ಕಾಡಿದ್ದೂ ಇಂಥವರೇ.

ಇವರ ಹಸಿವಿನ ಆಕ್ರಂದನವನ್ನು ಆತ ಮೊದಲ ಸಲ ಕೇಳಿದಾಗ, ಒಂದಿಷ್ಟು ಆಹಾರದ ಪೊಟ್ಟಣಗಳನ್ನು ಹಿಡಿದು, ತಿಲಕ್‌ ನಗರದ ಸ್ಲಂಗೆ ಹೋಗಿದ್ದನಂತೆ. ಅವನು ಕೊಟ್ಟ ಆಹಾರದಿಂದ, ಹೊಟ್ಟೆ ತುಂಬ ಉಂಡ ಪುಟಾಣಿಗಳನ್ನು ಕಂಡು, ಹರ್ಷನಿಗೆ ಈ ಜನ್ಮ ಸಾರ್ಥಕ ಆಯಿತು ಅಂತನ್ನಿಸಿತಂತೆ. ಹರ್ಷನ ಈ ಉಪಕಾರ, ಸ್ನೇಹಿತರ ಕಿವಿಗೂ ಬಿತ್ತು. “ಲೆಟ್ಸ್‌ ಫೀಡ್‌ ಬೆಂಗಳೂರು’ ಎಂಬ ಗುಂಪು ಹುಟ್ಟಿಕೊಂಡಿತು. ಸ್ಲಂಗಳಿಗೆ ಊಟವನ್ನು ನೀಡುವುದೇ ಆ ಗುಂಪಿನ ಉದ್ದೇಶವಾಯಿತು. ಇಂದು ವಿದ್ಯಾರ್ಥಿಗಳು, ಉದ್ಯೋಗಸ್ಥರು, ಗೃಹಿಣಿಯರು ಸೇರಿದಂತೆ ಬೆಂಗಳೂರಿನ 500ಕ್ಕೂ ಅಧಿಕ ಮಂದಿ, ಲೆಟ್ಸ್‌ ಫೀಡ್‌ನ‌ ಸದಸ್ಯರು.

ಉಳ್ಳವರಿಂದ ಹಸಿದವರ ತಟ್ಟೆಗೆ…: ಲೆಟ್ಸ್‌ ಫೀಡ್‌ನ‌ ಸದಸ್ಯರು, ಬೆಂಗಳೂರಿನ ವಿವಿಧ ಅಪಾರ್ಟ್‌ ಮೆಂಟ್‌ಗಳಿಗೆ ಪ್ರತಿ ತಿಂಗಳು ಅಲೆಮಾರಿ, ಸ್ಲಂ ಮಕ್ಕಳಿಗೆ ಎಷ್ಟು ಊಟದ ಅಗತ್ಯವಿದೆ ಎಂಬುದರ ವಿವರ ಕಳುಹಿಸುತ್ತಾರೆ. ಇಂತಿಷ್ಟು ಊಟ ಸಿಗುವ ಬಗ್ಗೆ ಕೂಡಲೇ ಖಾತ್ರಿ ಆಗುತ್ತದೆ. ಪ್ರತಿ ತಿಂಗಳಿಗೆ 450ಕ್ಕೂ ಹೆಚ್ಚು ಮಂದಿ ಈ “ಅನ್ನದಾನ’ದ ಯೋಜನೆಗೆ ಹೆಸರು ನೋಂದಾಯಿಸುತ್ತಾರೆ. ತಯಾರಾದ ಫ್ರೆಶ್‌ ಊಟವನ್ನು, ಆಯಾ ಏರಿಯಾದ ಲೆಟ್ಸ್‌ ಫೀಡ್‌ನ‌ ಸದಸ್ಯರು, ಸಮೀಪದ ಸ್ಲಮ್‌ನ ಮಕ್ಕಳಿಗೆ, ಹಸಿದವರಿಗೆ ಮುಟ್ಟಿಸುತ್ತಾರೆ. ಪ್ರತಿ ಮನೆಯಿಂದ 5-10 ಪ್ಯಾಕೇಟ್‌ಗಳ ಊಟ ಸಿದ್ಧಗೊಳ್ಳುತ್ತದೆ.

ಬಾಕ್ಸ್‌ನಲ್ಲಿ ಏನಿರುತ್ತೆ?
– ಇಡ್ಲಿ, ಚಿತ್ರಾನ್ನ, ಪೂರಿ, ಚಪಾತಿ, ಅನ್ನ ಸಾಂಬಾರ್‌, ಪಲಾವ್‌, ನೂಡಲ್ಸ್‌.
– ಸ್ವೀಟ್ಸ್‌, ಚಕ್ಕುಲಿ, ನಿಪ್ಪಟ್ಟು, ಸಂಡಿಗೆ…
– ಆಹಾರದ ಜೊತೆಗೆ ಕೆಲವರು ಶುಭಾಶಯ ಪತ್ರಗಳನ್ನು ಬರೆದಿರುತ್ತಾರೆ.

ಊಟ ತಲುಪಿಸುವ ಸ್ಲಮ್‌ಗಳು…: ನಾಯಂಡನಹಳ್ಳಿ, ತಿಲಕ್‌ ನಗರ, ಬನ್ನೇರುಘಟ್ಟ, ವೈಟ್‌ಫೀಲ್ಡ್‌, ಜೆ.ಪಿ. ನಗರ… ಸೇರಿದಂತೆ 10-12 ಸ್ಲಮ್‌ಗಳ ಬಡ ಮಕ್ಕಳಿಗೆ ಊಟ ತಲುಪಿಸಲಾಗುತ್ತದೆ.

ಸ್ಲಮ್‌ನಲ್ಲಿ ಹಸಿದ ಮಕ್ಕಳು ನಮ್ಮ ದಾರಿಯನ್ನೇ ಕಾಯುತ್ತಿರುತ್ತವೆ. “ಅನ್ನ ಬಂತು ಅನ್ನಾ, ಎಲ್ರೂ ಸಾಲಾಗಿ ನಿಲ್ಲಿ’ ಅಂತ ಅವರುಗಳೇ ಇರುವೆಯಂತೆ ಸಾಲುಗಟ್ಟುತ್ತಾರೆ. ಕುತೂಹಲದಿಂದ ಪ್ಯಾಕೇಟ್‌ ತೆಗೆದಾಗ, ಅವರ ಆನಂದಕ್ಕೆ ಪಾರವೇ ಇರುವುದಿಲ್ಲ.
-ಭಾರ್ಗವ್‌, ಲೆಟ್ಸ್‌ ಫೀಡ್‌ ಸದಸ್ಯ

* ಯೋಗೇಶ್‌ ಮಲ್ಲೂರು

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಕೊರೊನಾಗೆ ವ್ಯಾಕ್ಸಿನ್ನಾದರೂ ಸಿಗಬಹುದು, ಆದರೆ, "ಒಂದು ಲೋಟ ರವೆಗೆ ಎಷ್ಟು ನೀರು ಹಾಕಬೇಕು?' ಎಂಬ ಬ್ಯಾಚುಲರ್‌ ಜೀವನದ ಮಿಲಿಯನ್‌ ಡಾಲರ್‌ ಪ್ರಶ್ನೆಗೆ ಉತ್ತರ...

  • ಆ ಮನುಷ್ಯ ಜ್ವರದಿಂದ ತೂರಾಡುತ್ತಾ, ಕೆಮ್ಮುತ್ತಾ ಬಂದು ಆಟೋದೊಳಗೆ ಕೂರುತ್ತಾನೆ. ಚಾಲಕ ಅವನನ್ನು ಆಸ್ಪತ್ರೆಗೆ ಕರೆದೊಯ್ಯಲು ನಿರಾಕರಿಸುತ್ತಾನೆ. ಅಷ್ಟರಲ್ಲೇ...

  • ಕರೋನಾ ರಜೆಯನ್ನು ಶಾಲಾ ಮಕ್ಕಳ ಪೋಷಕರು ಸದುಪಯೋಗ ಮಾಡಿಕೊಳ್ಳಲು ಇದು ಒಳ್ಳೆಯ ಸಮಯ. ಮಧ್ಯಾಹ್ನದ ಹೊತ್ತು ಚೌಕಾಬಾರ, ಕೇರಂ, ಹುಲಿಕಲ್ಲಾಟ ಇಂಥವನ್ನು ಆಡಿ, ನೀವು...

  • ರಸ್ತೆಯ ಬದಿಯಲ್ಲೊಂದು ಮರ. ಅದರ ಮೇಲೆ ಏನೇನೋ ಜಾಹೀರಾತು. ಅದನ್ನು ನೋಡ್ಕೊಂಡು, ಮನಸ್ಸಿನಲ್ಲಿ ಏನೇನೋ ಲೆಕ್ಕಾಚಾರ ಹಾಕ್ಕೊಂಡು ಹೋಗುವ ನಮಗೆ, ಆ ಮರದ ಹಿಂದಿ ನೋವು...

  • -ಇಷ್ಟು ದಿನ ಟೆರೇಸ್‌ ಕೇವಲ ಬಟ್ಟೆ ಒಣಗಿಸುವ ಜಾಗವಾಗಿತ್ತು. ಆದರೆ, ಹಿರಿಯರ ಪಾಲಿಗೆ ಈಗ ಟೆರೇಸ್‌ ಕೂಡ ಪುಟ್ಟ ಮೈದಾನ. ಇದನ್ನೇ ವಾಕಿಂಗ್‌ಗೆ ಆಯ್ದುಕೊಳ್ಳುವುದು...

ಹೊಸ ಸೇರ್ಪಡೆ