ಸಾಕ್ರೆಟಿಸನ ಜಗಳಗಂಟಿ ಪತ್ನಿ

ಹಿಸ್ಟರಿ ಕಥೆ

Team Udayavani, Sep 12, 2019, 5:00 AM IST

ಜಗತ್ತು ಕಂಡ ಶ್ರೇಷ್ಠ ತತ್ವಶಾಸ್ತ್ರಜ್ಞರಲ್ಲಿ ಸಾಕ್ರೆಟಿಸ್‌ ಕೂಡಾ ಒಬ್ಬರು. ಗ್ರೀಕ್‌- ರೋನ್‌ ಸಾಹಿತ್ಯಕ್ಕೆ ಆತನ ಕೊಡುಗೆ ಅಪಾರವಾದುದು. ಗ್ರೀಸ್‌ನಲ್ಲಿ ಜೀವಿಸಿದ್ದ ಆತ ಮನುಷ್ಯ ಜೀವನವನ್ನು ಬಹಳ ಸೂಕ್ಷ್ಮವಾಗಿ ಅಭ್ಯಸಿಸಿದಾತ. ಆತನ ಮಾತುಗಳು ಎಂದಿಗೂ ಪ್ರಸ್ತುತ. ಜಗತ್ತಿನ ಪ್ರಖ್ಯಾತ ವ್ಯಕ್ತಿಗಳೆಲ್ಲನೇಕರು ಅವನ್ನು ತಮ್ಮ ಜೀವನದಲ್ಲಿ ಪಾಲಿಸಿಕೊಂಡು ಬರುತ್ತಿದ್ದಾರೆ. ಇಂತಿಪ್ಪ ಸಾಕ್ರೆಟಿಸ್‌ಗೆ ಒಬ್ಬಳು ಪತ್ನಿ ಇದ್ದಳು ಅವಳ ಹೆಸರು ಕ್ಸಾಂತಿಪ್‌. ಆಕೆ ಗಯ್ನಾಳಿ ಹೆಂಗಸು ಎಂದೇ ಹೆಸರಾಗಿದ್ದಾಳೆ.

ಸದಾ ತನ್ನ ಗಂಡನ ವಿರುದ್ಧ ಜಗಳ ಕಾಯುತ್ತಾ, ಅವನನ್ನು ಮೂದಲಿಸುತ್ತಾ ಇರುವುದೇ ಅವಳ ಸ್ವಭಾವವಾಗಿತ್ತು. ಅಚ್ಚರಿ ಎಂದರೆ ಸಮಾಜದ ಓರೆ ಕೋರೆಗಳನ್ನು ನಿಕೃಷ್ಟವಾಗಿ ಖಂಡತುಂಡವಾಗಿ ವಿರೋಧಿಸುತ್ತಿದ್ದ ಆತ ಎಂದೂ ತನ್ನ ಪತ್ನಿಯನ್ನು ವಿರೋಧಿಸಿದವನಲ್ಲ. ಅವಳು ಮಾಡುತ್ತಿರುವುದು ತಪ್ಪೆಂದು ಗೊತ್ತಿದ್ದರೂ ಸಹನೆಯಿಂದ ಕೇಳಿಸಿಕೊಂಡು ಸುಮ್ಮನಾಗಿಬಿಡುತ್ತಿದ್ದ. ಆ ಸಮಯದಲ್ಲಿ ಸಾಕ್ರೆಟಿಸ್‌ ಅನೇಕ ಶಿಷ್ಯಂದಿರಿಗೆ ಮನೆಯಲ್ಲೇ ಪಾಠ ಹೇಳುತ್ತಿದ್ದ. ಅವರಲ್ಲೊಬ್ಬನಾಗಿದ್ದ ಕ್ಸಿನೋಫೆನ್‌ಗೆ ಸಾಕ್ರೆಟಿಸ್‌ ಮತ್ತವನ ಪತ್ನಿಯ ನಡುವಿನ ಸಂಬಂಧ ಬಿಡಿಸಲಾರದ ಒಗಟಾಗಿ ತೋರಿತು.

ಆ ಕುರಿತು ಒಮ್ಮೆ ನೇರವಾಗಿ ಆತ ಸಾಕ್ರೆಟಿಸ್‌ನನ್ನೇ ಕೇಳಿಯೂಬಿಟ್ಟಿದ್ದ. ಇದಕ್ಕೆ ಸಾಕ್ರೆಟಿಸ್‌ ನೀಡಿದ ಉತ್ತರ ಹೀಗಿತ್ತು- “ನಾವು ಗಂಡಸರು, ಜೀವನದಲ್ಲಿ ಅತ್ಯುತ್ತಮ ಕುದುರೆ ಸವಾರರಾಗಬೇಕೆಂದು ಬಯಸುವವರು. ನಮ್ಮ ನಿಜವಾದ ಸಾಮರ್ಥ್ಯ ತಿಳಿದು ಬರುವುದು ಅಂಥ ಘಟವಾಣಿಯಂಥ, ಹಠಮಾರಿ ಕುದುರೆ ಹತ್ತಿದಾಗ ಮಾತ್ರ. ಆ ಕುದುರೆಯನ್ನು ಪಳಗಿಸಿದವನಿಗೆ ಜಗತ್ತಿನ ಎಂಥಾ ಹಠಮಾರಿ ಕುದುರೆಯನ್ನಾದರೂ ಪಳಗಿಸುವುದು ನೀರು ಕುಡಿದಷ್ಟೇ ಸಲೀಸು ಎಂಬ ಆತ್ಮವಿಶ್ವಾಸ ಬರುತ್ತದೆ. ಈಗ ನನ್ನದೂ ಗಂಡನಾಗಿ ಇದೇ ಮನಸ್ಥಿತಿ. ನನ್ನ ಪತ್ನಿಯನ್ನೇ ಸಂಭಾಳಿಸಿಕೊಂಡು ಹೋಗಬಲ್ಲೆನಾದರೆ ಜಗತ್ತಿನಲ್ಲಿ ಯಾವ ವ್ಯಕ್ತಿ ಜೊತೆಗಾದರೂ ಉತ್ತಮ ಸಂಬಂಧ ಹೊಂದಬಲ್ಲೆ, ಅದೆಂಥಾ ಸಮಸ್ಯೆಯನ್ನಾದರೂ ತಿಳಿಯಾಗಿಸಬಲ್ಲೆ ಎಂಬ ಆತ್ಮವಿಶ್ವಾಸ ನನಗೆ ಸಿಗುತ್ತಿದೆ.’

ಹವನ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಡೈನೋಸಾರ್‌ ಅಂದಾಕ್ಷ ಣ ಕಣ್ಣ ಮುಂದೆ ಬರುವುದು ದೈತ್ಯಾಕಾರದ ಪ್ರಾಣಿ. ಇದು ಬದುಕಿತ್ತ? ಬದುಕಿದ್ದರೆ ಯಾವಾಗ? ಹೇಗೆ ಅಂತೆಲ್ಲ ಕುತೂಹಲ ಹುಟ್ಟುತ್ತದೆ. ಇದನ್ನು ತಣಿಸಲೆಂದೇ...

  • ಪ್ರಪಂಚದಲ್ಲಿ ಎಷ್ಟು ಭೂಖಂಡಗಳಿವೆ ಎಂದು ಕೇಳಿದರೆ ಯಾರು ಬೇಕಾದರೂ "ಏಳು' ಎಂಬ ಉತ್ತರವನ್ನು ನೀಡುತ್ತಾರೆ. ಭೂಗೋಳ, ನಕಾಶೆ ಪುಸ್ತಕವನ್ನು ನೋಡಿದರೆ ಈ 7 ಖಂಡಗಳು ಭೂಮಿಯ...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೋ)ಯ ಈಗಿನ ಅಧ್ಯಕ್ಷ,...

  • ನೀವು ಗಮನಿಸಿರಬಹುದು. ಈ ಜಾದೂಗಾರ ಅಂದಾಕ್ಷಣ ಕಣ್ಣ ಮುಂದೆ ಬರುವ ಚಿತ್ರ ಕೈಯಲ್ಲೊಂದಷ್ಟು ಇಸ್ಪೀಟ್‌ ಕಾರ್ಡ್‌ಗಳು. ಹೌದು, ಇದು ಜಾದುವಿನ ಚುಂಬಕ ಚಿಹ್ನೆ. ಕಾಲಿ...

  • ಕಾಡಿನ ನಡುವೆ ವನರಾಜ ಸಿಂಹದ ನೇತೃತ್ವದಲ್ಲಿ ಪ್ರಾಣಿಗಳ ಸಭೆ ನಡೆಯುತ್ತಿತ್ತು. ಜಿಂಕೆ "ಇತ್ತೀಚೆಗೆ ಬೇಟೆಗಾರನ ಉಪಟಳ ವಿಪರೀತವಾಗುತ್ತಿದೆ. ಇದು ಹೀಗೆ ಮುಂದುವರಿದರೆ...

ಹೊಸ ಸೇರ್ಪಡೆ