ಬ್ರಹ್ಮಚಾರಿಯ ಕಾಮಿಡಿ ಪ್ಯಾಕೇಜ್‌

ಸಿನಿಮಾದಲ್ಲಿ ಡಬಲ್‌ ಮನರಂಜನೆ...

Team Udayavani, Nov 8, 2019, 5:15 AM IST

ಕೆಲವೊಮ್ಮೆ ಸಿನಿಮಾದ ಟ್ರೇಲರ್‌ ಗಮನಸೆಳೆದಷ್ಟು ಇಡೀ ಸಿನಿಮಾ ಗಮನ ಸೆಳೆಯೋದು ಕಷ್ಟ ಎನ್ನುವ ಮಾತಿದೆ. ಟ್ರೇಲರ್‌ ನೋಡಿದವರಿಗೆ ಸಿನಿಮಾನೂ ಹೀಗೇ ಇರುತ್ತೆ ಎಂಬ ಬಲವಾದ ನಂಬಿಕೆ ಕೂಡ ಸಹಜ. ಆದರೆ, ಸಿನಿಮಾ ಬಿಡುಗಡೆ ಬಳಿಕ ಅದರ “ತಾಕತ್ತು’ ಅರ್ಥವಾಗುತ್ತೆ. ನೀನಾಸಂ ಸತೀಶ್‌ ಅಭಿನಯದ “ಬ್ರಹ್ಮಚಾರಿ’ ಚಿತ್ರದ ಟ್ರೇಲರ್‌ ನೋಡಿದವರು ಮೆಚ್ಚಿದ್ದಾರೆ. ಪಡ್ಡೆಗಳಿಗಂತೂ ಹೇಳಿ ಮಾಡಿಸಿದ “ಪಂಚ್‌’ ಜೊತೆಗಿನ ಹಾಸ್ಯಮಯ ಟ್ರೇಲರ್‌ ಖುಷಿ ಕೊಡುವುದರಲ್ಲಿ ಅನುಮಾನವಿಲ್ಲ. ಹಾಗಂತ ಆ ಟ್ರೇಲರ್‌ ನೋಡಿದರೆ ಫ್ಯಾಮಿಲಿ ಸಮೇತ ಸಿನಿಮಾ ನೋಡಬಹುದಾ? ಹೀಗೊಂದು ಪ್ರಶ್ನೆ ಎದುರಾಗುತ್ತೆ. ಅದಕ್ಕೆ ಇಡೀ ತಂಡ ಒಮ್ಮತದಿಂದಲೇ, “ಇದೊಂದು ಪಕ್ಕಾ ಮನರಂಜನೆಯ ಸಿನಿಮಾ. ಜೊತೆಗೊಂದು ಸಂದೇಶವೂ ಇದೆ. ಇಡೀ ಚಿತ್ರ ಹಾಸ್ಯಮಯವಾಗಿದ್ದರೂ, ಎಲ್ಲೂ ಅಸಹ್ಯ ಎನಿಸುವ ದೃಶ್ಯಗಳಿಲ್ಲ. ಅಶ್ಲೀಲ ಪದಗಳೂ ಇಲ್ಲ’ ಎಂಬ ಗ್ಯಾರಂಟಿ ಕೊಡುತ್ತದೆ. ಆದರೂ, ಟ್ರೇಲರ್‌ ನೋಡಿದವರಿಗೆ ಕುಟುಂಬ ಸಮೇತ ಹೋಗಬಹುದಾ ಎಂಬ ಸಣ್ಣ ಅನುಮಾನ ಕಾಡಿದರೂ, ಚಿತ್ರತಂಡ ಕೊಡುವ ಭವ್ಯ ಭರವಸೆಯಿಂದ “ಬ್ರಹ್ಮಚಾರಿ’ ಮನರಂಜನೆಯ ಪಾಕ ಅನ್ನೋದು ಪಕ್ಕಾ.

ನಿರ್ದೇಶಕ ಚಂದ್ರಮೋಹನ್‌ ಅವರು ಈ ಹಿಂದೆ ಮಾಡಿದ ಎರಡು ಸಿನಿಮಾಗಳಲ್ಲೂ ಹಾಸ್ಯ ಮೇಳೈಸಿತ್ತು. “ಬ್ರಹ್ಮಚಾರಿ’ಯಲ್ಲೂ ಅದು ಮುಂದುವರೆದಿದೆ. ಅವರು ಹೇಳುವಂತೆ, “ಹಿಂದೆ ನಾನು ಎರಡು ಸಿನಿಮಾಗಳಲ್ಲೂ ಸಾಕಷ್ಟು ಕಷ್ಟಪಟ್ಟಿದ್ದೆ. ಇಲ್ಲಿ ಅಂತಹ ಕಷ್ಟವಿಲ್ಲ. ಎಲ್ಲವೂ ಸುಲಭವಾಗಿಯೇ ನಡೆದಿದೆ. ಅದಕ್ಕೆ ಕಾರಣ ನಿರ್ಮಾಪಕರು. ಅವರ ಕನಸು ನನಸು ಮಾಡಿದ್ದೇನೆ ಎಂಬ ನಂಬಿಕೆ ನನಗಿದೆ. ಈಗಾಗಲೇ “ತಡ್ಕ ತಡ್ಕ ಹಿಡ್ಕ ಹಿಡ್ಕ’ ಹಾಡು ಹಿಟ್‌ ಆಗಿದೆ. ಟ್ರೇಲರ್‌ಗೂ ಮೆಚ್ಚುಗೆ ಬರುತ್ತಿದೆ. ಸಿನಿಮಾ ಎಲ್ಲಾ ವರ್ಗಕ್ಕೂ ಇಷ್ಟವಾಗುತ್ತೆ. ಪಕ್ಕಾ ಮನರಂಜನೆ ಚಿತ್ರವಿದು’ ಎಂದರು ಚಂದ್ರಮೋಹನ್‌.

ನಟ ನೀನಾಸಂ ಸತೀಶ್‌ ಅವರಿಗೆ “ಬ್ರಹ್ಮಚಾರಿ’ ಮೇಲೆ ನಂಬಿಕೆ ಇದೆ. ನಾಯಕನಲ್ಲಿರುವ ಒಂದು ಸಮಸ್ಯೆ ಚಿತ್ರದ ಹೈಲೈಟ್‌. ಅದನ್ನು ಹಾಸ್ಯಮಯವಾಗಿ ಹೇಳಲಾಗಿದೆ. ಹಿಂದೆ “ಅನುಭವ’, “ಅನಂತನ ಅವಾಂತರ’ ಚಿತ್ರಗಳನ್ನೂ ಸಹ ಜನ ಒಪ್ಪಿದ್ದರು. ಫ್ಯಾಮಿಲಿ ಕೂಡ ಮೆಚ್ಚಿತ್ತು. ಇಲ್ಲಿ ನಾಯಕನ ವೈಯಕ್ತಿಕ ಸಮಸ್ಯೆ ಮೇಲೆ ಸಿನಿಮಾ ಸಾಗುತ್ತೆ. ಅದನ್ನು ಹಾಸ್ಯ ರೂಪದಲ್ಲಿ ಹೇಳಲಾಗಿದೆ. ಇದೊಂದು ಪಕ್ಕಾ ಮನರಂಜನಾತ್ಮಕ ಚಿತ್ರ’ ಅಂದರು ಸತೀಶ್‌.

ನಟ ಅಶೋಕ್‌, ಇಲ್ಲಿ ಸಾಕಷ್ಟು ಕಲಿತುಕೊಂಡ ಬಗ್ಗೆ ಹೇಳಿಕೊಂಡರು. ಅದಿತಿ ಅವರಿಗೆ ಚಿತ್ರದ ಶೀರ್ಷಿಕೆ ಕೇಳಿದಾಗಲೇ ಒಂದು ಮಜವಾದ ಸಿನಿಮಾ ಎನಿಸಿತಂತೆ. ಅಷ್ಟೇ ಮಜ ಚಿತ್ರದಲ್ಲೂ ಇರುವುದರಿಂದ ಖುಷಿ ಇದೆಯಂತೆ. ಅವರಿಗೆ ಇದು ಮೊದಲ ಕಾಮಿಡಿ ಜಾನರ್‌ ಸಿನಿಮಾವಂತೆ.

ನಿರ್ಮಾಪಕ ಉದಯ್‌ ಕೆ.ಮೆಹ್ತಾ ಅವರಿಗೆ ಸಿನಿಮಾ ಗೆಲ್ಲುವ ಭರವಸೆ ಇದೆ. ಕಾರಣ, ಈಗಾಗಲೇ ಹಾಡು ಹಿಟ್‌ ಆಗಿದೆ. ಟ್ರೇಲರ್‌ಗೂ ಉತ್ತಮ ಪ್ರತಿಕ್ರಿಯೆ ಬಂದಿದೆ. ಸಿನಿಮಾಗೂ ಮೆಚ್ಚುಗೆ ಸಿಗುತ್ತೆ ಎಂಬ ನಂಬಿಕೆ ಅವರದು. ಇಲ್ಲಿ ಒಳ್ಳೆಯ ಸಂದೇಶವಿದೆ. ಹಾಸ್ಯವೂ ಇದೆ. ಎಲ್ಲಾ ವರ್ಗ ನೋಡ­ಬಹುದು ಎನ್ನುತ್ತಾರೆ ಉದಯ್‌ ಮೆಹ್ತಾ.
ಚೇತನ್‌ ಕುಮಾರ್‌ “ತಡ್ಕ ತಡ್ಕ ಹಿಡ್ಕ ಹಿಡ್ಕ’ ಹಾಡು ಬರೆದ ಬಗ್ಗೆ ಹೇಳಿಕೊಂಡರು. ಸಂಗೀತ ನಿರ್ದೇಶಕ ಧರ್ಮವಿಶ್‌, ಶಿವರಾಜ್‌ ಕೆ.ಆರ್‌.ಪೇಟೆ, ರಿಷ್‌ಭ್‌ ಶೆಟ್ಟಿ ಇತರರು “ಬ್ರಹ್ಮಚಾರಿ’ಯ ಗುಣಗಾನ ಮಾಡಿದರು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಯಶಸ್ವಿಯಾಗಿ ನೂರು ಚಿತ್ರಗಳಲ್ಲಿ ಅಭಿನಯಿಸಿ, ಶತಕದ ಸಂಭ್ರಮದಲ್ಲಿರುವ ನಟ ರಮೇಶ್‌ ಅರವಿಂದ್‌, ಈ ವಾರ 101ನೇ ಚಿತ್ರದ ಮೂಲಕ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ....

  • ನಾನು ಎಲ್ಲಾ ಬಿಟ್ಟು, ಈ ರಂಗಕ್ಕೆ ಬಂದಿದ್ದೇ ಏನೋ ಮಾಡಬೇಕು ಅಂತ. ಚಾಲೆಂಜ್‌ ತೆಗೆದುಕೊಳ್ಳದಿದ್ದರೆ ಹೇಗೆ? ಕಂಫ‌ರ್ಟ್‌ ಜೋನ್‌ ಬಿಟ್ಟು ಬೇರೆ ಮಾಡಬೇಕು ಅಂದಾಗ,...

  • ಈಗಂತೂ ಮೊಬೈಲ್‌ನದ್ದೇ ಸುದ್ದಿ. ಯಾರ ಕೈ ನೋಡಿದರೂ ಮೊಬೈಲ್‌ ಇದ್ದೇ ಇರುತ್ತೆ. ಅದರಲ್ಲೂ ವಾಟ್ಸಾಪ್‌, ಫೇಸ್‌ಬುಕ್‌, ಇನ್ಸ್‌ಟಾಗ್ರಾಂ, ಟ್ವಿಟ್ಟರ್‌...ಹೀಗೆ ಒಂದಾ...

  • ಪ್ರೇಮ್‌ ನಿರ್ದೇಶನದ "ಏಕಲವ್ಯ' ಚಿತ್ರದ ಟೀಸರ್‌ ಬಿಡುಗಡೆಯಾಗಿದೆ. ದೊಡ್ಡ ಗ್ಯಾಪ್‌ನ ಬಳಿಕ ಲವ್‌ಸ್ಟೋರಿ ಮಾಡುತ್ತಿರುವ ಪ್ರೇಮ್‌, ಈ ಬಾರಿ ಸಖತ್‌ ಬೋಲ್ಡ್‌ ಕಥೆಯನ್ನೇ...

  • ಹಿರಿಯ ಸಾಹಿತಿ ಡಾ.ಬಿ.ಎಲ್‌.ವೇಣು ಅವರ ಐತಿಹಾಸಿಕ ಕಾದಂಬರಿ "ದಳವಾಯಿ ಮುದ್ದಣ' ಈಗ ದೃಶ್ಯರೂಪ ಪಡೆದುಕೊಂಡಿದೆ. "ದಳವಾಯಿ ಮುದ್ದಣ್ಣ' ಕಾದಂಬರಿ ಈಗ ಚಲನಚಿತ್ರಕ್ಕೆ...

ಹೊಸ ಸೇರ್ಪಡೆ

  • ಅಮೆರಿಕ ವಿಶ್ವದ ಶ್ರೀಮಂತ, ಬಲಿಷ್ಠ, ಭವ್ಯ ರಾಷ್ಟ್ರ. ಇದೀಗ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಫೆ. 24 ಮತ್ತು 25 ರಂದು ಭಾರತದ ಪ್ರವಾಸ ಕೈಗೊಳ್ಳಲಿದ್ದಾರೆ....

  • ಕುಂಬಳೆ: ಕಾಸರಗೋಡು ಜಿಲ್ಲೆಯ ಪುತ್ತಿಗೆ ಗ್ರಾಮ ಪಂಚಾಯತಿನ ಬಾಡೂರು ಹೊಸಗದ್ದೆ ಮನೆಯ ದೀಲಿಪ್‌ ಕುಮಾರ್‌ ವತ್ಸಲಾ ದಂಪತಿ ಪುತ್ರ ಹೃದಯ್‌ ಹುಟ್ಟಿನಿಂದಲೇ ತೀವ್ರತರವಾದ...

  • ಮಂಗಳೂರು/ಉಡುಪಿ: ರಾಜ್ಯಾದ್ಯಂತ ಎ. 26ರಂದು ನಡೆಯಲಿರುವ "ಸಪ್ತಪದಿ' ಸಾಮೂಹಿಕ ಸರಳ ವಿವಾಹ ಯೋಜನೆಯನ್ನು ಬಡವರಿಗಾಗಿ ರೂಪಿಸಿದ್ದರೂ ಶ್ರೀಮಂತರು ಕೂಡ ಇಲ್ಲಿ ಸರಳ ವಿವಾಹವಾಗುವ...

  • ಜಮ್ಮು: ಕರ್ನಾಟಕ ತಂಡ ರಣಜಿ ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ಪರಿಸ್ಥಿತಿಯ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿತಲ್ಲದೆ ಅನನುಭವಿ ತಂಡವೊಂದರ ವಿರುದ್ಧ ಹಿನ್ನಡೆ...

  • ಜಾಗತಿಕ ತಾಪಮಾನ ಏರಿಕೆ 2050ರ ವೇಳೆಗೆ ಭಾರತದ ಜಿಡಿಪಿ ಬೆಳವಣಿ ಗೆಯ ಮೇಲೆ ಸಾಕಷ್ಟು ಪ್ರತಿಕೂಲ ಪರಿಣಾಮಗಳನ್ನು ಬೀರಲಿದೆ ಎಂದು ಮೆಕಿನ್ಸೆ ಗ್ಲೋಬಲ್‌ ಇನ್‌ಸ್ಟಿಟ್ಯೂಟ್‌...