ಬ್ಯಾಕ್ ಟು ಬ್ಯಾಕ್ ಧನಂಜಯ್
Team Udayavani, Mar 27, 2020, 6:53 PM IST
“ಟಗರು’ ಚಿತ್ರದ “ಡಾಲಿ’ ಪಾತ್ರದ ಮೂಲಕ ಅಬ್ಬರಿಸಿದ “ಡಾಲಿ’ ಅಂದಿನಿಂದ ಇಂದಿನವರೆಗೆ ತಿರುಗಿ ನೋಡಿಲ್ಲ. ಒಂದರ ಹಿಂದೊಂದರಂತೆ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. 2020ರಲ್ಲಿ ಧನಂಜಯ್ ಅಭಿನಯದ “ಪಾಪ್ಕಾರ್ನ್ ಮಂಕಿ ಟೈಗರ್’ ಚಿತ್ರಗಳು ತೆರೆಕಂಡಿರೋದು ನಿಮಗೆ ಗೊತ್ತೇ ಇದೆ. ಅದರ ಬೆನ್ನಲ್ಲೇ ಈ ವರ್ಷ ಮತ್ತೂಂದಿಷ್ಟು ಧನಂಜಯ್ ನಟಿಸಿರುವ ಮತ್ತೂಂದಿಷ್ಟು ಸಿನಿಮಾಗಳು ಬಿಡುಗಡೆಯಾಗಲಿವೆ.
ಸುಮ್ಮನೆ ನೀವೇ ಲೆಕ್ಕ ಹಾಕಿ ನೋಡಿ, “ಸಲಗ’, “ಯುವರತ್ನ’, “ತೋತಾಪುರಿ’, “ಬಡವ ರಾಸ್ಕಲ್’, “ಡಾಲಿ’, “ಜಯರಾಜ್’… ಇವು ಸದ್ಯಕ್ಕೆ ಧನಂಜಯ್ ಕೈಯಲ್ಲಿರುವ ಸಿನಿಮಾಗಳು. ಇದರಲ್ಲಿ ಬಹುತೇಕ ಸಿನಿಮಾಗಳು ಈ ವರ್ಷವೇ ತೆರೆಕಾಣಲಿವೆ ಎಂಬುದು ವಿಶೇಷ. ವಿಜಯ್ ನಟನೆ, ನಿರ್ದೇಶನದ “ಸಲಗ’ ಚಿತ್ರದಲ್ಲಿ ಧನಂಜಯ್ ಎಸಿಪಿ ಸಾಮ್ರಾಟ್ ಎಂಬ ಪಾತ್ರ ಮಾಡಿದ್ದು, ಆ ಚಿತ್ರ ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಮಾರ್ಚ್ ನಲ್ಲೇ ರಿಲೀಸ್ ಆಗಬೇಕಿತ್ತು. ಆದರೆ ಈಗ ಕೋವಿಡ್ 19 ಎಫೆಕ್ಟ್ ನಿಂದಾಗಿ ಚಿತ್ರ ಬಿಡುಗಡೆ ಮುಂದಕ್ಕೆ ಹೋಗಿದೆ. ಏಪ್ರಿಲ್ನಲ್ಲಿ ಚಿತ್ರ ತೆರೆಕಾಣಬಹುದು. ಇದರ ಬೆನ್ನಲ್ಲೇ “ಯುವರತ್ನ’ ಚಿತ್ರ ಬರಲಿದೆ.
ಈ ಚಿತ್ರದಲ್ಲೂ ಧನಂಜಯ್ ನೆಗೆಟಿವ್ ರೋಲ್ನಲ್ಲಿ ಮಿಂಚಿದ್ದಾರೆ. ಇನ್ನು ಜಗ್ಗೇಶ್ ಅಭಿನಯದ “ತೋತಾಪುರಿ’ ಚಿತ್ರದಲ್ಲೂ ಧನಂಜಯ್ ನಟಿಸಿದ್ದು, ಆ ಚಿತ್ರ ಕೂಡಾ ಈ ವರ್ಷವೇ ತೆರೆಕಾಣಲಿದೆ. ಇನ್ನು, ಧನಂಜಯ್ ನಾಯಕರಾಗಿ ನಟಿಸುತ್ತಿರುವ “ಬಡವ ರಾಸ್ಕಲ್’, “ಡಾಲಿ’ ಚಿತ್ರಗಳು ಕೂಡಾ ಈ ವರ್ಷ ಬರುವ ಸಾಧ್ಯತೆಗಳಿವೆ. ಈ ನಡುವೆಯೇ ಧನಂಜಯ್ ಜಯರಾಜ್ ಅವರ ಬಯೋಪಿಕ್ನಲ್ಲಿ ನಟಿಸುತ್ತಿದ್ದು, ಈ ಚಿತ್ರ ಈ ವರ್ಷಾಂತ್ಯಕ್ಕೆ ಬಂದರೂ ಅಚ್ಚರಿಯಿಲ್ಲ. ಒಟ್ಟಾರೆ 2020ರಲ್ಲಿ ಧನಂಜಯ್ ತೆರೆಮೇಲೆ ದರ್ಶನ ಕೊಡುತ್ತಿರೋದಂತೂ ಪಕ್ಕಾ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Sandalwood; ಟ್ರೆಂಡ್ ಬದಲಾಗಿದೆ ಹೊಸದೇನೋ ಬೇಕಾಗಿದೆ… ಮಲಯಾಳಂನತ್ತ ಸಿನಿಮಂದಿ ಬೆರಗು ನೋಟ
Sandalwood; ‘ಫಾರೆಸ್ಟ್’ನಲ್ಲಿ ಚಿಕ್ಕಣ್ಣ & ಟೀಂ
Hamsalekha ಸಂಗೀತದಿಂದ ದೂರವಾಗುತ್ತಿರುವುದು ಯಾಕೆ?ಯಾರಿಗೆ ಬರೆಯಲಿ ಸಾಹಿತ್ಯ ಎಂದ ನಾದಬ್ರಹ್ಮ
Bhairathi Ranagal ಲಾಯರ್ ಶಿವಣ್ಣ; ಕುತೂಹಲ ಹೆಚ್ಚಿಸಿದ ಲುಕ್
Koti; ಡಾಲಿ ಕಣ್ಣಲ್ಲಿ ಕೋಟಿ ಕನಸು; ಪರಮ್ ನಿರ್ದೇಶನದ ಸಿನಿಮಾ