ಪೋಲಿ ಲಾಡ್ಜ್

ಮಿತಿಮೀರಿದ ಚೇಷ್ಟೆ - ಇದು ವಿಜಯ ಪ್ರಸಾದ

Team Udayavani, Sep 6, 2019, 5:58 AM IST

‘ಪರಿಮಳ ಲಾಡ್ಜ್’ ಎಂಬ ಟೀಸರ್‌ ರಿಲೀಸ್‌ ಆದ ಬೆನ್ನಲ್ಲೇ ಅದನ್ನು ವೀಕ್ಷಿಸಿದ ಬಹುತೇಕರು ಟೀಸರ್‌ನಲ್ಲಿರುವ ಸಂಭಾಷಣೆ ಜೊತೆಗೆ ಟೈಟಲ್ ಕಾರ್ಡ್‌ನಲ್ಲಿ ಬಳಸಲಾದ ಪದಗಳ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಕಾಮಿಡಿ, ಚೇಷ್ಟೇ, ಡಬಲ್ ಮೀನಿಂಗ್‌ ಸಿನಿಮಾಗಳಲ್ಲಿ ಸಹಜ ನಿಜ. ಆದರೆ, ಅದು ಅತಿಯಾದರೆ ಪ್ರೇಕ್ಷಕರಿಗೆ ಇಷ್ಟವಾಗು­ವುದಿಲ್ಲ. ಈಗ ‘ಪರಿಮಳ ಲಾಡ್ಜ್’ ಟೀಸರ್‌ ಬಗ್ಗೆಯೂ ಈ ತರಹದ್ದೇ ಕಾಮೆಂಟ್ ಕೇಳಿಬರುತ್ತಿದೆ.

ಇದು ಸ್ವಲ್ಪ ಓವರ್‌ ಆಯಿತು… ಇಷ್ಟೆಲ್ಲಾ ಬೇಕಿರಲಿಲ್ಲ…. ಚೇಷ್ಟೇ ಓಕೆ, ಆದರೆ ಅದು ಇಷ್ಟು ಮಿತಿ ಮೀರಬಾರದು … ಸಿನಿಮಾ ಸಭ್ಯತೆಯ ಎಲ್ಲೆಯೊಳಗಿರಬೇಕು …

– ‘ಪರಿಮಳ ಲಾಡ್ಜ್’ ಎಂಬ ಟೀಸರ್‌ ರಿಲೀಸ್‌ ಆದ ಬೆನ್ನಲ್ಲೇ ಅದನ್ನು ವೀಕ್ಷಿಸಿದ ಬಹುತೇಕರ ಮಾತಿದು. ಅದಕ್ಕೆ ಕಾರಣ, ಟೀಸರ್‌ನಲ್ಲಿರುವ ಸಂಭಾಷಣೆ ಜೊತೆಗೆ ಟೈಟಲ್ ಕಾರ್ಡ್‌ನಲ್ಲಿ ಬಳಸಲಾದ ಪದಗಳು. ಕಾಮಿಡಿ, ಚೇಷ್ಟೇ, ಡಬಲ್ ಮೀನಿಂಗ್‌ ಸಿನಿಮಾಗಳಲ್ಲಿ ಸಹಜ ನಿಜ. ಆದರೆ, ಅದು ಅತಿಯಾದರೆ ಪ್ರೇಕ್ಷಕರಿಗೆ ಇಷ್ಟವಾಗುವುದಿಲ್ಲ. ಈಗ ‘ಪರಿಮಳ ಲಾಡ್ಜ್’ ಟೀಸರ್‌ ಬಗ್ಗೆಯೂ ಈ ತರಹದ್ದೇ ಕಾಮೆಂಟ್ ಕೇಳಿಬರುತ್ತಿದೆ. ಹಾಗಂತ ಚಿತ್ರತಂಡ ಬೇಸರಗೊಂಡಿಲ್ಲ. ಚಿತ್ರತಂಡದ ಉದ್ದೇಶ ಕೂಡಾ ಈ ಟೀಸರ್‌ ಬಗ್ಗೆ ಜನ ಮಾತನಾಡಬೇಕೆಂಬುದು. ವಿಜಯ ಪ್ರಸಾದ್‌ ಈ ಚಿತ್ರದ ನಿರ್ದೇಶಕರು. ಈ ಹಿಂದೆ ‘ಸಿದ್ಲಿಂಗು’, ‘ನೀರ್‌ದೋಸೆ’ ಹಾಗೂ ಈಗ ‘ತೋತಾಪುರಿ’ ಚಿತ್ರಗಳನ್ನು ನಿರ್ದೇಶಿಸುತ್ತಿರುವ ವಿಜಯಾ ಪ್ರಸಾದ್‌, ತಮ್ಮ ‘ತೋತಾಪುರಿ’ ಚಿತ್ರ ಮುಗಿಯುವ ಮುನ್ನವೇ ‘ಪರಿಮಳ ಲಾಡ್ಜ್’ ಕೈಗೆತ್ತಿಕೊಂಡಿದ್ದಾರೆ. ಇತ್ತೀಚೆಗೆ ಚಿತ್ರದ ಟೀಸರ್‌ ರಿಲೀಸ್‌ ಆಗಿದ್ದು, ನಟ ದರ್ಶನ್‌ ಟೀಸರ್‌ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭಕೋರಿದರು.

ಈ ಚಿತ್ರದಲ್ಲಿ ನೀನಾಸಂ ಸತೀಶ್‌ ಹಾಗೂ ‘ಲೂಸ್‌ಮಾದ’ ಯೋಗೇಶ್‌ ನಾಯಕರು. ಉಳಿದಂತೆ ಸುಮನ್‌ ರಂಗನಾಥ್‌, ದತ್ತಣ್ಣ, ಬುಲೆಟ್ ಪ್ರಕಾಶ್‌ ನಟಿಸುತ್ತಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ವಿಜಯ ಪ್ರಸಾದ್‌, ‘ನನ್ನ ಸಿನಿಮಾಗಳಲ್ಲಿ ಚೇಷ್ಟೇ ಜಾಸ್ತಿ ಇರುತ್ತದೆ. ಆ ಮೂಲಕ ಗಂಭೀರ ವಿಷಯವನ್ನು ಹೇಳುತ್ತೇನೆ. ‘ಪರಿಮಳ ಲಾಡ್ಜ್’ ಕೂಡಾ ಆ ತರಹದ ಕಥೆ ಹೊಂದಿರುವ ಸಿನಿಮಾ. ಸಾಮಾನ್ಯವಾಗಿ ಲಾಡ್ಜ್ ಅಂದರೆ ಅದೊಂದು ತರಹೇವಾರಿ ಚಟುವಟಿಕೆಯ ತಾಣ ಎಂಬುದು ನೆನಪಾಗುತ್ತೆ. ಜಗತ್ತಿನಲ್ಲಿರುವ ಪ್ರತಿಯೊಬ್ಬರದೂ ಒಂದೊಂದು ಕಥೆ ಇದ್ದೇ ಇರುತ್ತೆ.

ಹಾಗೆಯೇ ಪ್ರತಿ ರೂಮ್‌ನಲ್ಲೂ ಒಂದು ಬದುಕು, ನೋವು, ಗಾಢವಾದ ಕಥೆ ಇದ್ದೇ ಇರುತ್ತೆ. ಇಲ್ಲಿ ವಿಡಂಬನೆ ಇದೆ, ಮನರಂಜನೆಯೂ ಇದೆ. ಗಂಭೀರವಾಗಿ ಸಾಗುವ ಕಥೆಯೇ ಚಿತ್ರದ ಜೀವಾಳ’ ಎಂದು ವಿವರ ಕೊಡುತ್ತಾರೆ ನಿರ್ದೇಶಕ ವಿಜಯ್‌ ಪ್ರಸಾದ್‌. ವಿಜಯ್‌ ಪ್ರಸಾದ್‌ ಈಗಾಗಲೇ ಲೂಸ್‌ಮಾದ ಜೊತೆ ‘ಸಿದ್ಲಿಂಗು’ ಚಿತ್ರ ಮಾಡಿದ್ದರು. ಇದು ಎರಡನೇ ಕಾಂಬಿನೇಷನ್‌. ನೀನಾಸಂ ಸತೀಶ್‌ ಹಾಗೂ ಯೋಗೇಶ್‌ ಕೂಡಾ ‘ಪರಿಮಳ ಲಾಡ್ಜ್’ ಬಗ್ಗೆ ಮಾತನಾಡಿದರು.

ಈ ಚಿತ್ರವನ್ನು ಪ್ರಸನ್ನ ನಿರ್ಮಿಸುತ್ತಿದ್ದಾರೆ. ಚಿತ್ರಕ್ಕೆ ಅನೂಪ್‌ ಸೀಳೀನ್‌ ಸಂಗೀತ. ನಿರಂಜನ್‌ ಬಾಬು ಛಾಯಾಗ್ರಹಣವಿದೆ. ಸುರೇಶ್‌ ಅರಸ್‌ ಸಂಕಲನವಿದೆ. ಕಥೆ, ಚಿತ್ರಕಥೆ, ಸಂಭಾಷಣೆ ಮತ್ತು ಸಾಹಿತ್ಯದ ಜೊತೆಗೆ ನಿರ್ದೇಶನವನ್ನೂ ಮಾಡುತ್ತಿರುವ ವಿಜಯ್‌ಪ್ರಸಾದ್‌. ಟೀಸರ್‌ ನೋಡಿದ ಒಂದಷ್ಟು ಮಂದಿ ಮುಜುಗರಪಟ್ಟರೆ, ಪಡ್ಡೆಗಳು ಮಾತ್ರ ಸಿನಿಮಾದ ಬಗ್ಗೆ ಕುತೂಹಲದಿಂದಿದ್ದಾರೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಯಶಸ್ವಿಯಾಗಿ ನೂರು ಚಿತ್ರಗಳಲ್ಲಿ ಅಭಿನಯಿಸಿ, ಶತಕದ ಸಂಭ್ರಮದಲ್ಲಿರುವ ನಟ ರಮೇಶ್‌ ಅರವಿಂದ್‌, ಈ ವಾರ 101ನೇ ಚಿತ್ರದ ಮೂಲಕ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ....

  • ನಾನು ಎಲ್ಲಾ ಬಿಟ್ಟು, ಈ ರಂಗಕ್ಕೆ ಬಂದಿದ್ದೇ ಏನೋ ಮಾಡಬೇಕು ಅಂತ. ಚಾಲೆಂಜ್‌ ತೆಗೆದುಕೊಳ್ಳದಿದ್ದರೆ ಹೇಗೆ? ಕಂಫ‌ರ್ಟ್‌ ಜೋನ್‌ ಬಿಟ್ಟು ಬೇರೆ ಮಾಡಬೇಕು ಅಂದಾಗ,...

  • ಈಗಂತೂ ಮೊಬೈಲ್‌ನದ್ದೇ ಸುದ್ದಿ. ಯಾರ ಕೈ ನೋಡಿದರೂ ಮೊಬೈಲ್‌ ಇದ್ದೇ ಇರುತ್ತೆ. ಅದರಲ್ಲೂ ವಾಟ್ಸಾಪ್‌, ಫೇಸ್‌ಬುಕ್‌, ಇನ್ಸ್‌ಟಾಗ್ರಾಂ, ಟ್ವಿಟ್ಟರ್‌...ಹೀಗೆ ಒಂದಾ...

  • ಪ್ರೇಮ್‌ ನಿರ್ದೇಶನದ "ಏಕಲವ್ಯ' ಚಿತ್ರದ ಟೀಸರ್‌ ಬಿಡುಗಡೆಯಾಗಿದೆ. ದೊಡ್ಡ ಗ್ಯಾಪ್‌ನ ಬಳಿಕ ಲವ್‌ಸ್ಟೋರಿ ಮಾಡುತ್ತಿರುವ ಪ್ರೇಮ್‌, ಈ ಬಾರಿ ಸಖತ್‌ ಬೋಲ್ಡ್‌ ಕಥೆಯನ್ನೇ...

  • ಹಿರಿಯ ಸಾಹಿತಿ ಡಾ.ಬಿ.ಎಲ್‌.ವೇಣು ಅವರ ಐತಿಹಾಸಿಕ ಕಾದಂಬರಿ "ದಳವಾಯಿ ಮುದ್ದಣ' ಈಗ ದೃಶ್ಯರೂಪ ಪಡೆದುಕೊಂಡಿದೆ. "ದಳವಾಯಿ ಮುದ್ದಣ್ಣ' ಕಾದಂಬರಿ ಈಗ ಚಲನಚಿತ್ರಕ್ಕೆ...

ಹೊಸ ಸೇರ್ಪಡೆ