10 ವರ್ಷದಿಂದ ಸೆಕ್ಸ್‌ ನಡೆಸದ ಪತಿಯ ಗುಪ್ತಾಂಗವನ್ನೇ ಕತ್ತರಿಸಿದಳು!

Team Udayavani, Mar 12, 2017, 6:31 AM IST

ಗಾಜಿಯಾಬಾದ್‌: 10 ವರ್ಷಗಳಿಂದ ಮೈ ಮುಟ್ಟದೇ ಇದ್ದ ಕಾರಣಕ್ಕೆ ಕುಪಿತಳಾದ ಪತ್ನಿಯೊಬ್ಬಳು ಪತಿಯ ಗುಪ್ತಾಂಗವನ್ನೇ ಕತ್ತರಿಸಿದ ವಿಲಕ್ಷಣ ಘಟನೆ ಉತ್ತರಪ್ರದೇಶದ ಗಾಜಿಯಾಬಾದ್‌ನ ಖೋರಾ ಕಾಲೋನಿಯಲ್ಲಿ  ಶನಿವಾರ ಬೆಳಗ್ಗೆ ನಡೆದಿದೆ.  ಒಂದೆಡೆ ವಿಧಾನಸಭಾ ಚುನಾವಣೆಯ ಫ‌ಲಿತಾಂಶದ ಕುರಿತಾಗಿ ಉತ್ತರಪ್ರದೇಶ ಸುದ್ದಿಯಲ್ಲಿದ್ದರೆ ಇದೀಗ ಈ ಸುದ್ದಿ ವೈರಲ್‌ ಆಗಿದೆ. 

ರಿಟಾ ಯಾದವ್‌ ಎನ್ನುವ 28 ವರ್ಷದ ಮಹಿಳೆ  ವೇದ್‌ಪ್ರಕಾಶ್‌ (31) ಎಂಬಾತನನ್ನು 11 ವರ್ಷಗಳ ಹಿಂದೆವರಿಸಿದ್ದಳು. ವಿವಾಹವಾದ 1 ವರ್ಷ ದಾಂಪತ್ಯ ನಡೆಸಿದ್ದನಾದರೂ ಆ ಬಳಿಕ ಲೈಂಗಿಕ ಆಸಕ್ತಿ ಕಳೆದುಕೊಂಡಿದ್ದ ವೇದ್‌ಪ್ರಕಾಶ್‌ 10 ವರ್ಷಗಳಿಂದ ಪತ್ನಿಯ ಮೈಯನ್ನೇ ಮುಟ್ಟಿಲ್ಲವಂತೆ. 

ವಿವಾಹವಾಗಿ 11 ವರ್ಷಗಳು ಕಳೆದರು ಮಗುವೊಂದನ್ನು ಹಡೆಯಲು ವಿಫ‌ಲವಾದ ಹತಾಶೆ ಒಂದೆಡೆಯಾದರೆ ಇನ್ನೊಂದೆಡೆ ಪತಿಗೆ ಪರಸ್ತ್ರೀಯ ಸಂಗವಿದೆ ಎಂದು ಅನುಮಾನಗೊಂಡು ಗುಪ್ತಾಂಗವನ್ನೇ ಕತ್ತರಿಸಿದ್ದಾಳೆ. 

ಸುದ್ದಿಗಾರರ ಮುಂದೆಯೇ ವಿಷಯವನ್ನು ತೋಡಿಕೊಂಡಿರುವ ರೀಟಾ ನಾನು ಎಷ್ಟು ಕೇಳಿಕೊಂಡರು ನನ್ನೊಡನೆ ದಾಂಪತ್ಯ ನಡೆಸುತ್ತಿರಲಿಲ್ಲ. ಕಳೆದ 10 ವರ್ಷಗಳಿಂದಲೂ ನಿರಂತರ ಜಗಳ ಮಾಡಿಕೊಳ್ಳುತ್ತಿದ್ದೆವು. ನಿನ್ನ ಮುಖ ನೋಡಿದರೆ ನನಗೆ ಅಸಹ್ಯವಾಗುತ್ತದೆ, ನಾನು ಬೇರೊಬ್ಬಳನ್ನು ನೋಡಿಕೊಳ್ಳುತ್ತೇನೆ ಎಂದಿದ್ದ ಎಂದಿದ್ದಾಳೆ. 

ನೈಟ್‌ ಶಿಫ್ಟ್ ಟ್ಯಾಕ್ಸಿ ಡ್ರೈವರ್‌ ಆಗಿರುವ ವೇದ್‌ ಪ್ರಕಾಶ್‌ ಶನಿವಾರ ಬೆಳಗ್ಗೆ ಮನೆಗೆ ಬರುತ್ತಿದ್ದಂತೆ ಸ್ನಾನಕ್ಕೆ ತೆರಳಿದ್ದು ಈ ವೇಳೆ ಪತ್ನಿ ರೀಟಾ ಗ್ರೇಂಡರ್‌ನ ಕಲ್ಲಿನಿಂದ ತಲೆಗೆ ಹೊಡೆದಿದ್ದಾಳೆ. ಪ್ರಜ್ಞೆ ತಪ್ಪಿ ಬಿದ್ದ ಕೂಡಲೇ ಆತನ ಗುಪ್ತಾಂಗವನ್ನು ಬುಡ ಸಮೇತ ಕತ್ತರಿಸಿ ಹಾಕಿದ್ದಾಳೆ. 

ಚಿಂತಾಜನಕ ಸ್ಥಿತಿಯಲ್ಲಿದ್ದ ವೇದ್‌ಪ್ರಕಾಶ್‌ ನನ್ನು ಸ್ನೇಹಿತನೊಬ್ಬ ಆಸ್ಪತ್ರೆಗೆ ದಾಖಲಿಸಿದ್ದು, ವೈದ್ಯರ ತಂಡ ಆತನನ್ನು ಬದುಕಿಸಲು 5 ಗಂಟೆಗಳ ಕಾಲ ಶ್ರಮವಹಿಸಿದರು. 

ಇದೀಗ ಮರಳಿ ಗುಪ್ತಾಂಗವನ್ನು ಕಸಿಮಾಡಲಾಗಿದ್ದು ಮರಳಿ ಲೈಂಗಿಕ ಶಕ್ತಿ ಪಡೆದುಕೊಳ್ಳುವ ಸಾಧ್ಯತೆಗಳ ಬಗ್ಗೆ ಅನುಮಾನ ವ್ಯಕ್ತಪಡಿಸಲಾಗಿದೆ. 

ರೀಟಾಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದು ಸೆಕ್ಷನ್‌ 326 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.