ಬಾಂಗ್ಲಾಕ್ಕೆ ಫೀಲ್ಡಿಂಗ್ ಪಾಠ ಮಾಡಿದ ಧೋನಿ!
Team Udayavani, May 30, 2019, 6:00 AM IST
ಕಾರ್ಡಿಫ್: ಬಾಂಗ್ಲಾ ಎದುರಿನ ವಿಶ್ವಕಪ್ ಕ್ರಿಕೆಟ್ ಅಭ್ಯಾಸ ಪಂದ್ಯದಲ್ಲಿ ಮಹೇಂದ್ರ ಸಿಂಗ್ ಧೋನಿ ಬಾಂಗ್ಲಾದೇಶ ಕ್ರಿಕೆಟ್ ತಂಡದ ಫೀಲ್ಡಿಂಗ್ ಸರಿ ಪಡಿಸಿದ ಸ್ವಾರಸ್ಯಕರ ಘಟನೆಯೊಂದು ನಡೆದಿದೆ.
39ನೇ ಓವರ್ನಲ್ಲಿ ಶಬ್ಬೀರ್ ರೆಹಮಾನ್ ಇನ್ನೇನು ಧೋನಿಗೆ ಚೆಂಡು ಎಸೆಯಬೇಕು ಎನ್ನುವಷ್ಟರಲ್ಲಿ ಅದನ್ನು ಸ್ವತಃ ಧೋನಿ ತಡೆದರು. ಬ್ಯಾಟ್ನಲ್ಲೇ ಅತ್ತ ತಿರುಗಿ ನೋಡು ಎಂದು ಶಬ್ಬೀರ್ಗೆ ಸನ್ನೆ ಮಾಡಿದ್ದರು. ಸ್ಕ್ವೇರ್ಲೆಗ್ನಲ್ಲಿ ಬಾಂಗ್ಲಾ ಫೀಲ್ಡರ್ ಒಬ್ಬ ಗೆರೆಯಿಂದ ಹೊರಗಿದ್ದರು. ಅವರನ್ನು ಒಳಗಡೆ ಕರೆಸುವಂತೆ ಧೋನಿ ಸಲಹೆ ನೀಡಿದರು. ಕೂಡಲೇ ಎಚ್ಚೆತ್ತುಕೊಂಡ ಬಾಂಗ್ಲಾ ನಾಯಕ ಮಶ್ರಫೆ ಮೊರ್ತಜ ಎಡವಟ್ಟನ್ನು ತಿದ್ದಿಕೊಂಡು ಸರಿಪಡಿಸಿದರು.