ಧೋನಿ ಜೆರ್ಸಿಯ ಪ್ರದರ್ಶನ !
Team Udayavani, Jun 15, 2019, 5:14 AM IST
ಟ್ರೆಂಟ್ಬ್ರಿಡ್ಜ್: ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವಣ ಪಂದ್ಯ ಮಳೆಯಿಂದಾಗಿ ರದ್ದುಗೊಂಡ ಕಾರಣ ಅಭಿಮಾನಿಗಳಿಗೆ ನಿರಾಶೆಯಾಗಿರಬಹುದು. ಆದರೆ ಮೈದಾನ ತೊರೆಯುವ ಮೊದಲು ಅಭಿಮಾನಿಗಳು ಸಂಭ್ರಮಿಸಿದ ಘಟನೆ ಅಲ್ಲಿ ನಡೆದಿದೆ.
ಭಾರತೀಯ ಡ್ರೆಸ್ಸಿಂಗ್ ಕೊಠಡಿಯ ಕೆಳಗೆ ಕಾಯುತ್ತಿದ್ದ ಅಭಿಮಾನಿಗಳು “ಧೋನಿ, ಧೋನಿ’ ಎಂದು ಜೋರಾಗಿ ಕೂಗುತ್ತಿದ್ದರು. ಈ ವೇಳೆಯೇ ತಂಡದ ಮುಖ್ಯ ಕೋಚ್ ರವಿಶಾಸ್ತ್ರಿ ಅವರು ಡ್ರೆಸ್ಸಿಂಗ್ ಕೊಠಡಿಯ ಬಾಲ್ಕನಿಗೆ ಬಂದು ಎಂ. ಎಸ್. ಧೋನಿ ಅವರ ನಂ.7 ಜೆರ್ಸಿಯನ್ನು ಅಭಿಮಾನಿಗಳತ್ತ ತೋರಿಸಿ ಖುಷಿಪಟ್ಟರು. ರವಿಶಾಸ್ತ್ರಿ ಕೇವಲ ಜೆರ್ಸಿಯನ್ನು ತೋರಿಸಿದರು. ಅವರು ಕಡಿಮೆಪಕ್ಷ ಕೆಳಗಿಳಿದು ಅಭಿಮಾನಿಗಳಿಗೆ ಆಟೋಗ್ರಾಫ್ಗೆ ಸಹಿ ಹಾಕಬಹುದಿತ್ತು ಎಂದು ಅಭಿಮಾನಿಯೊಬ್ಬರು ಹೇಳಿದ್ದಾರೆ.