ಕೆಲ ವರ್ಷಗಳ ನಿರೀಕ್ಷೆಗೆ ಫಲ : ಹುಬ್ಬಳ್ಳಿಯಲ್ಲಿ ಇನ್ಫೋಸಿಸ್ ಕಾರ್ಯಾರಂಭ

Team Udayavani, Aug 1, 2022, 4:04 PM IST

ಹುಬ್ಬಳ್ಳಿ: ಇನ್ಫೋಸಿಸ್ ಹುಬ್ಬಳ್ಳಿಯಲ್ಲಿ ಸೋಮವಾರದಿಂದ ಕಾರ್ಯಾರಂಭ ಮಾಡಿದಿದ್ದು, ಕೆಲ ವರ್ಷಗಳ ನಿರೀಕ್ಷೆಗೆ ಫಲದೊರೆತಂತಾಗಿದೆ.

ಕಳೆದೊಂದು ತಿಂಗಳಿನಿಂದ ಆನ್ ಲೈನ್ ಅಭಿಯಾನ ಆರಂಭವಾಗಿತ್ತಲ್ಲದೆ, ಸ್ಟಾರ್ಟ್ ಇನ್ಫೋಸಿಸ್ ಹುಬ್ಬಳ್ಳಿ ವೃತ್ತಿಪರರ ತಂಡದಿಂದ ಅಭಿಯಾನ, ಒತ್ತಡ ಶುರುವಾಗಿತ್ತು.ಸೋಮವಾರದಿಂದ ಇನ್ಫೋಸಿಸ್ ಕಾರ್ಯಾರಂಭ ಮಾಡಿತು.ಮೊದಲ ದಿನ ಬೆಳಿಗ್ಗೆ ಸುಮಾರು 45 ಕ್ಕೂ ಹೆಚ್ಚು ಉದ್ಯೋಗಿಗಳು ಕೆಲಸಕ್ಕೆ ಹಾಜರಾದರೆಂದು ಮೂಲಗಳು ತಿಳಿಸಿವೆ.

ಇನ್ಫೋಸಿಸ್ ಹುಬ್ಬಳ್ಳಿ ಯಲ್ಲಿ 2018 ರಲ್ಲಿಯೇ ಕಟ್ಟಡ ನಿರ್ಮಾಣ ಮಾಡಿದ್ದರೂ, ಕಾರ್ಯಾರಂಭ ಮಾಡಿರಲಿಲ್ಲ.

ಸ್ಟಾರ್ಟ್ ಇನ್ಫೋಸಿಸ್ ಹುಬ್ಬಳ್ಳಿ ವೃತ್ತಿಪರ ತಂಡದವರು, ಐಬಿಎಂಆರ್ ಕಾಲೇಜು ವಿದ್ಯಾರ್ಥಿಗಳು ಇನ್ನಿತರರು ಕಚೇರಿ ಮುಂದೆ ಸೇರಿ ಇನ್ಫೋಸಿಸ್ ಕಾರ್ಯಾರಂಭನ್ನು ಸ್ವಾಗತಿಸಿದರಲ್ಲದೆ, ಸಿಹಿ ಹಂಚಿ ಸಂಭ್ರಮಿಸಿದರು.