15ನೇ ಮಹಡಿಯಿಂದ ಮಗು ತಳ್ಳದಿರಲು “ಸಾವಿರ ಲೈಕ್’ ಕೇಳಿದ!
Team Udayavani, Jun 23, 2017, 6:11 AM IST
ಕೇವಲ ಎರಡು ವರ್ಷದ ಮಗುವೊಂದನ್ನು ಅಪಾಯದ ಸ್ಥಿತಿಯಲ್ಲಿರಿಸಿ, ಫೇಸ್ಬುಕ್ನಲ್ಲಿ ತನ್ನ ಹುಚ್ಚಾಟ ಪ್ರದರ್ಶಿಸಿದ ವ್ಯಕ್ತಿ ಎರಡು ವರ್ಷಗಳ ಜೈಲು ಶಿಕ್ಷೆಗೆ ಗುರಿಯಾಗಿದ್ದಾನೆ. ಮಗುವನ್ನು ಕಟ್ಟಡದ 15ನೇ ಮಹಡಿಗೆ ಕೊಂಡೊಯ್ದ ವ್ಯಕ್ತಿ, ಅದರ ಟೀಶರ್ಟ್ನ ಕಾಲರ್ ಹಿಡಿದು, ಕೆಳಗೆ ಎಸೆಯುವ ಸ್ಥಿತಿಯಲ್ಲಿ ಫೋಟೋ ತೆಗೆದಿದ್ದಾನೆ. ನಂತರ ಆ ಫೋಟೋವನ್ನು ಫೇಸ್ಬುಕ್ಗೆ ಹಾಕಿ, “ಸಾವಿರ ಲೈಕ್ಗಳು ಬಾರದಿದ್ದರೆ ಮಗುವನ್ನು ಇಲ್ಲಿಂದ ಬಿಟ್ಟುಬಿಡುತ್ತೇನೆ,’ ಎಂದು ಬೆದರಿಕೆ ಸಂದೇಶ ಹಾಕಿದ್ದಾನೆ. ತಕ್ಷಣ ಎಚ್ಚೆತ್ತ ಫೇಸ್ ಬುಕ್ ಬಳಕೆದಾರರು, ಈ ಬಗ್ಗೆ ಲಂಡನ್ ಪೊಲೀಸರಿಗೆ ದೂರು ನೀಡಿದ್ದಾರೆ. ವ್ಯಕ್ತಿಯ ಸ್ಥಳ ಪತ್ತೆ ಹಚ್ಚಿದ ಪೊಲೀಸರು ಆತನನ್ನು ಬಂಧಿಸಿದ್ದು, ನ್ಯಾಯಾಲಯ ಆತನಿಗೆ 2 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.