ಬೀಜಿಂಗ್ನಲ್ಲಿ ನಡೆಯುವ ಬ್ರಿಕ್ಸ್ ಎನ್ಎಸ್ಎ ಸಭೆಗೆ ಅಜಿತ್ ದೋವಾಲ್
Team Udayavani, Jul 14, 2017, 3:34 PM IST
ಹೊಸದಿಲ್ಲಿ : ಭಾರತ ಮತ್ತು ಚೀನ ನಡುವೆ ಸಿಕ್ಕಿಂ ಗಡಿ ವಿವಾದದ ಬಿಕ್ಕಟ್ಟಿನ ಪರಿಣಾಮವಾಗಿ ಸುದೀರ್ಘ ಸೇನಾ ಮುಖಾಮುಖೀ ಸಾಗಿರುವ ನಡುವೆಯೇ, ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ದೋವಾಲ್ ಅವರು ಇದೇ ಜುಲೈ 26ರಂದು ಚೀನದ ಬೀಜಿಂಗ್ನಲ್ಲಿ ನಡೆಯಲಿರುವ ಬ್ರಿಕ್ಸ್ (ಬ್ರಝಿಲ್, ರಶ್ಯ, ಭಾರತ, ಚೀನ ಮತ್ತು ದಕ್ಷಿಣ ಆಫ್ರಿಕ) ದೇಶಗಳ ರಾಷ್ಟ್ರೀಯ ಭದ್ರತಾ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.
ದೋವಾಲ್ ಅವರು ಭಾರತ-ಚೀನ ಗಡಿ ಮಾತುಕತೆಗಾಗಿರುವ ನಿಯುಕ್ತರಾಗಿ ವಿಶೇಷ ಪ್ರತಿನಿಧಿಯೂ ಆಗಿರುವುದರಿಂದ ಬ್ರಿಕ್ಸ್ ಸಭೆಯಲ್ಲಿ ಸಿಕ್ಕಿಂ ಗಡಿಯಲ್ಲಿನ ಡೋಕ್ಲಾಂ ಬಿಕ್ಕಟ್ಟು ಕುರಿತ ಮಾತುಕತೆಯೂ ನಡೆಯುವ ನಿರೀಕ್ಷೆ ಇದೆ.
ಸಿಕ್ಕಿಂ ಗಡಿಯಲ್ಲಿ, ಭೂತಾನ್-ಭಾರತ-ಚೀನ ಟ್ರೈ ಜಂಕ್ಷನ್ ಪ್ರದೇಶದಲ್ಲಿರುವ ಡೋಕಲಾಂ ನಲ್ಲಿ ಚೀನ ಕೈಗೊಂಡ ವಿವಾದಾತ್ಮಕ ರಸ್ತೆ ನಿರ್ಮಾಣ ಕಾರ್ಯವನ್ನು ಕಳೆದ ಮಾರ್ಚ್ 16ರದು ಭಾರತದ ಸೇನೆ ನಿಲ್ಲಿಸಿತ್ತು. ಪರಿಣಾಮವಾಗಿ ಉಭಯ ದೇಶಗಳ ನಡುವೆ ಸೇನಾ ಮುಖಾಮುಖೀ ಉಂಟಾಗಿ ಉದ್ವಿಗ್ನತೆ ತಲೆದೋರಿತ್ತು. ಆ ಪರಿಸ್ಥಿತಿ ಈಗಲೂ ಅಂತೆಯೇ ಮುಂದುವರಿದಿದೆ.
ಡೋಕ್ಲಾಂ ವಿಷಯದಲ್ಲಿ ನಾವು ಯಾವುದೇ ರಾಜಿ ಮಾಡಿಕೊಳ್ಳುವುದಿಲ್ಲ; ಆದರೆ ಚೀನದೊಂದಿಗಿನ ಭಿನ್ನಮತವನ್ನು ನಿವಾರಿಸಲು ನಾವು ರಾಜತಾಂತ್ರಿಕ ಮಾರ್ಗಗಳನ್ನು ಬಳಸಿಕೊಳ್ಳುವೆವು ಎಂದು ಭಾರತ ನಿನ್ನೆ ಗುರುವಾರ ಸ್ಪಷ್ಟಪಡಿಸಿದೆ.
ಟಾಪ್ ನ್ಯೂಸ್
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.