ಕ್ರಿಸ್ಮಸ್ ಕಲರವ
Team Udayavani, Dec 21, 2019, 6:01 AM IST
ವಿ.ಆರ್. ಬೆಂಗಳೂರು ಶಾಪಿಂಗ್ ಸೆಂಟರ್ನಲ್ಲಿ ಕ್ರಿಸ್ಮಸ್ ಪ್ರಯುಕ್ತ, ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. ಡಿ. 22ರಿಂದ 29ರವರೆಗೆ, ಎಂಟು ದಿನಗಳ ಕಾಲ ಈ ಸಡಗರ ನಡೆಯಲಿದೆ. ಇಡೀ ಮಾಲ್ ಅನ್ನು ಕ್ರಿಸ್ಮಸ್ ಪರಿಕಲ್ಪನೆಯಲ್ಲಿ ಅಲಂಕಾರ ಮಾಡಲಾಗಿದ್ದು, ಕ್ರಿಸ್ಮಸ್ ಟ್ರೀ, ಜಾರುಬಂಡಿ ಮತ್ತು ಹಿಮಸಾರಂಗ, ಸಾಂತ ಕ್ಲಾಸ್ ಗೊಂಬೆಗಳು ಕೂಡಾ ಇರಲಿವೆ.
ಕ್ರಿಸ್ಮಸ್ ಟ್ರೀ ಅಲಂಕಾರ ಕಾರ್ಯಾಗಾರ, ಕುಕೀಸ್ ತಯಾರಿಕೆ, ಪಿಯಾನೋ ವಾದನ, ಕರೋಲ್ ಗಾಯಕರ ಗಾಯನ, ಸಾಂತಾ ಜೊತೆಗೆ ಮಾತುಕತೆ, ಓಪನ್ ಏರ್ ಮೂವಿ ಸ್ಕ್ರೀನಿಂಗ್, ನಿಧಿ ಹುಡುಕಾಟ (ಟ್ರೆಷರ್ ಹಂಟ್) ಮುಂತಾದ ಚಟುವಟಿಕೆಗಳಲ್ಲಿ ಎಲ್ಲ ವಯೋಮಾನದವರೂ ಮುಕ್ತವಾಗಿ ಭಾಗವಹಿಸಬಹುದು. ಗ್ರ್ಯಾಂಟ್ ಎ ವಿಶ್ ಎಂಬ ಹೆಸರಿನಲ್ಲಿ, ಸ್ಥಳೀಯ ಅನಾಥಾಲಯದ ಮಕ್ಕಳಿಗೂ ಕ್ರಿಸ್ಮಸ್ ಸಡಗರ ಅನುಭವಿಸಲು ಅವಕಾಶ ಮಾಡಲಾಗುವುದು.
ಎಲ್ಲಿ?: ವಿ.ಆರ್. ಬೆಂಗಳೂರು, ವೈಟ್ಫೀಲ್ಡ್
ಯಾವಾಗ?: ಡಿ. 22-29