ಕೆನಡಾದಿಂದ ಹಾರಿಬಂದ ಕೋಟಿ ತೂಗುವ ಉಮಿಲ್!
Team Udayavani, Jun 7, 2018, 3:34 PM IST
ಭವಾನಿ ಫಿಲ್ಮ್ ಬ್ಯಾನರಿನಡಿಯಲ್ಲಿ ತಯಾರಾದ ತುಳು ಚಿತ್ರರಂಗದ ಮೊದಲ ಗ್ರಾಫಿಕ್ಸ್ ಸಿನೆಮಾ ಎಂಬ ಹೆಗ್ಗಳಿಕೆಯ ‘ಉಮಿಲ್ ಹೆಚ್ಚಾ ಕಡಿಮೆ ಆಗಸ್ಟ್ ತಿಂಗಳಲ್ಲಿ ರಿಲೀಸ್ ಆಗಲಿದೆ.
ಚಿತ್ರದ ಆ್ಯನಿಮೇಷನ್ ಕೆಲಸ ಕೆನಡಾದಲ್ಲಿ ಪೂರ್ಣಗೊಳಿಸಲಾಗಿದ್ದು, ಉಮಿಲ್ ಈಗ ಮಂಗಳೂರಿಗೆ ಬಂದಿದೆ. ಇಲ್ಲಿ ಅಂತಿಮ ಹಂತದ ಕಾಂಪೋಸಿಟಿಂಗ್ ಕೆಲಸ ಪ್ರಗತಿಯಲ್ಲಿದೆ. ಗ್ರಾಫಿಕ್ಸ್ ಮೂಲಕವೇ ಆಕರ್ಷಕವಾಗಿ ಮೂಡಿಬಂದ ಈ ಸಿನೆಮಾ ಬಾಲಿವುಡ್ ಮಾದರಿಯ ಲುಕ್ ಪಡೆದಿದೆ. ಹೀಗಾಗಿ ಉಮಿಲ್ ಬರೋಬ್ಬರಿ ಒಂದು ಕೋ.ರೂ.ಗಳಿಗೂ ಅಧಿಕ ಖರ್ಚು ಎದುರಿಸಿದೆ. ಕರುಣಾಕರ ಶೆಟ್ಟಿ, ಪ್ರಜ್ಞೆಶ್ ಶೆಟ್ಟಿ, ಪ್ರಜ್ವಲ್ ಶೆಟ್ಟಿ ನಿರ್ಮಾಣದ ಈ ಸಿನೆಮಾವನ್ನು ರಂಜಿತ್ ಸುವರ್ಣ ನಿರ್ದೇಶಿಸಿದ್ದಾರೆ. ಪವನ್ ಕರ್ಕೇರ ಛಾಯಾಗ್ರಹಣ, ರವಿ ಬಸ್ರೂರು ಸಂಗೀತ, ಹರೀಶ್ ಕೊಟ್ಪಾಡಿ ಸಂಕಲನ ನಡೆಸಿದ್ದಾರೆ.
ಉಮೇಶ್ ಮಿಜಾರ್ ಮೊದಲ ಬಾರಿಗೆ ನಾಯಕರಾಗಿದ್ದು, ಪೂಜಾ ಶೆಟ್ಟಿ ನಾಯಕಿ. ಉಳಿದಂತೆ ನವೀನ್ ಡಿ.ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ಸತೀಶ್ ಬಂದಳೆ, ಸೀತಾರಾಮ ಕಟೀಲು, ದೀಪಕ್ ರೈ ಪಾಣಾಜೆ, ಚೇತನ್ ರೈ, ಪ್ರಕಾಶ್ ತೂಮಿನಾಡ್, ರಂಜನ್ ಬೋಳೂರು ಸೇರಿದಂತೆ ಹಲವು ಕಲಾವಿದರು ಚಿತ್ರದಲ್ಲಿದ್ದಾರೆ.