Uppinangady ಟ್ರಾಫಿಕ್‌ ಜಾಮ್‌ : 2 ಗಂಟೆಗಳ ಕಾಲ ಸಂಚಾರ ಅಸ್ತವ್ಯಸ್ತ

Team Udayavani, May 24, 2024, 12:32 AM IST

ಉಪ್ಪಿನಂಗಡಿ: ಉಪ್ಪಿನಂಗಡಿ ಪಟ್ಟಣದಲ್ಲಿ ಗುರುವಾರ ಮರುಕಳಿಸಿದ ಸಂಚಾರ ದಟ್ಟಣೆ ಯಿಂದಾಗಿ 2 ಗಂಟೆಗಳ ಕಾಲ ಸಂಚಾರ ಅಸ್ತವ್ಯಸ್ತವಾಯಿತು. ಗುರುವಾರ ರಾ. ಹೆದ್ದಾರಿ 75ರಿಂದ ಹಿಡಿದು ಪುತ್ತೂರು, ಮಂಗಳೂರು, ಬೆಳ್ತಂಗಡಿ ಕಡೆಗಳಿಗೆ ಹಾಗೂ ಪೊಲೀಸ್‌ ಠಾಣೆ ಮುಂದೆ ವಾಹನಗಳ ದಟ್ಟಣೆೆಯಿಂದ ರಸ್ತೆಯ ಉದ್ದಕ್ಕೂ ವಾಹನಗಳು ದಾರಿ ತೋಚದೆ ಕಾಯುವಂತಾಯಿತು.

ಪುತ್ತೂರು ಸಂಚಾರ ಪೊಲೀಸರು ಒಂದು ಗಂಟೆ ಬಳಿಕ ಆಗಮಿಸಿದರೂ ಸಂಚಾರವನ್ನು ಯಥಾಸ್ಥಿತಿಗೆ ತರಲು ಹರಸಾಹಸ ಪಡಬೇಕಾಯಿತು. ವಾರದ ಸಂತೆ ದಿನವಾಗಿದ್ದರೂ ಸಂಚಾರ ಪೊಲೀಸರು ಸ್ಥಳದಲ್ಲಿ ಇಲ್ಲದಿದ್ದುದೇ ಸಮಸ್ಯೆ ಬಿಗಡಾಯಿಸಲು ಕಾರಣವಾಯಿತು.

ಹಲವು ಉದ್ಯಮಿಗಳಿಂದ ಟ್ರಾಫಿಕ್‌ ಜಾಮ್‌ ಕುರಿತು ವ್ಯಾಪಕ ದೂರುಗಳು ಕೇಳಿ ಬಂದ ಹಿನ್ನೆಲೆಯಲ್ಲಿ ಪುತ್ತೂರು ಸಹಾಯಕ ಪೊಲೀಸ್‌ ಅಧೀಕ್ಷಕರಿಗೆ ಮಾಹಿತಿ ನೀಡಿದರೂ ಸಕಾಲದಲ್ಲಿ ಪೊಲೀಸರು ಬರಲಿಲ್ಲ ಎನ್ನಲಾಗಿದೆ.