ಸೋಮೇಶ್ವರ ಜಾತ್ರೆ ರದ್ದು

Team Udayavani, Apr 18, 2020, 4:40 PM IST

ಲಕ್ಷ್ಮೇಶ್ವರ: ಕೋವಿಡ್ 19 ಭೀತಿಯಿಂದ ಲಾಕ್‌ಡೌನ್‌ ಘೋಷಣೆಯಾದ ಹಿನ್ನೆಲೆಯಲ್ಲಿ ಪ್ರತಿವರ್ಷ ವೈಶಾಖ ಶುದ್ಧ ದಶಮಿ ತಿಥಿಯಂದು ಜರುಗುತ್ತಿದ್ದ ಸೋಮೇಶ್ವರ ದೇವಸ್ಥಾನದ ಜಾತ್ರಾ ಮಹೋತ್ಸವ ರದ್ದುಪಡಿಸಲಾಗಿದೆ ಎಂದು ದೇವಸ್ಥಾನ ಕಮಿಟಿ ಅಧ್ಯಕ್ಷ ವಿ.ಎಲ್‌. ಪೂಜಾರ ಮತ್ತು ಸೋಮೇಶ್ವರ ದೇವಸ್ಥಾನ ಜಾತ್ರಾ ಕಮಿಟಿ ಅಧ್ಯಕ್ಷ ಕುಬೇರಪ್ಪ ಮಹಾಂತಶೆಟ್ಟರ ತಿಳಿಸಿದರು.

ಜಂಟಿ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು, ಸೋಮೇಶ್ವರ ಜಾತ್ರೆಯು ಈ ವರ್ಷದ ಮೇ 2 ರಿಂದ 5ರವರೆಗೆ ನಡೆಯುತ್ತಿತ್ತು. ಮೊದಲ ಮುತ್ತೈದೆಯರಿಗೆ ಉಡಿ ತುಂಬುವ ಕಾರ್ಯಕ್ರಮ. ರಥದ ಪೂಜೆ, ಮೇ 3 ರಂದು ರಥೋತ್ಸವ, ಮೇ 4 ರಂದು ಕಡುಬಿನ ಕಾಳಗ ಮತ್ತು ಮೇ 5 ರಂದು ಓಕುಳಿ ಇತ್ಯಾದಿ ಕಾರ್ಯಕ್ರಮಗಳೆಲ್ಲವನ್ನೂ ರದ್ದು ಮಾಡಲು ನಿರ್ಧರಿಸಲಾಗಿದೆ ಎಂದು ಹೇಳಿದರು.

ಹಿರಿಯ ಮುಖಂಡರಾದ ಸೋಮಣ್ಣ ಮುಳಗುಂದ, ಚಂಬಣ್ಣ ಬಾಳಿಕಾಯಿ, ಸಿದ್ದನಗೌಡ ಬಳ್ಳೊಳ್ಳಿ, ಆನಂದ ಮೆಕ್ಕಿ, ಪಿ.ಎಸ್‌.ಪಾಟೀಲ ಕುಲಕರ್ಣಿ, ಸುರೇಶ ರಾಚನಾಯಕ್‌, ಶಿವಯೋಗಿ ಅಂಕಲಕೋಟಿ, ಚಂದ್ರು ಹಂಪಣ್ಣವರ, ಸೋಮಪ್ಪ ಮುಳಗುಂದ, ಬಸವರಾಜ ಮೆಣಸಿನಕಾಯಿ, ರುದ್ರಣ್ಣ ನರೆಗಲ್‌, ಶೇಖಣ್ಣ ಹುರಕಡ್ಲಿ ಸೇರಿ ಹಲವರಿದ್ದರು.