ಮುಂದಿನ ತಿಂಗಳು ಹುವೈ ಮಡಚುವ ಫೋನ್‌ ಮಾರುಕಟ್ಟೆಗೆ

ಮಡಿಚಿದರೆ ಮೊಬೈಲ್‌, ತೆರೆದರೆ ಟ್ಯಾಬ್‌

Team Udayavani, Sep 29, 2019, 6:47 PM IST

ಬೀಜಿಂಗ್‌: ದ.ಕೊರಿಯಾದ ಮೊಬೈಲ್‌ ತಯಾರಿಕೆ ಕಂಪೆನಿ ಸ್ಯಾಮ್ಸಂಗ್‌ ಮಡಚುವ ಫೋನ್‌ ಅಲ್ಲಿನ ಮಾರುಕಟ್ಟೆಗೆ  ಬಿಡುಗಡೆ ಮಾಡಿದ ಬೆನ್ನಲ್ಲೇ ಈಗ ಚೀನಾದ ಹುವೈ ಕಂಪೆನಿ ಮಡಚುವ ಫೋನ್‌ ಬಿಡುಗಡೆ ಮಾಡಲಿದೆ. ಮಾರುಕಟ್ಟೆಗೆ ಈ ಫೋನ್‌ ಅನ್ನು ಅಕ್ಟೋಬರ್‌ ವೇಳೆಗೆ ಬಿಡುಗಡೆ ಮಾಡುವುದಾಗಿ ಅದು ಹೇಳಿದೆ. ಈ ಬಗ್ಗೆ ಹುವೈ ಸಿಇಒ ರಿಚರ್ಡ್‌ ಯು ಅವರು ಕೂಡ ಖಚಿತಪಡಿಸಿದ್ದಾರೆ.

ಈಗಾಗಲೇ ಸ್ಯಾಮ್ಸಂಗ್‌ ಮಡಚುವ ಫೋನ್‌ ಬಿಡುಗಡೆ ಮಾಡಿದ್ದರೂ ಹಲವು ತಾಂತ್ರಿಕ ಸಮಸ್ಯೆಗಳು ಕಂಡುಬಂದಿದ್ದರಿಂದ ಅಂತರಾಷ್ಟ್ರೀಯ ಮಾರುಕಟ್ಟೆಗೆ ಬಿಡುಗಡೆಗೆ ವಿಳಂಬವಾಗಿದೆ ಎಂದು ಹೇಳಲಾಗಿದೆ. ಆದ್ದರಿಂದ ಸಹಜವಾಗಿ ಹುವೈ ಫೋನ್‌ ನ ಮೇಲೆ ಕುತೂಹಲ ಹೆಚ್ಚಿದೆ. ಅಲ್ಲದೇ 5ಜಿ ಸೇರ್ಪಡೆ ಕಾರಣ ಹುವೈ ಮೊಬೈಲ್‌ ಮಾರುಕಟ್ಟೆಗೆ ತಡವಾಗಿ ಆಗಮಿಸಿದೆ ಎನ್ನಲಾಗಿದೆ.

ಹುವೈ ಮಡಚುವ ಫೋನ್‌ ಹೇಗಿದೆ?
ಹುವೈ ಮಡಚುವ ಫೋನ್‌ 6.6 ಇಂಚಿನ ಎರಡು ಅಮೋಲ್ಡ್‌ ಡಿಸ್ ಪ್ಲೇ ಹೊಂದಿದ್ದು, ಇದನ್ನು ತೆರೆದಾಗ 8 ಇಂಚಿನಷ್ಟು ವಿಸ್ತಾರವಾಗುತ್ತದೆ. 11 ಎಂ.ಎಂ.ರಷ್ಟು ದಪ್ಪ ಹೊಂದಿದೆ. 5ಜಿ ಕೂಡ ಹೊಂದಿದೆ. ಆದರೆ ಇದರಲ್ಲಿ ಹೆಡ್‌ ಫೋನ್‌ ಜಾಕ್‌ ಇಲ್ಲ. 7ಎನ್‌.ಎಮ್‌. ಹೈಸಿಲಿಕಾನ್‌ ಕಿರಿನ್‌ 980 ಚಿಪ್‌ ಸೆಟ್‌ ಇರಲಿದೆ. 2 ಸಿಮ್‌ ಕಾರ್ಡ್‌ ಹಾಕಲು ಅವಕಾಶವಿದೆ. 4500 ಎಮ್‌.ಎ.ಎಚ್‌. ಬ್ಯಾಟರಿ ಹೊಂದಿದೆ. ಕೇವಲ 30 ನಿಮಿಷದಲ್ಲಿ ಶೇ.85ರಷ್ಟು ಚಾರ್ಜ್‌ ಆಗುತ್ತದೆ. 8 ಜಿಬಿ ರ್ಯಾಮ್ ಮತ್ತು 512 ಜಿಬಿ ರೋಮ್‌ ಹೊಂದಿದೆ. ಬೆಲೆ ತಿಳಿದುಬಂದಿಲ್ಲ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ