ಶಾಪಿಂಗ್‌ ಮತ್ತು ಟಾಕಿಂಗ್‌

Team Udayavani, Jan 12, 2019, 5:40 AM IST

ನಗರದಲ್ಲಿ ಕೈಮಗ್ಗ ವಸ್ತ್ರಮೇಳ ಮತ್ತು ಮಾರಾಟ ಮತ್ತು ಉಪನ್ಯಾಸ ಕಾರ್ಯಕ್ರಮ ನಡೆಯುತ್ತಿದೆ. ಗೋಕೂಪ್‌ ಸಂಸ್ಥೆ ಈ ಪ್ರದರ್ಶನವನ್ನು ಆಯೋಜಿಸಿದೆ. ಮೇಳದಲ್ಲಿ ಸೀರೆಗಳಿಂದ ಶಾಲುಗಳವರೆಗೆ, ಪುರುಷರ ಉಡುಪುಗಳಿಂದ ಗೃಹೋಪಯೋಗಿ ವಸ್ತುಗಳವರೆಗೆ ಉತ್ಪನ್ನಗಳು ಸಿಗಲಿವೆ. ಇಳಕಲ್‌ನ ಹೆಸರಾಂತ ನೇಕಾರರಿಂದ ತಯಾರಿಸಲಾದ ಸೀರೆಗಳು ಮೇಳದ ಮುಖ್ಯ ಆಕರ್ಷಣೆ. “ಶಾಪ್‌ ಫಾರ್‌ ಚೇಂಜ್‌’. ವಸ್ತ್ರಮೇಳದ ಜೊತೆಗೇ ಉಪನ್ಯಾಸ ಕಾರ್ಯಕ್ರಮವೂ ನಡೆಯಲಿದೆ. ಕೈಮಗ್ಗ ನೇಕಾರಿಕೆ ಕುರಿತ ಉಪನ್ಯಾಸ ಇದಾಗಿದ್ದು ಆಸಕ್ತರು ಭಾಗವಹಿಸಬಹುದಾಗಿದೆ.

ಮೇಳದಲ್ಲಿ ಸಾಂಪ್ರದಾಯಿಕ ನೇಯ್ಗೆಯ ಜೊತೆಗೆ, ಸಮಕಾಲೀನ ಶೈಲಿಯ ಡಿಸೈನರ್‌ ಇಳಕಲ್‌ ನೇಯ್ಗೆ ಗಳನ್ನೂ ನೀವು ಕಾಣಬಹುದು. ಪಾರಂಪರಿಕ ಮತ್ತು ಆಧುನಿಕ ಶೈಲಿ ಎರಡನ್ನೂ ಮಿಳಿತಗೊಳಿಸಿ ತಯಾರಿಸಲಾಗಿರುವ ಉಡುಪುಗಳು ಇಲ್ಲಿವೆ. ಪ್ರಾಕೃತಿಕ ವಿಧಾನಗಳನ್ನು ಬಳಸಿ ತಯಾರಾದ ಉಡುಪುಗಳನ್ನೂ ಮೇಳದಲ್ಲಿ ಕಾಣಬಹುದಾಗಿದೆ.

ಎಲ್ಲಿ?: ಗೋಕೂಪ್‌, 5ನೇ ಅಡ್ಡರಸ್ತೆ, 18ನೇ ಮುಖ್ಯರಸ್ತೆ, 6ನೇ ಬ್ಲಾಕ್‌, ಕೋರಮಂಗಲ

ಯಾವಾಗ?: ಜ. 13- 14,ಬೆಳಿಗ್ಗೆ 11- ರಾತ್ರಿ 7