ದುಡ್ಡನ್ನು ಡಬಲ್ ಮಾಡೋ ಮ್ಯಾಜಿಕ್
Team Udayavani, Jan 11, 2018, 1:39 PM IST
ಅಪ್ಪ- ಅಮ್ಮ ಕೊಟ್ಟಿದ್ದರಲ್ಲಿ ಐದೋ-ಹತ್ತೋ ರೂಪಾಯಿ ಉಳಿಸಿ ಪಿಗ್ಗಿ ಬ್ಯಾಂಕ್ನಲ್ಲಿ ಕೂಡಿಡುತ್ತೀರಿ. ಅದು ತುಂಬಿದ ಮೇಲೆ ಗೊಂಬೆ, ಆಟಿಕೆ, ಚಾಕ್ಲೇಟ್ ಹೀಗೆ ಏನೇನೋ ತಗೋಬೇಕು ಅಂತ ಮನಸಲ್ಲೇ ಲೆಕ್ಕ ಹಾಕ್ತೀರಿ. ಆಗೆಲ್ಲ, ದುಡ್ಡನ್ನು ಡಬಲ್ ಮಾಡೋ ಮಂತ್ರ ಗೊತ್ತಿದ್ದರೆ ಚೆನ್ನ ಅನಿಸುತ್ತೆ ಅಲ್ವಾ? ಅಂಥದ್ದೊಂದು ಮ್ಯಾಜಿಕ್ ಇಲ್ಲಿದೆ. ಇದನ್ನು ಕಲಿತರೆ, ಒಂದು ನಾಣ್ಯದಿಂದ ಎರಡು ನಾಣ್ಯಗಳನ್ನು ಸೃಷ್ಟಿಸಿ ಗೆಳೆಯರ ಮುಂದೆ ಮಿಂಚಬಹುದು.
ಬೇಕಾಗುವ ವಸ್ತು: ಒಂದು ಸಣ್ಣ ನಾಣ್ಯ (ಹೊಸ 1. ರೂ. ನಾಣ್ಯ), 2 ದೊಡ್ಡ ನಾಣ್ಯಗಳು (ಹಳೆ 2 ರೂ. ನಾಣ್ಯ)
ಪ್ರದರ್ಶನ: ಜಾದೂಗಾರನ ಹೆಬ್ಬೆರಳು ಮತ್ತು ತೋರು ಬೆರಳಿನ ಮಧ್ಯೆ ಒಂದು ನಾಣ್ಯ ಇರುತ್ತದೆ. ಆತ ಅದನ್ನು ಪ್ರೇಕ್ಷಕರಿಗೆ ತೋರಿಸುತ್ತಾನೆ. ನಂತರ ತನ್ನ ಮಂತ್ರದಂಡವನ್ನು ನಾಣ್ಯದ ಸುತ್ತ ತಿರುಗಿಸಿ, ಇನ್ನೊಂದು ಕೈನ ಹೆಬ್ಬೆರಳನ್ನು ಹತ್ತಿರ ತೆಗೆದುಕೊಂಡು ಬಂದು, ಕೈ ಬಿಡಿಸುತ್ತಾನೆ. ಏನಾಶ್ಚರ್ಯ! ಜಾದೂಗಾರನ ಅಂಗೈಯಲ್ಲಿ ಎರಡು ನಾಣ್ಯಗಳಿವೆ.
ತಯಾರಿ: ಇದೊಂದು ಕೈ ಚಳಕ ಮತ್ತು ಕಣRಟ್ಟಿನ ಜಾದೂ. ಚೂರು ಯಾಮಾರಿದರೂ ನಿಮ್ಮ ಮ್ಯಾಜಿಕ್ ಶೋ ಫ್ಲಾಪ್ ಆಗುತ್ತೆ. ಯಾಕೆ ಗೊತ್ತಾ? ನಿಜವಾಗಿಯೂ ನಿಮ್ಮ ಕೈಯಲ್ಲಿರೋದು ಒಂದಲ್ಲ, ಮೂರು ನಾಣ್ಯಗಳು. ಒಂದು ಸಣ್ಣ ನಾಣ್ಯ, ಎರಡು ದೊಡ್ಡ ನಾಣ್ಯಗಳು.
ಮೊದಲು, ಹೆಬ್ಬೆರಳು ಮತ್ತು ತೋರುಬೆರಳಿನ ಮಧ್ಯೆ ಎರಡು ದೊಡ್ಡ ನಾಣ್ಯಗಳನ್ನು ಅಡ್ಡವಾಗಿ (ಮಲಗಿಸಿ) ಹಿಡಿದುಕೊಳ್ಳಿ. ಆ ನಾಣ್ಯಗಳು ನೋಡುಗರಿಗೆ ಕಾಣಿಸದಂತೆ ಸಣ್ಣ ನಾಣ್ಯವನ್ನು ಉದ್ದಕ್ಕೆ ಹಿಡಿಯಿರಿ. ಪ್ರೇಕ್ಷಕರಿಗೆ ಸಣ್ಣ ನಾಣ್ಯ ಮಾತ್ರ ಕಾಣಿಸುತ್ತಿರುತ್ತಿದೆ. ನಂತರ ಮಂತ್ರದಂಡ ಹಿಡಿದು ಮ್ಯಾಜಿಕ್ ಮಾಡುವವರಂತೆ ನಟಿಸುತ್ತಾ, ನಿಧಾನಕ್ಕೆ ಇನ್ನೊಂದು ಕೈನ ಹೆಬ್ಬೆರಳಿನಿಂದ ಸಣ್ಣ ನಾಣ್ಯವನ್ನು ಅಂಗೈಗೆ ತಳ್ಳಿ, ಎರಡು ನಾಣ್ಯಗಳನ್ನು ಜನರಿಗೆ ಕಾಣಿಸುವಂತೆ ಮಾಡಿ. ಪ್ರಯೋಗಕ್ಕೂ ಮುನ್ನ, ಕನ್ನಡಿಯ ಮುಂದೆ ನಿಂತು ಚೆನ್ನಾಗಿ ಪ್ರ್ಯಾಕ್ಟೀಸ್ ಮಾಡಿ. ಕೈ ಚಳಕದಲ್ಲಿ ಚೂರೇ ಚೂರು ಮಿಸ್ ಆದರೂ ಗುಟ್ಟು ರಟ್ಟಾಗಿ ಬಿಡುತ್ತದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಬಿಸಿಲ ಝಳದಿಂದ ಮೈದಾನಗಳು ಖಾಲಿ; ಮಕ್ಕಳ ಆಟಕ್ಕೂ ಉರಿ ಬಿಸಿಲು ಅಡ್ಡಿ!
Mangaluru: ಸಂಪರ್ಕ ಸೇತುವೆ ಇಲ್ಲದೆ ಬೋಟ್ ಮೂಲಕ ಬಂದು ಮತ ಚಲಾಯಿಸಿದ ಜನ
INDIA ಒಕ್ಕೂಟ ಅಧಿಕಾರಕ್ಕೆ ಬಂದರೆ ರೈತರ ಸಾಲಮನ್ನಾ, ನಿರುದ್ಯೋಗ ನಿವಾರಣೆಗೆ ಆದ್ಯತೆ: ರಾಹುಲ್
ಹೆಸ್ಕತ್ತೂರು ಕಟ್ಟಿನಬುಡ: ಕೃಷಿಗೆ ಆಸರೆಯಾಗದ ವಾರಾಹಿ ಕಾಲುವೆ ನೀರು!
Lok Sabha Polls: ಧರ್ಮಸ್ಥಳದಲ್ಲಿ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಮತದಾನ