CONNECT WITH US  

ಕ್ರಿಸ್‌ಮಸ್‌ ಕಿಚನ್‌ : ಚಕ್ಕುಲಿ

ಕ್ರಿಸ್ತ ಜನನದ ಶುಭ ಹಬ್ಬ ಕ್ರಿಸ್‌ಮಸ್‌. ಈ ಹಬ್ಬಕ್ಕೆಂದೇ ಸುದಿನ ಆಯ್ಕೆಯ ವಿಶೇಷ ಅಡುಗೆಗಳ ಮಾಲೆ ಇಲ್ಲಿದೆ. ಇದು ನಮ್ಮ ಓದುಗರದ್ದೇ ಕೊಡುಗೆ ಅನ್ನುವುದರಿಂದ ಇದಕ್ಕೆ ರುಚಿಯೂ ಹೆಚ್ಚು.

ಬೇಕಾಗುವ ಸಾಮಗ್ರಿ: 
ಅರೆಬೆಳ್ತಿಗೆ ಅಕ್ಕಿ- ಕಾಲು ಕೆಜಿ
ಬೆಳ್ತಿಗೆ ಅಕ್ಕಿ- ಅರ್ಧಕಿಲೋ 
2 ತೆಂಗಿನಕಾಯಿ 
200 ಗ್ರಾಮ್‌ ಬೆಣ್ಣೆ 
2 ಚಮಚ ಜೀರಿಗೆ 
ಎಳ್ಳು ಕಾಲು ಕಪ್‌
1 ಕಪ್‌ ಉದ್ದಿನ ಬೇಳೆ
1 ಕಪ್‌ ಹೆಸರು ಬೇಳೆ
ಕರಿಯಲು ಎಣ್ಣೆ
ರುಚಿಗೆ ತಕ್ಕಂತೆ ಉಪ್ಪು

ಮಾಡುವ ವಿಧಾನ: 
ಬೆಳ್ತಿಗೆ ಅಕ್ಕಿ ತೊಳೆದು ಪುಡಿ ಮಾಡಿಟ್ಟುಕೊಳ್ಳಿ. ಉದ್ದಿನ ಬೇಳೆ, ಹೆಸರು ಬೇಳೆ ಹುರಿದು ಪುಡಿ ಮಾಡಬೇಕು. ಅರೆಬೆಳ್ತಿಗೆ ಅಕ್ಕಿಯನ್ನು ತೊಳೆದು ಒಂದು ಗಂಟೆ ನೆನೆಸಿ ರುಬ್ಬಿರಿ. ಉದ್ದಿನ ಬೇಳೆ, ಹೆಸರು ಬೇಳೆ ಹಿಟ್ಟು, ಬೆಳ್ತಿಗೆ ಅಕ್ಕಿ ಹಿಟ್ಟು ಹಾಗೂ ಅರೆ ಬೆಳ್ತಿಗೆ ಅಕ್ಕಿ ಅರೆದ ಹಿಟ್ಟು, ಜೀರಿಗೆ, ಎಳ್ಳು, ಉಪ್ಪು, ಬೆಣ್ಣೆ ಎಲ್ಲವನ್ನೂ ತೆಂಗಿನ ಹಾಲಿನೊಂದಿಗೆ ಬೆರೆಸಿ ಪುಂಡಿ ಹಿಟ್ಟಿನ ಹದಕ್ಕೆ ನಾದಿರಿ. ಹಿಟ್ಟನ್ನು ಚಕ್ಕುಲಿ ಅಚ್ಚಿನೊಳಗೆ ಹಾಕಿ ಮೂರು ನಾಲ್ಕು ಸುತ್ತು ವೃತ್ತಾಕಾರದಲ್ಲಿ ಚಕ್ಕುಲಿ ಮಾಡಿ ಅದನ್ನು ಎಣ್ಣೆಯಲ್ಲಿ ಕಂದು ಬರುವ ತನಕ ಅವುಗಳನ್ನು ಕಾಯಿಸಿ ತೆಗೆಯಿರಿ.

- ಪ್ರೀತಿ ವಿವಿಯನ್‌ ಕೊಟ್ಟಾರ ಚೌಕಿ

ಇಂದು ಹೆಚ್ಚು ಓದಿದ್ದು

Trending videos

Back to Top