ಮುಂಬಯಿನಲ್ಲಿ ಹೊಟೇಲ್‌ ತಿಂಡಿ ಆಗುತ್ತೆ ದುಬಾರಿ

Team Udayavani, Dec 14, 2019, 1:14 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಮುಂಬಯಿ: ಎರಡು ತಿಂಗಳಿನಿಂದ ಈರುಳ್ಳಿ ದರ ಸತತವಾಗಿ ಏರಿಕೆಯಾಗಿ 170ಗೆ ತಲುಪಿದೆ. ಹೀಗಾಗಿ, ಹೊಟೇಲ್‌ಗ‌ಳಲ್ಲಿ ತಿಂಡಿ ತಿನಸುಗಳ ಬೆಲೆ ಹೆಚ್ಚಳದ ಬಗ್ಗೆ ಯೋಚನೆ ಮಾಡಬೇಕಾಗುತ್ತದೆ. ಹತ್ತು ದಿನಗಳಲ್ಲಿ ಈರುಳ್ಳಿ ದರ ಇಳಿಕೆಯಾಗದೇ ಇದ್ದರೆ ಮುಂಬಯಿನಲ್ಲಿ ಈರುಳ್ಳಿ ಬಳಕೆ ಮಾಡುವ ಎಲ್ಲ ತಿನಿಸುಗಳ ಬೆಲೆ ಹೆಚ್ಚಳ ಮಾಡುವ ಬಗ್ಗೆ ನಿರ್ಧಾರ ಕೈಗೊಳ್ಳಬೇಕಾಗುತ್ತದೆ ಎಂದು ಭಾರತೀಯ ಹೊಟೇಲ್‌ ಮತ್ತು ರೆಸ್ಟೋರೆಂಟ್‌ ಸಹಯೋಗ (ಆಹಾರ್‌) ತಿಳಿಸಿದೆ.

ಮುಂಬಯಿನಲ್ಲಿ ಮಾತನಾಡಿದ ಆಹಾರ್‌ ಅಧ್ಯಕ್ಷ ಸಂತೋಷ್‌ ಶೆಟ್ಟಿ ಸದ್ಯ ಈರುಳ್ಳಿ ದರ ಸ್ವಲ್ಪ ಇಳಿಕೆ ಕಂಡಿದೆ. ನಾವು ಒಂದು ವಾರದಿಂದ 10 ದಿನಗಳ ವರೆಗೆ ಕಾಯುತ್ತೇವೆ. ದರ ಇಳಿಕೆಯಾಗದೇ ಇದ್ದರೆ ಖಾದ್ಯಗಳ ಬೆಲೆ ಹೆಚ್ಚಿಸುತ್ತೇವೆ ಎಂದು ಆಹಾರ್‌ ಅಧ್ಯಕ್ಷ ಸಂತೋಷ್‌ ಶೆಟ್ಟಿ ತಿಳಿಸಿದ್ದಾರೆ. ಈ ಬಗ್ಗೆ ಕಳೆದ ವಾರ ಸಭೆಯೂ ನಡೆದಿತ್ತು ಎಂದು ಅವರು ತಿಳಿಸಿದ್ದಾರೆ.