ಜೆಟ್‌ಏರ್‌ ವೇಸ್‌ಗೆ ಸ್ಪೈಸ್‌ ಜೆಟ್‌ ನೆರವು…?

Team Udayavani, Apr 25, 2019, 5:44 PM IST

ಮುಂಬಯಿ: ಆರ್ಥಿಕ ದಿವಾಳಿಯಾಗಿರುವ ಜೆಟ್‌ ಏರ್‌ವೇಸ್‌ ವಿಮಾನಯಾನ ಸಂಸ್ಥೆಗೆ ಸ್ಪೈಸ್‌ ಜೆಟ್‌ ನೆರವಿನ ಹಸ್ತ ಚಾಚಿರುವುದು ಈಗಾಗಲೇ ವರದಿಯಾಗಿದೆ. ಈಗ ಜೆಟ್‌ ಏರ್‌ವೆàಸ್‌ ವಿಮಾನಗಳ ಹಾರಾಟಕ್ಕೆ ಸ್ಪೈಸ್‌ ಜೆಟ್‌ ನೆರವು ನೀಡಲಿದೆ ಎನ್ನಲಾಗುತ್ತಿದೆ. ಇದಕ್ಕಾಗಿ ಜೆಟ್‌ ಏರ್‌ವೇಸ್‌ ವಿಮಾನಗಳಿಗೆ ಸ್ಪೈಸ್‌ ಜೆಟ್‌ ವಿಮಾನದ ಬಣ್ಣವನ್ನೇ ಬಳಿಯಲಾಗುತ್ತಿದೆ.

ಜೆಟ್‌ ಏರ್‌ವೇಸ್‌ ಬೋಯಿಂ ಗ್‌ ಬಿ 737 ವಿಮಾನಕ್ಕೆ ಸ್ಪೈಸ್‌ ಜೆಟ್‌ನ ವಿಶಿಷ್ಟ ಕೆಂಪು ಗುರುತಿನ ಲೋಗೋವನ್ನು ಅಳವಡಿಸಲಾಗುತ್ತಿದೆ. ಜತೆಗೆ ಜೆಟ್‌ ಏರ್‌ವೇಸ್‌ ಹಳದಿ ಮತ್ತು ನೀಲಿ ಪಟ್ಟಿಯೂ ಇದರ ಜತೆಗೆ ಇರಲಿದೆ ಎಂದು ವರದಿಯಾಗಿದೆ. ಈಗಾಗಲೇ ಹಾರಾಟ ನಿಲ್ಲಿಸಿರುವ ಜೆಟ್‌ ಏರ್‌ವೇಸ್‌ ವಿಮಾನಗಳನ್ನು ಸ್ಪೈಸ್‌ ಜೆಟ್‌ ತನ್ನ ಸಂಚಾರಕ್ಕೆ ಬಳಸಿಕೊಳ್ಳಲು ಮುಂದಾಗಿದೆ.

ಎಲ್ಲವೂ ಅಂದುಕೊಂಡಂತೆ ನಡೆದರೆ ಮುಂದಿನ ವಾರದಿಂದ ಜೆಟ್‌ ಏರ್‌ವೇಸ್‌ ವಿಮಾನಗಳು ಆಗಸದಲ್ಲಿ ಕಾಣಸಿಗಬಹುದು. ಮುಂದಿನ ವಾರದಲ್ಲಿ ಹಾರಾಟ ನಡೆಸಲು ಎಲ್ಲ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಉದ್ಯೋಗಿಗಳಿಗೆ ಆಶ್ರಯ
ವಿಮಾನ ಹಾರಾಟದ ಸ್ಥಗಿತದಿಂದ ಜೆಟ್‌ ಏರ್‌ವೇಸ್‌ ಸಂಸ್ಥೆಯ ಸಾವಿರಾರು ಉದ್ಯೋಗಿಗಳು ಅತಂತ್ರರಾಗಿದ್ದಾರೆ. ಈಗಾಗಲೇ 100ಕ್ಕೂ ಅಧಿಕ ಪೈಲಟ್‌ಗಳನ್ನು, 200ಕ್ಕೂ ಹೆಚ್ಚು ಕ್ಯಾಬಿನ್‌ ಸಿಬಂದಿ, 200 ತಾಂತ್ರಿಕ ಸಿಬಂದಿಗೆ ನೌಕರಿ ನೀಡಲಾಗುವುದು ಎಂದು ಸ್ಪೈಸ್‌ ಜೆಟ್‌ ಸಂಸ್ಥೆ ಮಾಹಿತಿ ನೀಡಿದೆ ಒಟ್ಟು 1300 ಪೈಲಟ್‌ಗಳಿದ್ದು ಈಗಾಗಲೇ 400ಕ್ಕೂ ಹೆಚ್ಚು ಪೈಲಟ್‌ಗಳಿಗೆ ಬೇರೆ ಸಂಸ್ಥೆಗಳಲ್ಲಿ ಆಶ್ರಯ ದೊರೆತಿದೆ. ಹಲವಾರು ಎಂಜನಿಯರ್‌ಗಳು, ಇತರ ಸಿಬಂದಿ ಈಗಾಗಲೇ ಕಂಪನಿಗೆ ಗುಡ್‌ ಬೈ ಹೇಳಿದ್ದಾರೆ.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ