ಸಿದ್ಧವಾಗುತ್ತಿದೆ 150 ಕೆಜಿ ತೂಕ ಹೊರಬಲ್ಲ ಡ್ರೋನ್!
ಬೆಂಗಳೂರಿನ "ನ್ಯೂ ಸ್ಪೇಸ್ ರಿಸರ್ಚ್ ಅಂಡ್ ಟೆಕ್ನಾಲಜೀಸ್' ಸಂಸ್ಥೆಯ ಪ್ರಯತ್ನ
Team Udayavani, Dec 13, 2021, 10:25 AM IST
ಸಾಂದರ್ಭಿಕ ಚಿತ್ರ,
ನವದೆಹಲಿ: ಡ್ರೋನ್ಗಳ ಮೂಲಕ ಔಷಧ, ಆಹಾರ ಮತ್ತಿತರ ಉಪಯುಕ್ತ ಸಾಮಗ್ರಿಗಳನ್ನು ತಲುಪಿಸುವ ಹೊಸ ಪದ್ಧತಿ ಆರಂಭವಾಗಿದೆ. ಆದರೆ, ಅದರಲ್ಲಿ 1ರಿಂದ 5 ಕೆಜಿ ತೂಕದ ವಸ್ತುಗಳನ್ನು ಮಾತ್ರ ಕಳುಹಿಸಬಹುದಾಗಿದೆ. ಈ ಮಿತಿಯನ್ನು ದೂರಮಾಡಲು ನಿರ್ಧರಿಸಿರುವ ಬೆಂಗಳೂರಿನ ಸ್ಟಾರ್ಟ್ ಅಪ್ ಕಂಪನಿಯೊಂದು, ಸುಮಾರು 150 ಕೆಜಿಯಷ್ಟು ಭಾರವನ್ನು ಹೊತ್ತೂಯ್ಯುವ ಹಾಗೂ ನಿಗದಿತ ದೂರವನ್ನು ಬೇಗನೇ ಕ್ರಮಿಸುವಂಥ ಡ್ರೋನ್ ಒಂದನ್ನು ತಯಾರಿಸಲು ಮುಂದಾಗಿದೆ.
ಬೆಂಗಳೂರಿನ “ನ್ಯೂ ಸ್ಪೇಸ್ ರಿಸರ್ಚ್ ಅಂಡ್ ಟೆಕ್ನಾಲಜೀಸ್’ ಸಂಸ್ಥೆಯು ಸ್ಪೈಸ್ಜೆಟ್ ಸಂಸ್ಥೆಯೊಂದಿಗೆ ಜಂಟಿಯಾಗಿ “ಹೆವಿ ಲಿಫ್ಟ್’ ಡ್ರೋನ್ಗಳನ್ನು ತಯಾರಿಸುತ್ತಿದೆ. ಈ ಡ್ರೋನ್ ಸುಮಾರು 150ಕೆ.ಜಿ ತೂಕದ ಸಾಮಾಗ್ರಿಯನ್ನು 150 ಕಿ.ಮೀ ದೂರದವರೆಗೆ ಹೊತ್ತೂಯ್ಯುವ ಸಾಮರ್ಥ್ಯ ಹೊಂದಿರಲಿದೆ.
ಸದ್ಯಕ್ಕೆ 150 ಕಿ.ಮೀ. ದೂರದ ಹಾದಿಯನ್ನು ಕ್ರಮಿಸಲು ಸಾಮಾನ್ಯ ಡ್ರೋನ್ಗಳು 72 ಗಂಟೆ ತೆಗೆದುಕೊಳ್ಳುತ್ತಿವೆ. ಆದರೆ, ಈ ಡ್ರೋನ್, 8 ರಿಂದ 12 ಗಂಟೆಯೊಳಗೆ ಇಷ್ಟು ದೂರವನ್ನು ಕ್ರಮಿಸುತ್ತವೆ ಎಂದು ಹೇಳಲಾಗಿದೆ. ಹಾಗಾಗಿ, ಇದನ್ನು ಗಂಟೆಗೆ 100ಕಿ.ಮೀ ವೇಗದಲ್ಲಿ ಸಾಗುವಂತೆ ವಿನ್ಯಾಸಗೊಳಿಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಇದನ್ನೂ ಓದಿ:ಸೂರ್ಯ ಶಕ್ತಿಯ ಬಳಕೆಯ ವಿಸ್ತಾರಕ್ಕೆ ಪ್ರಯತ್ನ; ಮೋಹನ ಭಾಸ್ಕರ ಹೆಗಡೆ ಕರೆ
ಎಚ್ಎಎಲ್ ಸಹಕಾರ:
ಈ ವಿಶೇಷ ಡ್ರೋನ್ ತಯಾರಿಕೆಗೆಂದೇ ಹಿಂದೂಸ್ಥಾನ್ ಏರೋನಾಟಿಕಲ್ ಸಂಸ್ಥೆ(ಎಚ್ಎಎಲ್)ನೊಂದಿಗೂ ಕೈ ಜೋಡಿಸಲಾಗಿದೆ. ಎಚ್ಎಎಲ್ನಲ್ಲಿ ಸೇನಾ ಬಳಕೆಯ ಡ್ರೋನ್ಗಳಿಗಾಗಿ ಮಾನವರಹಿತ ವೈಮಾನಿಕ ವಾಹನ(ಯುಎವಿ) ತಯಾರಿಸಲಾಗುತ್ತದೆ. ವಿವಿಧ ಯುಎವಿ ಬಳಸಿ, ಡ್ರೋನ್ಗಳನ್ನೂ ತಯಾರಿಸಲಾಗುತ್ತದೆ. ಈ ತಂತ್ರಜ್ಞಾನವನ್ನು ಈ ಹೊಸ ಡ್ರೋನ್ ತಯಾರಿಕೆಗೆ ಬಳಸಿಕೊಳ್ಳಲಾಗುತ್ತಿದೆ.
ಅಂಕಿ-ಅಂಶ:
150 ಕಿ.ಮೀ. - ಸಂಭಾವ್ಯ ಡ್ರೋನ್ ಪ್ರತಿ ಗಂಟೆಗೆ ಸಾಗಬಲ್ಲ ವೇಗ
8 ರಿಂದ 12- ಎಪ್ಪತ್ತೆರಡು ಕಿ.ಮೀ. ದೂರವನ್ನು ಕ್ರಮಿಸಲು ಡ್ರೋನ್ ತೆಗೆದುಕೊಳ್ಳುವ ಸಮಯ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಟ್ವಿಟರ್ ಹೋಯಿತು, ಈಗ ಎಕ್ಸ್.ಕಾಮ್ ಅಧಿಕೃತ: ಎಲಾನ್ ಮಸ್ಕ್
Android ಮೊಬೈಲ್ ಅಪ್ಡೇಟ್ ಮಾಡಿ: ಬಳಕೆದಾರರಿಗೆ ಕೇಂದ್ರ ಸರ್ಕಾರ ಎಚ್ಚರಿಕೆ
Airtel: ಕರ್ನಾಟಕದಲ್ಲಿ 6.9 ಮಿಲಿಯನ್ 5G ಗ್ರಾಹಕರು
ಭಾರತದಲ್ಲಿ Audi Q3 Bold Editon ಮಾರುಕಟ್ಟೆಗೆ ಬಿಡುಗಡೆ; ಹೊಸ ಡಿಸೈನ್, ಫೀಚರ್ಸ್
Smart Home Audio; ಸೌಂಡ್ ಬಾರ್ ಕ್ಷೇತ್ರಕ್ಕೆ ಕಾಲಿಟ್ಟ BOULT: ಎರಡು ಸೌಂಡ್ ಬಾರ್ ಬಿಡುಗಡೆ
MUST WATCH
ಹೊಸ ಸೇರ್ಪಡೆ
Papua New Guinea; ಭಾರೀ ಭೂಕುಸಿತದಿಂದ 100 ಕ್ಕೂ ಹೆಚ್ಚು ಜನರು ಸಾವು: ವರದಿ
Watch Video: ಕೇದಾರದಲ್ಲಿ ಲ್ಯಾಂಡ್ ಆಗುತ್ತಿದ್ದ ವೇಳೆ ನೆಲಕ್ಕಪ್ಪಳಿಸಿದ ಹೆಲಿಕ್ಯಾಪ್ಟರ್…
Vijayapura:ಆಯುತಪ್ಪಿ ಬಿದ್ದ ಮಹಿಳೆಯ ಕಾಲಿನ ಮೇಲೆ ಹರಿದ ಬಸ್
ಸ್ಟಾರ್ ವಾರ್, ಫ್ಯಾನ್ಸ್ ವಾರ್ ಮಾಮೂಲಿ… ಆದ್ರೆ ಕನ್ನಡ ಚಿತ್ರರಂಗ ಎಡವುತ್ತಿರುವುದೆಲ್ಲಿ?
Mudigere; ಭೀಕರ ಅಪಘಾತದಲ್ಲಿ ಓಮ್ನಿ ನಜ್ಜುಗುಜ್ಜು: ನಾಲ್ವರು ಮೃತ್ಯು