75ರ ಅಜ್ಜ ವೃತ್ತಿಪರ ಫುಟ್ಬಾಲ್ಗೆ ಪದಾರ್ಪಣೆ
Team Udayavani, Mar 11, 2020, 7:40 AM IST
ಕೈರೊ: ತನ್ನ 75ನೇ ಹರೆಯದಲ್ಲಿ ಈಜಿಪ್ಟ್ ನ ಅಜ್ಜ ಎಝೆಲ್ದಿನ್ ಬಹಾದೆರ್ ಅವರು ವೃತ್ತಿಪರ ಫುಟ್ಬಾಲ್ಗೆ ಪದಾರ್ಪಣೆಗೈದರಲ್ಲದೇ ಗೋಲನ್ನು ಹೊಡೆದು ಸಂಭ್ರಮಿಸಿದ್ದಾರೆ. ಈ ಮೂಲಕ ವೃತ್ತಿಪರ ಫುಟ್ಬಾಲ್ಗೆ ಪದಾರ್ಪಣೆಗೈದ ವಿಶ್ವದ ಅತ್ಯಂತ ಹಿರಿಯ ಆಟಗಾರ ಎಂದೆನಿಸಿಕೊಳ್ಳಲು ದೊಡ್ಡ ಹೆಜ್ಜೆ ಇಟ್ಟಿದ್ದಾರೆ.
ಸ್ವಲ್ಪಮಟ್ಟಿನ ಮೊಣಕಾಲಿನ ಗಾಯವಿದ್ದರೂ ಸ್ಟ್ರೈಕರ್ ಬಹಾದೆರ್ ಈಜಿಪ್ಟಿಯನ್ ಥರ್ಡ್ ಟಯರ್ ಕ್ಲಬ್ ಅಕ್ಟೋಬರ್ 6 ಪರ ಆಡಿ ಗಮನ ಸೆಳೆದಿದ್ದಾರೆ. ಪೂರ್ತಿ 90 ನಿಮಿಷಗಳ ಆಟದಲ್ಲಿ ಪಾಲ್ಗೊಂಡರಲ್ಲದೆ ಒಂದು ಗೋಲು ಹೊಡೆದು ತನ್ನಲ್ಲಿ ಇನ್ನೂ ಫುಟ್ಬಾಲ್ ಆಡುವ ಉತ್ಸಾಹವಿದೆ ಎಂದು ಸಾಬೀತುಪಡಿಸಿದ್ದಾರೆ. ಅವರ ಈ ಗೋಲಿನಿಂದಾಗಿ ಅಕ್ಟೋಬರ್ 6 ತಂಡವು ಎದುರಾಳಿ ಜೀನಿಯಸ್ ವಿರುದ್ಧ 1-1 ಗೋಲಿನಿಂದ ಡ್ರಾ ಸಾಧಿಸಿತ್ತು.
ವಿಶ್ವದ ಅತ್ಯಂತ ಹಿರಿಯ ಆಟಗಾರ
ಎಂದೆನಿಸಿಕೊಳ್ಳಬೇಕಾದರೆ ಬಹಾದೆರ್ ಕಡಿಮೆಪಕ್ಷ ಇನ್ನೊಂದು 90 ನಿಮಿಷಗಳ ಆಟದಲ್ಲಿ ಆಡಬೇಕಾಗಿದೆ. ಒಂದು ವೇಳೆ ಈ ತಿಂಗಳಾಂತ್ಯದಲ್ಲಿ ನಡೆಯುವ ಪಂದ್ಯದಲ್ಲಿ ಬಹಾದೆರ್ ಅವರನ್ನು ತಂಡದಲ್ಲಿ ಸೇರ್ಪಡೆಗೊಳಿಸಿದರೆ ಗಿನ್ನಿಸ್ ವಿಶ್ವದಾಖಲೆಯ ಪ್ರತಿನಿಧಿಯೋರ್ವರು ಆ ಪಂದ್ಯದಲ್ಲಿ ಅವರ ಆಟದ ಸಾಮರ್ಥ್ಯವನ್ನು ಪರೀಕ್ಷಿಸಲಿದ್ದಾರೆ.
ಸದ್ಯ ವಿಶ್ವದ ಅತ್ಯಂತ ಹಿರಿಯ ಆಟಗಾರರೆಂಬ ದಾಖಲೆ ಇಸ್ರೇಲಿನ ಐಸಾಕ್ ಹಾಯಿಕ್ ಅವರ ಹೆಸರಲ್ಲಿದೆ. ಅವರು ತನ್ನ 73ರ ಹರೆಯದಲ್ಲಿ ಇಸ್ರೇಲಿನ ಐರೋನಿ ಓರ್ ಯೆಹುದಾ ಕ್ಲಬ್ ಪರ ಆಡಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ