ರಾಹುಲ್–ಮಯಾಂಕ್ ಭರ್ಜರಿ ಬ್ಯಾಟಿಂಗ್ ಜೊತೆಯಾಟ: ರಾಯಲ್ಸ್ ಬೆವರಿಳಿಸಿದ ‘ಹುಡುಗರು’!
ಈ ಬಾರಿಯ ಡ್ರೀಂ ಇಲೆವೆನ್ IPL ಕೂಟದಲ್ಲಿ ದಾಖಲಾಯಿತು ಕನ್ನಡಿಗರದ್ದೇ ಎರಡು ಶತಕ! ; ರಾಜಸ್ಥಾನ್ ರಾಯಲ್ಸ್ ಗೆಲುವಿಗೆ 224 ರನ್ ಗುರಿ
Team Udayavani, Sep 27, 2020, 9:07 PM IST
ಶಾರ್ಜಾ: ಕಳೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಭರ್ಜರಿ ಶತಕ ಬಾರಿಸಿ ಕೊಹ್ಲಿ ಪಡೆಯ ಹೆಡೆಮುರಿ ಕಟ್ಟಿದ್ದ ಕೆ.ಎಲ್. ರಾಹುಲ್ (69) ಹಾಗೂ ಕನ್ನಡ ನಾಡಿನ ಇನ್ನೊಬ್ಬ ಬ್ಯಾಟಿಂಗ್ ತಾರೆ ಮಯಾಂಕ್ ಅಗರ್ವಾಲ್ (106) ನಡುವಿನ ಭರ್ಜರಿ ಜೊತೆಯಾಟದ ನೆರವಿನಿಂದ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಇಂದಿನ ಐಪಿಎಲ್ ಲೀಗ್ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವು 223 ರನ್ ಗಳ ಭರ್ಜರಿ ಮೊತ್ತವನ್ನು ದಾಖಲಿದೆ.
ಕಳೆದ ಪಂದ್ಯದಲ್ಲಿ ರಾಹುಲ್ ಭರ್ಜರಿ ಶತಕ ಬಾರಿಸಿ ಮಿಂಚಿದರೆ ಈ ಪಂದ್ಯದಲ್ಲಿ ಮಯಾಂಕ್ ಅಗರ್ವಾಲ್ (106) ಶತಕದ ಸಾಧನೆ ಮಾಡಿದರು. ಈ ಮೂಲಕ ಅರಬ್ ನಾಡಿಗೆ ಶಿಫ್ಟ್ ಆಗಿರುವ ಈ ಬಾರಿಯ ಐಪಿಎಲ್ ಕೂಟದಲ್ಲಿ ಇಂದಿನವರೆಗೆ ದಾಖಲಾದ ಎರಡೂ ಶತಕಗಳನ್ನು ಕರ್ನಾಟಕದ ‘ಹುಡುಗರೇ’ ಬಾರಿಸಿರುವುದು ವಿಶೇಷ!
ಇವರಿಬ್ಬರ ನಡುವಿನ ಭರ್ಜರಿ 183 ರನ್ ಗಳ ಓಪನಿಂಗ್ ಪಾರ್ಟನರ್ ಶಿಪ್ ನಿಂದಾಗಿ ಕಿಂಗ್ಸ್ ಇಲವೆನ್ ಪಂಜಾಬ್ ನಿಗದಿತ 20 ಓವರ್ ಗಳಲ್ಲಿ 02 ವಿಕೆಟ್ ನಷ್ಟಕ್ಕೆ 223 ರನ್ ಗಳಿಸಿ ರಾಜಸ್ಥಾನ ರಾಯಲ್ಸ್ ಗೆಲುವಿಗೆ 224 ರನ್ ಗಳ ಸವಾಲನ್ನು ನೀಡಿದೆ.
ಇದನ್ನೂ ಓದಿ: ರಾಜಸ್ಥಾನ ರಾಯಲ್ಸ್ ಗೆಲ್ಲಿಸಿದ ರಾಹುಲ್ ಸ್ಪೋಟಕ ಬ್ಯಾಟಿಂಗ್!
ರಾಜಸ್ಥಾನ್ ರಾಯಲ್ಸ್ ಕಪ್ತಾನ ಸ್ಟೀವನ್ ಸ್ಮಿತ್ ಅವರು ಟಾಸ್ ಗೆದ್ದು ಕಿಂಗ್ಸ್ ಇಲವನ್ ಪಂಜಾಬ್ ತಂಡವನ್ನು ಬ್ಯಾಟಿಂಗ್ ಗೆ ಇಳಿಸಿದರು. ಆದರೆ ಓಪನಿಂಗ್ ಜೋಡಿಯಾದ ಕೆ.ಎಲ್. ರಾಹುಲ್ ಮತ್ತು ಮಯಾಂಕ್ ಅಗರ್ವಾಲ್ ಅವರು ರಾಯಲ್ಸ್ ತಂಡದ ಲೆಕ್ಕಾಚಾರವನ್ನು ಸಂಪೂರ್ಣ ಉಲ್ಟಾ ಮಾಡಿದರು.
ಬೆಂಗಳೂರು ವಿರುದ್ಧದ ಕಳೆದ ಪಂದ್ಯದಲ್ಲಿ ರಾಹುಲ್ ಅಬ್ಬರಿಸಿದ್ದರೆ ಇಲ್ಲಿ ಮಯಾಂಕ್ ಅಬ್ಬರಿಸಿದರು. ರಾಯಲ್ಸ್ ಬೌಲರ್ ಗಳನ್ನು ಬೆಂಡೆತ್ತಿದ ಮಯಾಂಕ್ ಕೇವಲ 50 ಎಸೆತಗಳಲ್ಲಿ 10 ಬೌಂಡರಿ ಹಾಗೂ 7 ಸಿಕ್ಸರ್ ನೆರವಿನಿಂದ 106 ರನ್ ಗಳಿಸಿ ಶಾರ್ಜಾ ಮೈದಾನದಲ್ಲಿ ವಿಜೃಂಭಿಸಿದರು.
ಇನ್ನೊಂದೆಡೆ ಮಯಾಂಕ್ ಗೆ ಸೂಕ್ತ ಸಾಥ್ ನೀಡಿದ ರಾಹುಲ್ 54 ಎಸೆತಗಳಲ್ಲಿ 69 ರನ್ ಬಾರಿಸಿದರು. ಕರುನಾಡ ಈ ಜೋಡಿ 17ನೇ ಓವರ್ ವರೆಗೆ ಕ್ರೀಸ್ ಆಕ್ರಮಿಸಿಕೊಂಡಿತ್ತು. ಬಳಿಕ 9 ಎಸೆತಗಳ ಅಂತರದಲ್ಲಿ ಇವರಿಬ್ಬರೂ ಔಟಾದರು.
ಪಂಜಾಬ್ ಬ್ಯಾಟಿಂಗ್ ಇನ್ನಿಂಗ್ಸ್ ನ ಕೊನೆಯಲ್ಲಿ ಕಿಚ್ಚು ಹಚ್ಚಿದ ನಿಕೊಲಸ್ ಪೂರಣ್ (25) ಭರ್ಜರಿ ಆಟವಾಡಿದ ಕಾರಣ ಕಿಂಗ್ಸ್ ಪಂಜಾಬ್ 223 ರನ್ ಗಳ ಭರ್ಜರಿ ಮೊತ್ತ ಕಲೆಹಾಕಲು ಸಾಧ್ಯವಾಯಿತು. ಇನ್ನಿಂಗ್ಸ್ ನ ಅಂತಿಮ ಓವರ್ ಗಳಲ್ಲಿ ರಾಜಸ್ಥಾನ ಬೌಲರ್ ಗಳನ್ನು ಕಾಡಿದ ಪೂರಣ್ ಅವರು ಕೇವಲ 8 ಎಸೆತಗಳಲ್ಲಿ ಔಟಾಗದೇ 25 ರನ್ ಬಾರಿಸಿದರು, ಸಿಡಿಸಿದ್ದು 03 ಸಿಕ್ಸರ್. ಗ್ಲೆನ್ ಮ್ಯಾಕ್ಸ್ ವೆಲ್ 13 ರನ್ ಗಳಿಸಿ ಔಟಾಗದೇ ಉಳಿದರು.
ಇಂದು ರಾಜಸ್ಥಾನ ಬೌಲರ್ ಗಳ ಎಕಾನಮಿ ರೇಟ್ ಡಬ್ಬಲ್ ಫಿಗರ್ ನಲ್ಲಿತ್ತು. ಅಂಕಿತ್ ರಜಪೂತ್ ಮತ್ತು ಟಾಮ್ ಕರನ್ ಅವರು ತಲಾ 1 ವಿಕೆಟ್ ಪಡೆದರು. ರಾಹುಲ್ ತೆವಾಟಿಯಾ 1 ಓವರ್ ನಲ್ಲಿ 19 ರನ್ ನೀಡಿ ದುಬಾರಿಯೆಣಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
Lok Sabha 2ನೇ ಹಂತ; ದಾಖಲೆ ಸಂಖ್ಯೆಯಲ್ಲಿ ಭಾಗವಹಿಸಲು ಪ್ರಧಾನಿ ಮೋದಿ ಕನ್ನಡದಲ್ಲಿ ಮನವಿ
Mangaluru: ಕಪಿತಾನಿಯೋ ಮತದಾನ ಕೇಂದ್ರದ ಬಳಿ ಪೊಲೀಸರೊಂದಿಗೆ ಕಾರ್ಯಕರ್ತರ ಘರ್ಷಣೆ…
Congress ನಿಂದ ಸ್ಮಾರ್ಟ್ ಕಾರ್ಡ್ ಹಂಚಿಕೆ: ರೆಡ್ಹ್ಯಾಂಡ್ ಆಗಿ ಹಿಡಿದ ಮೈತ್ರಿ ಕಾರ್ಯಕರ್ತರು
Baramasagara: ತಾನು ಕಲಿತ ಶಾಲೆಯಲ್ಲೇ ಮೊದಲ ಬಾರಿಗೆ ಮತ ಚಲಾಯಿಸಿದ ಯುವತಿ…
ಅರಂತೋಡು: ಬೈಕ್ – ಕಾರು ನಡುವೆ ಅಪಘಾತ… ಓರ್ವ ಮೃತ್ಯು