ನೆಲಹಾಸು ಉದ್ಯೋಗಕ್ಕಿದೆ ಅವಕಾಶ

Team Udayavani, Jun 26, 2019, 5:00 AM IST

ಕಲೆ ಎಂಬುದು ಹಲವು ವಿಧದಲ್ಲಿದೆ. ಕ್ರಿಯಾತ್ಮಕವಾಗಿ ತಯಾರಿಸುವ ಎಲ್ಲ ವಸ್ತುಗಳೂ ಕಲೆಯಲ್ಲಿ ಒಳಗೊಳ್ಳುತ್ತವೆ. ಇದಕ್ಕೆ ಒಂದಷ್ಟು ಪ್ರತಿಭೆ ಇದ್ದರೆ ಸಾಕು. ಒಬ್ಬ ಕಲೆಗಾರ ಕ್ರಿಯಾತ್ಮಕ ಚಿಂತನೆಗಳ ಜತೆ ತನ್ನ ಭಾವನೆಗಳನ್ನು ಬೆರೆಸಿ ಒಂದು ವಸ್ತುವಿಗೆ ರೂಪು ನೀಡಿದಾಗ ಅವು ಕಲಾತ್ಮಕ ಆಕೃತಿಗಳಾಗುತ್ತವೆ. ನೆಲಹಾಸು ತಯಾರಿಕೆಯೂ ಒಂದು ಕಲಾತ್ಮಕ ಉದ್ಯೋಗ. ಕಲೆಯಲ್ಲಿ ಆಸಕ್ತಿ ಇರುವ ಎಲ್ಲರೂ ಇದನ್ನು ಆಯ್ದುಕೊಳ್ಳಬಹುದು.ಆದರೆ ಇದನ್ನು ಒಂದು ಕಲೆಯೆಂದು ಒಪ್ಪಿಕೊಳ್ಳಲು ಅನೇಕರು ತಯಾರಿಲ್ಲ. ಕಲಾತ್ಮಕ‌ ಡಿಸೈನ್‌ಗಳ ಮೂಲಕ ವಿವಿಧ ವಿನ್ಯಾಸಗಳ ನೆಲಹಾಸನ್ನು ತಯಾರಿಸುವುದೇ ಕಾರ್ಪೆಟ್‌ ಟೆಕ್ನಾಲಜಿ ಅಥವಾ ನೆಲಹಾಸು ತಂತ್ರಜ್ಞಾನ.

ನೆಲವನ್ನು ಕವರ್‌ ಮಾಡಲು ಅಥವಾ ನೆಲದ ಅಂದವನ್ನು ಹೆಚ್ಚಿಸುವಂತೆ ಮಾಡಲು ಕಾರ್ಪೆಟ್‌ನ್ನು ಬಳಸುತ್ತಾರೆ. ಯಾವ ಶೈಲಿಯ ನೆಲಕ್ಕೆ ಯಾವ ರೀತಿಯ ನೆಲಹಾಸು ಉತ್ತಮ ಎಂಬುದನ್ನು ತಿಳಿದು ಅದಕ್ಕೆ ತಕ್ಕಂತೆ ಕಾಪೆìಟ್‌ನ್ನು ತಯಾರಿಸುವುದು ಈ ಉದ್ಯೋಗವಾಗಿದೆ. ಹೊಸ ಹೊಸ ವಿನ್ಯಾಸಗಳನ್ನು ಮಾರುಕಟ್ಟೆಗೆ ನಿರಂತರವಾಗಿ ಪರಿಚಯಿಸುತ್ತಿರ ಬೇಕಾಗುತ್ತದೆ. ಈಗಾಗಲೇ ಇದೊಂದು ಉದ್ಯಮವಾಗಿ ಬೆಲೆಯುತ್ತಿದ್ದು ವಿಪುಲ ಅವಕಾಶಗಳು ಯುವ ಜನರಿಗಾಗಿ ಕಾಯುತ್ತಿವೆ.

ಇದನ್ನು ಉದ್ಯೋಗ ಕ್ಷೇತ್ರವನ್ನಾಗಿ ಆಯ್ದುಕೊಂಡವರಿಗೆ ವಾರ್ಷಿಕವಾಗಿ 1ಲಕ್ಷಕ್ಕಿಂತ ಅಧಿಕ ವೇತನ ದೊರೆಯುತ್ತವೆ. ಕೆಲಸದಲ್ಲಿ ಅನುಭವ ಹೆಚ್ಚಾದಂತೆ ಉದ್ಯೋಗದಲ್ಲಿ ಅವಕಾಶಗಳೂ ಹೆಚ್ಚುತ್ತಾ ಹೋಗುತ್ತವೆ. ಫ್ಯಾಶನ್‌ ಡಿಸೈನಿಂಗ್‌ಗೆ ಸಂಬಂಧಿಸಿದ ಕಂಪೆನಿಗಳಲ್ಲಿ ಉದ್ಯೋಗ ಲಭಿಸುತ್ತದೆ. ಪ್ರತಿ ದಿನದ ತರಗತಿ ಅಥವಾ ದೂರ ಶಿಕ್ಷಣದ ಮೂಲಕ ಈ ಕೋರ್ಸ್‌ನ್ನು ಆಯ್ಕೆ ಮಾಡಬಹುದಾಗಿದೆ. ಈ ಕೋರ್ಸ್‌ ಆಯ್ದುಕೊಳ್ಳುವವರಿಗೆ ಮುಖ್ಯವಾಗಿ ಮ್ಯಾಥ್ಸ್ ಮತ್ತು ಇಂಗ್ಲಿಷ್‌ ಭಾಷೆಯಲ್ಲಿ ಪ್ರೌಢಿಮೆ ಇರಬೇಕಾಗಿದೆ. ಕಂಪ್ಯೂಟರ್‌ ಜ್ಞಾನವೂ ಅಗತ್ಯ. ಹೊಸತನವನ್ನು ಇಷ್ಟಪಡುವವರು, ಕಲೆಯಲ್ಲಿ ಆಸಕ್ತಿ ಇರುವ ಎಲ್ಲರೂ ಇದರಲ್ಲಿ ತರಬೇತಿ ಪಡೆಯಬಹುದು.

ಎಲ್ಲಿ ಕಲಿಯಬಹುದು
ಕಾರ್ಪೆಟ್‌ ಟೆಕ್ನಾಲಜಿ ಎಂಬ ಕೋರ್ಸ್‌ ಇಂದು ಹಲವು ವಿಶ್ವವಿದ್ಯಾನಿಲಯಗಳಲ್ಲಿವೆ. ಉತ್ತರ ಪ್ರದೇಶದಲ್ಲಿ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಕಾರ್ಪೆಟ್‌ ಟೆಕ್ನಾಲಜಿ ಎಂಬ ವಿಭಾಗವಿದ್ದು ಇದರಲ್ಲಿ ನೆಲಹಾಸು ತರಬೇತಿ ನೀಡಲಾಗುತ್ತದೆ. ಡಿಗ್ರಿ ಹಾಗೂ ಡಿಪ್ಲೊಮಾ ಕೋರ್ಸ್‌ನ ಮೂಲಕ ಇದನ್ನು ಕಲಿಯಬಹುದಾಗಿದೆ. ಪಿಯುಸಿಯಲ್ಲಿ ರಸಾಯನ ಶಾಸ್ತ್ರ, ಭೌತ ಶಾಸ್ತ್ರ, ಗಣಿತ ವಿಷಯಗಳನ್ನು ಆಯ್ದುಕೊಂಡಿರುವವರು ನೆಲಹಾಸು ತರಬೇತಿಯನ್ನು ಉನ್ನತ ಶಿಕ್ಷಣಕ್ಕೆ ಆಯ್ದುಕೊಳ್ಳಬಹುದು.

-  ಸುಶ್ಮಿತಾ ಶೆಟ್ಟಿ ಸಿರಿಬಾಗಿಲು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಮಾರುಕಟ್ಟೆಯಲ್ಲಿ, ಮನೆಗಳಲ್ಲಿ ಅಲಂಕಾರಕ್ಕಾಗಿ ಬಳಸುವ ಪಾಂಟ್‌ಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಆಲಂಕಾರಿಕ ವಸ್ತುಗಳ ಬೇಡಿಕೆ ಹೆಚ್ಚಾಗುತ್ತಿದ್ದಂತೆ ಪಾಟ್‌ ಪೈಂಟಿಂಗ್‌ನಂತಹ...

  • ಸಮಯ ಎನ್ನುವುದು ಪ್ರತಿಯೊಬ್ಬ ಮನುಷ್ಯನ ಜೀವನದಲ್ಲಿ ಅತಿ ಅಗತ್ಯ. ಸಮಯ ಯಾವತ್ತೂ ನಿಲ್ಲುವುದಿಲ್ಲ. ಅದು ಓಡುತ್ತೀರುತ್ತದೆ. ವಿದ್ಯಾರ್ಥಿ ಜೀವನದಲ್ಲಂತೂ ಸಮಯದ...

  • ಸಾಹಿತ್ಯದಲ್ಲಿ ಹಲವು ಪ್ರಕಾರಗಳಿವೆ. ಅದರಲ್ಲಿ ಹಾಸ್ಯವೂ ಒಂದು. ಹಾಸ್ಯವನ್ನೇ ಕೇಂದ್ರವಾಗಿಟ್ಟುಕೊಂಡು ಅನೇಕ ಪುಸ್ತಕಗಳು ಬಂದಿವೆ. ಆದರೆ ಹಾಸ್ಯ ಕೃತಿಗಳಲ್ಲಿ...

  • ಮಕ್ಕಳು ಊಟ ಮಾಡಬೇಕಾದರೆ ಕೈಯಲ್ಲಿ ಮೊಬೈಲ್‌ ಕೊಟ್ಟು ಆಹಾರ ಉಣಿಸುವ ಸಮಯವಿದು. ಬೊಂಬೆಗಳು, ಉಯ್ನಾಲೆ, ಮಣ್ಣಿನಲ್ಲಿ ಮಕ್ಕಳು ಆಡುವ ಕಾಲ ಹೋಗಿದೆ. ಇನ್ನೇನಿದ್ದರೂ...

  • ಕಾರ್ಟೊಗ್ರಫಿ ಎಂಬುದು ಒಂದು ವಿಜ್ಞಾನವೂ ಹೌದು. ಜತೆಗೆ ಮಾನವನಿಗೆ ಪ್ರಯಾಣದ ಸಂದರ್ಭದಲ್ಲಿ ಸಹಾಯಕ್ಕೆ ಬರುವಂತಹ ನಕ್ಷೆ ತಯಾರಿಕೆಯ ಒಂದು ಕಲೆಯೂ ಹೌದು. ಮ್ಯಾಪ್‌,...

ಹೊಸ ಸೇರ್ಪಡೆ