ಫೇಸ್ ಬುಕ್ ನಲ್ಲಿ ನಮ್ಮವರ ಹುಡುಕಾಟ
Team Udayavani, Aug 22, 2018, 3:16 PM IST
ಆಧುನಿಕ ತಂತ್ರಜ್ಞಾನಗಳು ನಮ್ಮನ್ನು ಸ್ಪರ್ಧಾತ್ಮಕ ಜಗತ್ತಿನೆಡೆಗೆ ಒಯ್ಯುತ್ತಿವೆ. ಆದರೆ ನಮ್ಮ ಮೂಲ ನೆಲೆ, ನಮ್ಮವರಿಂದ ದೂರ ಮಾಡುತ್ತಿದೆ ಎಂಬ ವಿಚಾರದ ಕುರಿತು ಸುರಭಿ ಲತಾ ಬರೆದ ‘ಫೇಸ್ ಬುಕ್ ಕಥೆ’ ಮನೋಜ್ಞವಾಗಿ ಮೂಡಿಬಂದಿದೆ. ಸಂಬಂಧಗಳಲ್ಲಿ ಉಂಟಾಗಿರುವ ದೂರವನ್ನು ಆಧುನಿಕ ತಂತ್ರಜ್ಞಾನದ ಎಳೆಯೊಂದಿಗೆ ಬರೆದಿರುವ ಈ ಸಣ್ಣ ಕಥೆ ಮನಕಲಕುವಂತೆ ಮಾಡುತ್ತದೆ.
ಘಟನೆ 1
ಇಬ್ಬರು ಮುದುಕರು ಲ್ಯಾಪ್ ಟಾಪ್ ಅಂಗಡಿಗೆ ಬರುತ್ತಾರೆ. ಒಂದು ಒಳ್ಳೆಯ ಲ್ಯಾಪ್ ಟಾಪ್ ಕೇಳುತ್ತಾರೆ. ಲ್ಯಾಪ್ ಟಾಪ್ ಖರೀದಿಸಿದ ಮುದುಕರು ಇಂಟರ್ನೆಟ್ ಪ್ಯಾಕ್ ಹಾಕುವಂತೆ ಹೇಳುತ್ತಾರೆ? ಅಂಗಡಿಯ ಹುಡುಗನಿಗೆ ಆಶ್ಚರ್ಯ. ಈ ಮುದುಕರಿಗೆ ಏಕೆ ಲ್ಯಾಪ್ ಟಾಪ್? ಇವರು ಇದರಿಂದ ಏನು ಮಾಡುತ್ತಾರೆ? ಇಂಟರ್ನೆಟ್ನ ಅಗತ್ಯ ಏನಿದೆ?
ಘಟನೆ 2
ಇಂಟರ್ನೆಟ್ ಹಾಕಿಸಿದ ಬಳಿಕ ಅಂಗಡಿಯ ಹುಡುಗನ ಬಳಿ ಬಂದ ಮುದುಕರು ನಿನಗೆ ಫೇಸ್ ಬುಕ್ ಅಕೌಂಟ್ ತೆರೆಯುವುದು ಗೊತ್ತೇ? ಎಂದು ಪ್ರಶ್ನಿಸುತ್ತಾರೆ. ಆತ ಗೊತ್ತಿದೆ ಎನ್ನುತ್ತಾನೆ. ಹಾಗಾದರೆ ನಮಗೊಂದು ಫೇಸ್ ಬುಕ್ ಅಕೌಂಟ್ ತೆರೆದು ಕೊಡುತ್ತೀಯಾ ಎನ್ನುತ್ತಾರೆ. ಆಗ ಹುಡುಗ ಸರಿ ಎಂದು ಲ್ಯಾಪ್ ಟಾಪ್ ಪಡೆದು ಫೇಸ್ ಬುಕ್ ಅಕೌಂಟ್ ಓಪನ್ ಮಾಡುತ್ತಾನೆ. ಯಾರ ಹೆಸರಲ್ಲಿ ಮಾಡಲಿ ಎಂದು ಪ್ರಶ್ನಿಸುತ್ತಾನೆ. ಆಗ ಮುದುಕರು ಯಾರಾದರೊಬ್ಬರು ಫೇಮಸ್ ಹುಡುಗಿಯ ಹೆಸರಲ್ಲಿ ಮಾಡು ಎನ್ನುತ್ತಾರೆ. ಆಗ ಹುಡುಗನಿಗೆ ಇನ್ನಷ್ಟು ಅಚ್ಚರಿ. ಫೇಕ್ ಅಕೌಂಟ್ ಎನ್ನುತ್ತಾ ಆಶ್ಚರ್ಯ ವ್ಯಕ್ತಪಡಿಸುತ್ತಾನೆ.
ಘಟನೆ 3
ಫೇಸ್ ಬುಕ್ ನಲ್ಲಿ ಎಲ್ಲರೂ ತಮ್ಮ ಫ್ಯಾಮಿಲಿ ಫೋಟೋ ಹಾಕ್ತಾರಂತೆ. ನಮ್ಮನ್ನು ನೋಡಲು ಕಷ್ಟವಾಗುತ್ತೆ ಅಂತ ಹೆಂಡತಿ ಹೇಳಿದ್ದಕ್ಕೆ ಮಗ ಹೆಂಡತಿ, ಮಕ್ಕಳೊಂದಿಗೆ ದೂರದ ಊರಿಗೆ ಹೋದ. ಅವರನ್ನು ನೋಡಬೇಕು ಎಂದೆನಿಸುತ್ತಿದೆ. ಫೇಸ್ ಬುಕ್ನಲ್ಲಿ ಅವರು ಹಾಕಿರೋ ಫೋಟೋದಲ್ಲಾದರೂ ಅವರನ್ನು ನೋಡಬಹುದಲ್ವಾ ಎಂದು ಮುದುಕರು ಹೇಳಿದಾಗ ಹುಡುಗನ ಮುಖದಲ್ಲಿ ಬೇಸರದ ಛಾಯೆ.
ಫೇಸ್ ಬುಕ್, ವಾಟ್ಸಪ್ ಯುಗದಲ್ಲಿ ನಮಗೆ ಅರಿವಿಲ್ಲದಂತೆಯೇ ನಾವು ನಮ್ಮವರಿಂದ ಮರಳಿ ವಾಪಸ್ ಸೇರಲಾಗದಷ್ಟು ದೂರ ಹೋಗುತ್ತಿದ್ದೇವೆ. ಸಂಬಂಧಗಳ ಮೌಲ್ಯಗಳು ಕುಸಿಯುತ್ತಿವೆ. ಇದನ್ನು ಅರ್ಥಮಾಡಿಕೊಳ್ಳದಿದ್ದರೆ ಮುಂದೊಂದು ದಿನ ನಾವೂ ಪರಿತಪಿಸಬೇಕಾಗುವುದು ಎನ್ನುವುದನ್ನು ಮನೋಜ್ಞವಾಗಿ ಚಿತ್ರಿಸಿರುವ ಲೇಖಕರ ಈ ಕಥೆ ಪ್ರತಿಯೊಬ್ಬರೂ ಓದಲೇ
ಬೇಕು ಎನ್ನುವಂತಿದೆ.
ವಿದ್ಯಾ ಕೆ. ಇರ್ವತ್ತೂರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Baramasagara: ತಾನು ಕಲಿತ ಶಾಲೆಯಲ್ಲೇ ಮೊದಲ ಬಾರಿಗೆ ಮತ ಚಲಾಯಿಸಿದ ಯುವತಿ…
ಅರಂತೋಡು: ಬೈಕ್ – ಕಾರು ನಡುವೆ ಅಪಘಾತ… ಓರ್ವ ಮೃತ್ಯು
LS Polls: ಉಡುಪಿ, ದಕ್ಷಿಣ ಕನ್ನಡದಲ್ಲಿ ಶಾಂತಿಯುತ ಮತದಾನ… ಹಲವೆಡೆ ಕೈಕೊಟ್ಟ ಮತಯಂತ್ರ
Election: ಕರ್ನಾಟಕದ 14 ಲೋಕಸಭಾ ಕ್ಷೇತ್ರಗಳಲ್ಲಿ ಮೊದಲ ಹಂತದ ಮತದಾನ ಆರಂಭ… ಬಿಗಿ ಭದ್ರತೆ
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್