ಬಲಿಯೇಂದ್ರ ಭೂಮಿಗೆ ಬರುವ ದಿನ

Team Udayavani, Oct 26, 2019, 4:39 AM IST

ಅಂದು ದೀಪಾವಳಿಯ ದಿನ. ತಿಮ್ಮಕ್ಕಜ್ಜಿಯು ತನ್ನ ಮೊಮ್ಮಕ್ಕಳಾದ ರಾಮು, ಸೋಮು, ಗೀತಾ, ಭವ್ಯಾ ಇವರನ್ನು ಕುಳ್ಳಿರಿಸಿಕೊಂಡು ಕಥೆ ಹೇಳಲು ಪ್ರಾರಂಭಿಸಿದರು.

ಬಲಿಯೇಂದ್ರನಲ್ಲಿಗೆ ನಾರಾಯಣ ದೇವರು ಬಂದರು. ಮೂರು ಹೆಜ್ಜೆ ಜಾಗ ಕೇಳಿದರು. ಬಲಿಯೇಂದ್ರನು “ಆಯ್ತು’ ಎಂದು ಒಪ್ಪಿಕೊಂಡನು. ನಾರಾಯಣ ದೇವರು “ಇಷ್ಟು ಜಾಗ ಎಲ್ಲುಂಟು?’ ಎಂದು ಕೇಳಿದರು. “ನನಗೆ ಧಾರಾಳ ಭೂಮಿ ಉಂಟು. ಮೂರು ಹೆಜ್ಜೆ ಜಾಗ ಕೊಡುವುದಕ್ಕೆ ನನಗೇನೂ ತೊಂದರೆ ಇಲ್ಲ’ ಎಂದು ಬಲಿಯೇಂದ್ರನು ಹೇಳಿದನು. ನಾರಾಯಣ ದೇವರು ಅವನ ಇಡೀ ಭೂಮಿಗೆ ಒಂದು ಹೆಜ್ಜೆ ಇಟ್ಟರು. ಮತ್ತೂಂದು ಹೆಜ್ಜೆಯನ್ನು ಅವನ ಮನೆಯ

ಹಿತ್ತಿಲಲ್ಲಿ ಇಟ್ಟರು. “ಮೂರನೇ ಹೆಜ್ಜೆ ಎಲ್ಲಿ ಇಡುವುದು?’ ಎಂದು ಕೇಳಿದರು. “ನನ್ನ ತಲೆ ಮೇಲೆ ಇಡಿ’ ಅಂತ ಬಲಿಯೇಂದ್ರನು ಹೇಳಿದ. ಅದರಂತೆ ನಾರಾಯಣ ದೇವರು ಮೂರನೇ ಹೆಜ್ಜೆಯನ್ನು ಬಲಿಯೇಂದ್ರನ ತಲೆಗೆ ಇಟ್ಟು ಅವನನ್ನು ಭೂಮಿ ಒಳಗೆ ತಳ್ಳಿದರು. ಆಗ ಬಲಿಯೇಂದ್ರನು, “ನಾನು ಯಾವಾಗ ಬರಬೇಕು?’ಎಂದು ಕೇಳಿದನು. “ನೀನು ವರ್ಷಕ್ಕೊಮ್ಮೆ ಅಮಾವಾಸ್ಯೆ ಪಾಡ್ಯದಂದು ಭೂಮಿಗೆ ಬರಬೇಕು’ ಎಂದು ದೇವರು ಉತ್ತರಿಸಿದರು.

ಆ ಪದ್ಧತಿಯಂತೆ ಬಲಿಯೇಂದ್ರನು ವರ್ಷಕ್ಕೊಮ್ಮೆ ಅಮಾವಾಸ್ಯೆ ಪಾಡ್ಯದಂದು ಭೂಮಿಗೆ ಬರುತ್ತಾನೆ. ಆ ದಿನವನ್ನೇ ನಾವು ಬಲಿಯೇಂದ್ರನನ್ನು ಪೂಜಿಸಿ ದೀಪಾವಳಿ ಆಚರಿಸುತ್ತೇವೆ. ಹಿರಿಯರು ಬಲಿಯೇಂದ್ರ ಮರವನ್ನು ಅಂಗಳದಲ್ಲಿ ನೆಟ್ಟು ಹೂಗಳಿಂದ ಅಲಂಕರಿಸಿ ಪೂಜಿಸುತ್ತಾರೆ. ಮಕ್ಕಳು ಮನೆಯಂಗಳದ ಎದುರು ದೀಪಗಳನ್ನು ಹಚ್ಚಿ ಪಟಾಕಿ ಸಿಡಿಸಿ ಸಂಭ್ರಮಿಸುತ್ತಾರೆ. ಅಜ್ಜಿಯು ಕಥೆ ಹೇಳಿ ಮುಗಿಸಿದರು.

ಕೀರ್ತಿ ಕೆ.ಬಿ., 7ನೇ ತರಗತಿ,
ಸ.ಉ.ಹಿ.ಪ್ರಾ.ಶಾಲೆ ಮುರುಳ್ಯ, ಸುಳ್ಯ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ