Udayavni Special

ಕ್ಷಯ ಪರೀಕ್ಷೆ – ಪತ್ತೆಗೆ ಸಿಬಿ ನ್ಯಾಟ್‌ (ಜೀನ್‌ ಎಕ್ಸ್‌ಪರ್ಟ್‌)


Team Udayavani, Mar 22, 2020, 4:45 AM IST

Gene-Xpert

ನಮ್ಮ ದೇಶದಲ್ಲಿ ಕ್ಷಯ ರೋಗ (Tuberculosis) ವನ್ನು ಪತ್ತೆ ಮಾಡುವುದು (Diagnosis) ಮತ್ತು ಸೂಕ್ತ ಚಿಕಿತ್ಸೆ ನೀಡುವುದು ಇನ್ನೂ ದೊಡ್ಡ ಸವಾಲಾಗಿಯೇ ಉಳಿದಿದೆ. ರೋಗಕಾರಕ ಕ್ರಿಮಿ ಮೈಕ್ರೊಬ್ಯಾಕ್ಟೀರಿಯಂ ಟ್ಯುಬರ್‌ಕ್ಯುಲೋಸಿಸ್‌ (Mycobacterium Tuberculosis) ಬಗ್ಗೆ ಶತಮಾನಗಳಿಂದಲೂ ಅರಿವಿದ್ದರೂ; 4-5 ದಶಕಗಳಿಂದ ಚಿಕಿತ್ಸೆಗೆ ಬೇಕಾದ ಔಷಧಗಳು ಬಳಕೆಯಲ್ಲಿದ್ದರೂ ರೋಗದ ನಿಖರವಾದ ಪತ್ತೆ ಮತ್ತು ಸರಿಯಾದ ಚಿಕಿತ್ಸೆ ಸಂಪೂರ್ಣವಾಗಿ ಸಿಗದೆ, ಪಡೆದುಕೊಳ್ಳದೆ ಪ್ರತೀ ವರ್ಷ ದೇಶದಲ್ಲಿ ಸುಮಾರು 4.5 ಲಕ್ಷ ಜನರು ಸಾವನ್ನಪ್ಪುತ್ತಿದ್ದಾರೆ.

ಕ್ಷಯ ರೋಗದ ಪತ್ತೆಗೆ ಇತ್ತೀಚಿನ ವರೆಗೆ ನಮ್ಮ ದೇಶದಲ್ಲಿ ಸೂಕ್ಷ್ಮ ದರ್ಶಕ (Microscopy)ದ ಮೂಲಕ ಕಫ‌ ಪರೀಕ್ಷೆ ಮತ್ತು ಎದೆಗೂಡಿನ ಕ್ಷ-ಕಿರಣವೇ ಮುಖ್ಯವಾದ ಸಾಧನಗಳಾಗಿದ್ದವು. ಸೂಕ್ಷ್ಮದರ್ಶಕದ ಮೂಲಕ ಮಾಡುವ ಕಫ‌ ಪರೀಕ್ಷೆ ಫ‌ಲಿತಾಂಶ ಶೇ.50-60 ಮಾತ್ರ ನಿಖರವಾಗಿರುವುದರಿಂದ ಶೇ.40-50 ರೋಗಿಗಳ ರೋಗ ಪತ್ತೆಯಾಗದಿರುವ ಸಾಧ್ಯತೆಗಳಿವೆ. ಆದ್ದರಿಂದ ಕಫ‌ ಪರೀಕ್ಷೆ ಕನಿಷ್ಟ ಎರಡು ಬಾರಿ ಮಾಡುವ ಅಗತ್ಯ ಇದೆ. ಕೇವಲ ಎದೆಗೂಡಿನ ಕ್ಷ-ಕಿರಣದಿಂದ ಮಾತ್ರ ಕ್ಷಯ ರೋಗವನ್ನು ಪತ್ತೆ ಮಾಡುವುದು ಕಷ್ಟಕರ. ರೋಗ ಪತ್ತೆಗೆ ಯಾವುದೇ ನಿಖರ ರಕ್ತ ಪರೀಕ್ಷೆಗಳಿಲ್ಲ. ಇದಕ್ಕೆ ವಿರುದ್ಧವಾಗಿ ಸರಕಾರ ಇತ್ತೀಚೆಗೆ ಕ್ಷಯ ರೋಗವನ್ನು ಕೇವಲ ರಕ್ತ ಪರೀಕ್ಷೆ (IgG/IgM ELISA) ಆಧಾರದಲ್ಲಿ ಮಾಡುವುದನ್ನು ನಿಷೇಧಿಸಿದೆ.

ಈ ಹಿನ್ನೆಲೆಯಲ್ಲಿ ಸರಕಾರ ದೇಶಾದ್ಯಂತ CBNAAT (Catridge Based Nucleic Acid Amplification Test) ಎಂಬ ಕ್ಷಯ ರೋಗವನ್ನು ಪತ್ತೆ ಮಾಡಬಲ್ಲ ಆಧುನಿಕ ಉಪಕರಣವನ್ನು ಪ್ರತೀ ಜಿಲ್ಲೆಗಳಲ್ಲಿ ನಿಯೋಜಿಸಿದೆ. ಇದೊಂದು ಮಾಲೆಕ್ಯುಲಾರ್‌ (Molecular) ವಿಧಾನದಿಂದ ರೋಗಾಣುಗಳನ್ನು ತೀಕ್ಷ್ಣವಾಗಿ ನಿಖರವಾಗಿ ಪತ್ತೆ ಮಾಡಬಲ್ಲ ಸಾಧನವಾಗಿದ್ದು, ಪ್ರಪಂಚದಾದ್ಯಂತ ಹಲವಾರು ದೇಶಗಳಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯ ಶಿಫಾರಸಿನಂತೆ ಬಳಕೆಯಲ್ಲಿದೆ. ಈ ಉಪಕರಣದಿಂದ ಮುಖ್ಯವಾಗಿ ರೋಗಿಯ ಕಫ‌ದಲ್ಲಿರುವ ಅಥವಾ ಕ್ಷಯ ರೋಗಕ್ಕೆ ತುತ್ತಾದ ದೇಹದ ಭಾಗಗಳಿಂದ ಅಂಗಾಂಶ ಮಾದರಿ- Lymph nodes, Fluid samples, CSF, Ascitic, Synovil fluid ಅಥವಾ Gastric Aspirateಗಳಿಂದ ರೋಗವಿರುವುದನ್ನು ಕೆಲವೇ ತಾಸುಗಳಲ್ಲಿ ಖಚಿತಪಡಿಸಿಕೊಳ್ಳಬಹುದು. ಸಾಮಾನ್ಯವಾಗಿ ಸೂಕ್ಷ್ಮ ದರ್ಶಕ ವಿಧಾನದ ಕಫ‌ ಪರೀಕ್ಷೆಯಲ್ಲಿ ರೋಗಾಣುಗಳು ಕಂಡು ಬರಬೇಕಾದರೆ 1 ಮಿ.ಲೀ. ಕಫ‌ದಲ್ಲಿ ಸುಮಾರು 5,000-10,000 ರೋಗಾಣುಗಳಿರುವುದು ಅಗತ್ಯವಾದರೆ ಸಿಬಿ ನ್ಯಾಟ್‌ ಉಪಕರಣದಲ್ಲಿ 1 ಮಿ.ಲೀ. ಕಫ‌ದ ಮಾದರಿಯಲ್ಲಿ ಕೇವಲ 50-150 ರೋಗಾಣುಗಳಿದ್ದರೂ ರೋಗವಿರುವುದನ್ನು ಪತ್ತೆ ಹಚ್ಚಬಲ್ಲದು. ಈ ಉಪಕರಣದ ಮತ್ತೂಂದು ವಿಶೇಷತೆಯೆಂದರೆ ಕಫ‌ ಅಥವಾ ಇತರ ಮಾದರಿಗಳಲ್ಲಿ ರೋಗಾಣುಗಳಿರುವುದನ್ನು ನಿಖರವಾಗಿ ಪತ್ತೆ ಮಾಡುವುದಲ್ಲದೆ ಕ್ಷಯ ರೋಗದ ಚಿಕಿತ್ಸೆಗೆ ಬೇಕಾದ ಮುಖ್ಯವಾದ ಔಷಧ ರಿಫಾಂಪಿಸಿನ್‌ (Rifampicin) ರೋಗಾಣುಗಳಿಗೆ ಪರಿಣಾಮಕಾರಿಯೇ (Sensitive) ಅಥವಾ ಈಗಾಗಲೇ ಅವುಗಳು ಒಗ್ಗಿಕೊಂಡಿವೆಯೇ (Resistance) ಎಂಬುದನ್ನು ಕೂಡ ತಿಳಿಯಲು ಸಾಧ್ಯವಾಗುತ್ತದೆ.

ಯಾವುದೇ ಸೂಕ್ಷ್ಮ ದರ್ಶಕ (Microscopy) ವಿಧಾನದಿಂದ ಪತ್ತೆಯಾದ ಕ್ಷಯ ರೋಗಿಗಳಲ್ಲಿ ಕೆಲವು ರೋಗಿಗಳು ಅದಾಗಲೇ ಔಷಧ ನಿರೋಧಕ ಕ್ಷಯ ರೋಗಿಗಳಾಗುವ ಸಾಧ್ಯತೆಯಿರುವುದರಿಂದ (Drug resistance Tuberculosis) ಅಂತಹ ಕ್ಷಯ ರೋಗಿಗಳಿಗೆ ಸಾಮಾನ್ಯವಾಗಿ ನೀಡುವ ಆರು ತಿಂಗಳಿನ CAT-I ಚಿಕಿತ್ಸೆ ಫ‌ಲಕಾರಿಯಾಗದೇ ಇರಬಹುದು. ಆದ್ದರಿಂದ ಇತ್ತೀಚಿನ ಸರಕಾರದ ಆದೇಶ Universal DST ಪ್ರಕಾರ ಯಾವುದೇ ವೈದ್ಯರು ಕ್ಷಯ ರೋಗಿಗೆ ಚಿಕಿತ್ಸೆ ನೀಡುವ ಮೊದಲು ಚಿಕಿತ್ಸೆಗೆ ಸಾಮಾನ್ಯವಾಗಿ ಬಳಸುವ HREZ ಔಷಧಗಳಲ್ಲಿ ಕನಿಷ್ಟ Rifampicin ಮತ್ತು INHಗಳಿಗೆ ರೋಗಿಯ ರೋಗಾಣುಗಳು ಪರಿಣಾಮಕಾರಿಯಾಗಿರುವುದನ್ನು ಖಚಿತಪಡಿಸಿಕೊಳ್ಳಬೇಕಾಗುತ್ತದೆ. ಆದ್ದರಿಂದ ವೈದ್ಯರು ಯಾವುದೇ ಕ್ಷಯ ರೋಗಿಗೆ ಚಿಕಿತ್ಸೆ ನೀಡುವ ಮೊದಲು ಅದನ್ನು ಖಚಿತಪಡಿಸಿಕೊಳ್ಳಲು CBNAAT ಮತ್ತು LPA ಪರೀಕ್ಷೆಗೆ ಒಳಪಡಿಸುವುದು ಕಡ್ಡಾಯವಾಗಿದೆ. ಇದಕ್ಕಾಗಿ ರೋಗಿಯ ಕಫ‌ ಅಥವಾ ಇತರ ಅಂಗಾಂಶಗಳ ಎರಡು ಮಾದರಿಗಳನ್ನು ಜಿಲ್ಲಾ ಕೇಂದ್ರಗಳಲ್ಲಿರುವ ಸಿಬಿ ನ್ಯಾಟ್‌ ಪರೀಕ್ಷಾ ಕೇಂದ್ರಗಳಿಗೆ ಕಳುಹಿಸಬೇಕು. ಮಾದರಿಗಳನ್ನು ಪರೀಕ್ಷೆಗಾಗಿ ಜಿಲ್ಲಾ ಕೇಂದ್ರಕ್ಕೆ ಕಳುಹಿಸುವ ವಿವರಗಳಿಗಾಗಿ ಸಮೀಪದ ಸರಕಾರಿ ಆರೋಗ್ಯ ಕೇಂದ್ರ, ತಾಲೂಕು ಆಸ್ಪತ್ರೆಗಳನ್ನು ಸಂಪರ್ಕಿಸಬಹುದು.

ಸಿಬಿ ನ್ಯಾಟ್‌ ಪರೀಕ್ಷೆಯು ಖಚಿತವಾಗಿ ಕ್ಷಯ ರೋಗ ಇದೆ ಅಥವಾ ಇಲ್ಲ ಎಂದು ವರದಿ ನೀಡುವುದಲ್ಲದೆ ರೋಗವಿದ್ದರೆ ಆ ರೋಗಾಣು ರಿಫಾಂಪಿಸಿನ್‌ಗೆ ಸಂವೇದನಶೀಲವಾಗಿದೆ ಎನ್ನುವ ವರದಿಯನ್ನು ಕೆಲವೇ ತಾಸುಗಳಲ್ಲಿ ನೀಡಬಲ್ಲದು. ಆ ಜಿಲ್ಲಾ ಕೇಂದ್ರದಿಂದ ರೋಗಿಯ ಇನ್ನೊಂದು ಮಾದರಿಯನ್ನು INH Sensitive ಪರೀಕ್ಷೆಗಾಗಿ ಎಲ್‌ಪಿಎ ಪರೀಕ್ಷಾ ಕೇಂದ್ರಗಳಿಗೆ ಕಳುಹಿಸಲಾಗುತ್ತದೆ. ಈ ಪರೀಕ್ಷೆಯಲ್ಲಿ ರೋಗಿಯಲ್ಲಿರುವ ರೋಗಾಣುಗಳು ಐಎನ್‌ಎಚ್‌ಗೆ ಸಂವೇದಶೀಲವಾಗಿವೆ ಅಥವಾ ಇಲ್ಲ ಎನ್ನುವುದನ್ನು ವರದಿ ಮಾಡುತ್ತದೆ. ಈ ಎರಡೂ ಪರೀಕ್ಷೆಗಳಲ್ಲಿ ರೋಗಿಯ ರೋಗಾಣುಗಳು ರಿಫಾಂಪಿಸಿನ್‌ ಮತ್ತು ಐಎನ್‌ಎಚ್‌ಗೆ ಪರಿಣಾಮಕಾರಿ ಎಂದು ಕಂಡುಬಂದಲ್ಲಿ ಮಾತ್ರ ಸಿಎಟಿ-1 ಚಿಕಿತ್ಸೆಯಾದ 2 ತಿಂಗಳು HREZ ಸಂಯೋಜಿತ ಔಷಧಗಳನ್ನು ಮತ್ತು ಅನಂತರ 4 ತಿಂಗಳು HRE ಸಂಯೋಜಿತ ಔಷಧಗಳನ್ನು ಆ ರೋಗಿಗೆ ನೀಡಬೇಕಾಗುತ್ತದೆ.

ಈ ಪರೀಕ್ಷೆಗಳಲ್ಲಿ ರಿಫಾಂಪಿಸಿನ್‌ ಮತ್ತು ಐಎನ್‌ಎಚ್‌ಔಷಧಗಳಿಗೆ ಪ್ರತಿರೋಧ ಕಂಡುಬಂದಲ್ಲಿ ಅದನ್ನು ಪ್ರತಿರೋಧಿತ ಕ್ಷಯ ರೋಗವೆಂದು ಪರಿಗಣಿಸಿ ಅದಕ್ಕೆ ಸೂಕ್ತ ಇತರೆ ಪರೀಕ್ಷೆಗಳನ್ನು (LPA II, Culture) ಮಾಡಿ ನಿಗದಿತ ಬೇರೆ ಚಿಕಿತ್ಸೆಯನ್ನು ನೀಡಬೇಕಾಗುವುದು. ಈ ಎಲ್ಲ ಪರೀಕ್ಷೆಗಳು, ಚಿಕಿತ್ಸೆಗೆ ಸಂಬಂಧಪಟ್ಟ ಔಷಧಗಳು ಯಾವುದೇ ರೋಗಿಗಳಿಗೆ ಉಚಿತವಾಗಿ ನೀಡಲಾಗುವುದು. ಅಲ್ಲದೇ ರೋಗಿಗೆ ಚಿಕಿತ್ಸೆ ಮುಗಿಯುವವರೆಗೆ ಮಾಸಿಕ ರೂ.500 ಭತ್ತೆ ನೀಡಲಾಗುವುದು. ಪ್ರತೀ ವೈದ್ಯರು ತಾವು ಪತ್ತೆ ಮಾಡಿದ ಕ್ಷಯ ರೋಗಿಯ ವಿವರಗಳನ್ನು ಕ್ಷಯ ರೋಗ ನಿರ್ಮೂಲನಾಧಿಕಾರಿಗಳಿಗೆ ಕಡ್ಡಾಯವಾಗಿ ವರದಿ ಮಾಡಬೇಕಾಗುತ್ತದೆ. ಯಾವುದೇ ವ್ಯಕ್ತಿಯಲ್ಲಿ ಕ್ಷಯ ರೋಗ ಪತ್ತೆಯಾದಲ್ಲಿ ಆರೋಗ್ಯ ಇಲಾಖೆಯ ವತಿಯಿಂದ ಇತರ ಸಾರ್ವಜನಿಕ ಆರೋಗ್ಯ ಕ್ರಮಗಳನ್ನು ಕೈಗೊಳ್ಳುವುದು ಅಗತ್ಯವಾಗಿರುವುದರಿಂದ ಪತ್ತೆಯಾದ ಕ್ಷಯ ರೋಗಿಗಳ ವಿವರಗಳನ್ನು ಅಧಿಕಾರಿಗಳಿಗೆ ವರದಿ ಮಾಡದೇ ಇರುವುದು ಈಗ ಶಿಕ್ಷಾರ್ಹ ಕ್ರಮವೆಂದು ಪರಿಗಣಿಸಲಾಗಿದೆ. ಹಾಗೂ ಕ್ಷಯ ರೋಗವನ್ನು ವರದಿ ಮಾಡಿದ ಯಾವುದೇ ವೈದ್ಯರುಗಳಿಗೆ ಪ್ರೋತ್ಸಾಹ ಧನವನ್ನು ಸಹ ನೀಡಲಾಗುತ್ತದೆ.

ಎಚ್‌ಐವಿ ಸೋಂಕು ಹೊಂದಿರುವವರಿಗೆ, ಅಪೌಷ್ಟಿಕತೆಯಿಂದ ಬಳಲುತ್ತಿರುವವರಿಗೆ, ಈಗಾಗಲೇ ಒಂದು ಸಲ ಕ್ಷಯ ರೋಗಕ್ಕೆ ಚಿಕಿತ್ಸೆ ಪಡೆದವರು, ಕ್ಷ-ಕಿರಣದಲ್ಲಿ ಕ್ಷಯ ರೋಗದ ಲಕ್ಷಣಗಳು ಕಂಡುಬಂದಲ್ಲಿ, ಆರೋಗ್ಯ ಕಾರ್ಯಕರ್ತರಿಗೆ, ಮಧುಮೇಹ ರೋಗದಿಂದ ಬಳಲುತ್ತಿರುವವರು, ಸ್ಟಿರಾಯ್ಡ ಚಿಕಿತ್ಸೆ ಪಡೆದುಕೊಳ್ಳುತ್ತಿರುವವರು, ಗರ್ಭಿಣಿ ಮಹಿಳೆಯರಲ್ಲಿ ಯಾವುದೇ ವೈದ್ಯರು ಕ್ಷಯ ರೋಗ ಇರುವುದನ್ನು ಶಂಕಿಸಿದರೆ ಅಂತವರಿಗೆ ನೇರವಾಗಿ CBNAAT & LPA ಪರೀಕ್ಷೆ ಮಾಡುವುದು ಕಡ್ಡಾಯವಾಗಿದೆ.

ಈಗ ಸದ್ಯದಲ್ಲಿಯೇ ದೇಶದಲ್ಲಿಯೇ ತಯಾರಾದ CBNAAT ಯಂತ್ರದ ಸಣ್ಣ ಮಾದರಿಯ True NAT ಯಂತ್ರಗಳು ತಾಲೂಕು ಮಟ್ಟದ ಆಸ್ಪತ್ರೆಗಳಲ್ಲಿ ಸಹ ಕಾಣಿಸಿಕೊಳ್ಳಲಿವೆ. ಇದರಿಂದಾಗಿ ಪ್ರತೀ ವೈದ್ಯರು ಕ್ಷಯ ಪರೀಕ್ಷೆಗಾಗಿ ಮಾದರಿಗಳನ್ನು ಜಿಲ್ಲಾ ಕೇಂದ್ರಗಳಿಗೆ ಕಳುಹಿಸುವ ಅಗತ್ಯ ಕಡಿಮೆಯಾಗಿ ರೋಗ ಪತ್ತೆ ಕಾರ್ಯ ಇನ್ನಷ್ಟು ಸುಲಭವಾಗಬಹುದು.

ಡಾ| ಅಶ್ವಿ‌ನಿ ಕುಮಾರ್‌ ಗೋಪಾಡಿ,
ಅಡಿಶನಲ್‌ ಪ್ರೊಫೆಸರ್‌ , ಕಮ್ಯೂನಿಟಿ ಮೆಡಿಸಿನ್‌, ಕೆಎಂಸಿ, ಮಣಿಪಾಲ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಮ್ಯಾಂಚೆಸ್ಟರ್ ಅಂಗಣದಲ್ಲಿ ಸಚಿನ್, ಕುಂಬ್ಲೆ ಸೃಷ್ಟಿಸಿದ ಇತಿಹಾಸಕ್ಕೆ 30ರ ಸಂಭ್ರಮ

ಮ್ಯಾಂಚೆಸ್ಟರ್ ಅಂಗಣದಲ್ಲಿ ಸಚಿನ್, ಕುಂಬ್ಳೆ ಸೃಷ್ಟಿಸಿದ ಇತಿಹಾಸಕ್ಕೆ 30ರ ಸಂಭ್ರಮ

ಖ್ಯಾತ ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರ: ವೈದ್ಯರು

ಖ್ಯಾತ ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರ: ವೈದ್ಯರು

ಟಾಪ್‌ ಸೀಡ್‌ ಓಪನ್‌ ಟೆನಿಸ್‌: ವೀನಸ್‌ಗೆ ಸೋಲುಣಿಸಿದ ಸೋದರಿ ಸೆರೆನಾ

ಟಾಪ್‌ ಸೀಡ್‌ ಓಪನ್‌ ಟೆನಿಸ್‌: ವೀನಸ್‌ಗೆ ಸೋಲುಣಿಸಿದ ಸೋದರಿ ಸೆರೆನಾ

ತುಂಗಾ ನದಿಗೆ ಹಾರಿದ ಪ್ರೇಮಿಗಳು: ಯುವತಿಯ ರಕ್ಷಣೆ, ಯುವಕ ನೀರುಪಾಲು

ತುಂಗಾ ನದಿಗೆ ಹಾರಿದ ಪ್ರೇಮಿಗಳು: ಯುವತಿಯ ರಕ್ಷಣೆ, ಯುವಕ ನೀರುಪಾಲು

ಐಪಿಎಲ್ ಅಭ್ಯಾಸಕ್ಕಾಗಿ ಚೆನ್ನೈಗೆ ತೆರಳಿದ ರೈನಾ, ಚಹರ್‌, ಚಾವ್ಲಾ

ಐಪಿಎಲ್ ಅಭ್ಯಾಸಕ್ಕಾಗಿ ಚೆನ್ನೈಗೆ ತೆರಳಿದ ರೈನಾ, ಚಹರ್‌, ಚಾವ್ಲಾ

ಇಂಗ್ಲೆಂಡ್ ಪ್ರವಾಸಕ್ಕೆ ಆಸೀಸ್‌ ತಂಡ ಪ್ರಕಟ: ಮರಳಿದ ಮ್ಯಾಕ್ಸ್‌ವೆಲ್‌, ಸ್ಟೋಯಿನಿಸ್‌

ಇಂಗ್ಲೆಂಡ್ ಪ್ರವಾಸಕ್ಕೆ ಆಸೀಸ್‌ ತಂಡ ಪ್ರಕಟ: ಮರಳಿದ ಮ್ಯಾಕ್ಸ್‌ವೆಲ್‌, ಸ್ಟೋಯಿನಿಸ್‌

ಬಂಡಾಯ ಶಮನ; ವಿಶ್ವಾಸಮತ ಗೆದ್ದ ರಾಜಸ್ಥಾನ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್

ಬಂಡಾಯ ಶಮನ; ವಿಶ್ವಾಸಮತ ಗೆದ್ದ ರಾಜಸ್ಥಾನ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಸ್ವಯಂ ಪ್ರೇರಿತ ದೇಹದಾನ

ಸ್ವಯಂ ಪ್ರೇರಿತ ದೇಹದಾನ

ಕೋವಿಡ್‌ 19 ಸಂದರ್ಭದಲ್ಲಿ ಸ್ತನ್ಯಪಾನ

ಕೋವಿಡ್‌ 19 ಸಂದರ್ಭದಲ್ಲಿ ಸ್ತನ್ಯಪಾನ

ಆರೋಗ್ಯಕರ ವಿಶ್ವಕ್ಕೆ ಅತ್ಯುತ್ತಮ ಅಭ್ಯಾಸಗಳು

ಆರೋಗ್ಯಕರ ವಿಶ್ವಕ್ಕೆ ಅತ್ಯುತ್ತಮ ಅಭ್ಯಾಸಗಳು

EDITION–TDY-2

ಜೀರ್ಣಾಂಗ ವ್ಯೂಹ ಮತ್ತು ಕಶ್ಮಲ ನೀರಿನಲ್ಲಿ ಕೋವಿಡ್‌-19 ವೈರಸ್‌: ಹೊಸ ಮಾಹಿತಿಗಳು

ಪರಿದಂತ ಕಾಯಿಲೆಗಳ ಸ್ಥೂಲ ಚಿತ್ರಣ

ಪರಿದಂತ ಕಾಯಿಲೆಗಳ ಸ್ಥೂಲ ಚಿತ್ರಣ

MUST WATCH

udayavani youtube

ಕರಂಬಾರು ಭಜನಾ ಮಂದಿರದಲ್ಲಿ ವಿದ್ಯಾಗಮ ಯೋಜನೆಯಡಿಯಲ್ಲಿ ಮಕ್ಕಳಿಗೆ ಪಾಠ

udayavani youtube

Gendun Gyatso Lama : ನಾನೇಕೆ ಭಾರತಕ್ಕೆ ಓಡಿ ಬಂದೆ? ಸ್ವಾತಂತ್ರ್ಯದ ಓಟ

udayavani youtube

ಅನಂತ ಕುಮಾರ್ ಹೇಳಿಕೆ ವಿರೋಧಿಸಿ BSNL Employees Union ಮಂಗಳೂರು ವತಿಯಿಂದ ಪ್ರತಿಭಟನೆ

udayavani youtube

ವರ್ಷಕ್ಕೊಮ್ಮೆಯಾದರೂ ಭೂಮಿತಾಯಿಯ ಸೇವೆಯನ್ನು ಮಾಡೋಣ ಎಂದು ವಿನಂತಿಸಿದ ಕೃಷಿಕ Rangayya Naik

udayavani youtube

ಪಾರಂಪರಿಕ ಕುಂಬಾರಿಕೆ ವೃತ್ತಿಗೆ Modern Touch | Traditional Pottery Making



ಹೊಸ ಸೇರ್ಪಡೆ

ಮ್ಯಾಂಚೆಸ್ಟರ್ ಅಂಗಣದಲ್ಲಿ ಸಚಿನ್, ಕುಂಬ್ಲೆ ಸೃಷ್ಟಿಸಿದ ಇತಿಹಾಸಕ್ಕೆ 30ರ ಸಂಭ್ರಮ

ಮ್ಯಾಂಚೆಸ್ಟರ್ ಅಂಗಣದಲ್ಲಿ ಸಚಿನ್, ಕುಂಬ್ಳೆ ಸೃಷ್ಟಿಸಿದ ಇತಿಹಾಸಕ್ಕೆ 30ರ ಸಂಭ್ರಮ

ಖ್ಯಾತ ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರ: ವೈದ್ಯರು

ಖ್ಯಾತ ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರ: ವೈದ್ಯರು

ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ಮತ್ತು ಭಾರತ : ಒಂದು ಅವಲೋಕನ

ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ಮತ್ತು ಭಾರತ : ಒಂದು ಅವಲೋಕನ

ಟಾಪ್‌ ಸೀಡ್‌ ಓಪನ್‌ ಟೆನಿಸ್‌: ವೀನಸ್‌ಗೆ ಸೋಲುಣಿಸಿದ ಸೋದರಿ ಸೆರೆನಾ

ಟಾಪ್‌ ಸೀಡ್‌ ಓಪನ್‌ ಟೆನಿಸ್‌: ವೀನಸ್‌ಗೆ ಸೋಲುಣಿಸಿದ ಸೋದರಿ ಸೆರೆನಾ

ಕ್ರಿಕೆಟಿಗ ಸ್ವಪ್ನಿಲ್‌-ಟೆನಿಸ್‌ ಆಟಗಾರ್ತಿ ಋತುಜಾ ನಿಶ್ಚಿತಾರ್ಥ

ಕ್ರಿಕೆಟಿಗ ಸ್ವಪ್ನಿಲ್‌-ಟೆನಿಸ್‌ ಆಟಗಾರ್ತಿ ಋತುಜಾ ನಿಶ್ಚಿತಾರ್ಥ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.