ಏನೋ ಕೇಳ್ಬೇಕು, ಆದ್ರೆ ಭಯ…

Team Udayavani, May 7, 2019, 7:53 PM IST

ನಿನ್ನ ಕುಡಿ ಹುಬ್ಬು, ವಾರೆಗಣ್ಣಿನ ನೋಟ, ಕಿರುನಗೆಯನ್ನು ನೆನಪಿಸಿಕೊಂಡರೂ ನನ್ನ ಮನಸ್ಸು ಹಕ್ಕಿಯಂತೆ ಹಾರುತ್ತದೆ. ನಿನ್ನ ಕಾಲ್ಗೆಜ್ಜೆಯ ನಾದ, ನನ್ನೆದೆಯ ತುಂಬಾ ಮಾರ್ದನಿಸುವಾಗ ಹೃದಯದಲ್ಲೇನೋ ಅರಿಯದ ಚಟುವಟಿಕೆ.

ಕಂಡ ಕಂಡ ಹುಡುಗಿಯರನ್ನೆಲ್ಲಾ ಅಕ್ಕ ತಂಗಿಯರೆಂದು ಕರೆಯುತ್ತಿದ್ದ ನನ್ನ ಬಾಯಿಗೆ ಬೀಗ ಬಿದ್ದಿದ್ದು ನಿನ್ನನ್ನು ನೋಡಿದಾಗಲೇ. ನಿನ್ನ ಮಾರುದ್ದದ ಜಡೆಯೇ ನನ್ನ ಹೃದಯವನ್ನು ಕಟ್ಟಿ ಹಾಕಿತ್ತು. ಹೇಗಾದರೂ ಮಾಡಿ ನಿನ್ನ ಸ್ನೇಹ ಸಂಪಾದಿಸಬೇಕು ಅಂದುಕೊಂಡವನಿಗೆ ನೆನಪಾಗಿದ್ದು ಫೇಸ್‌ಬುಕ್‌.

ಅಂದು ರಾತ್ರಿ ದಿಂಬಿಗೆ ತಲೆ ಕೊಟ್ಟು ಫೇಸ್‌ಬುಕ್‌ನಲ್ಲಿ ನಿನ್ನ ಹೆಸರನ್ನು ಟೈಪ್‌
ಮಾಡುವಾಗ ಬೆರಳ ತುದಿಯೂ ಪುಳಕಗೊಂಡಿತ್ತು. ನಿನ್ನ ಫೋಟೊಗಳನ್ನು ನೋಡುತ್ತಾ, ಬೆಳಗಾಗಿದ್ದೇ ತಿಳಿಯಲಿಲ್ಲ. ಅಂತೂ, ಪ್ರೇಮ ಜಾಗರಣೆಯ ಕೊನೆಯ ಹಂತವಾಗಿ, ಮೆಸೆಂಜರ್‌ ಮೂಲಕ ಸಂದೇಶವೊಂದನ್ನು ನಿನಗೆ ಕಳುಹಿಸಿ ನಿಟ್ಟುಸಿರುಬಿಟ್ಟೆ. ಅಚ್ಚರಿ ಎಂಬಂತೆ, ಕೆಲವೇ ಕ್ಷಣಗಳಲ್ಲಿ ನೀನು ಪ್ರತಿಕ್ರಿಯೆ ನೀಡಿಬಿಟ್ಟೆ! ಆಗ ನಾನು ಕುಣಿದು ಕುಪ್ಪಳಿಸುವುದೊಂದೇ ಬಾಕಿ.

ಸಂದೇಶದಿಂದ ಶುರುವಾದ ಪರಿಚಯ, ಪ್ರೀತಿಯ ಮೊಳಕೆಯೊಂದನ್ನು ನನ್ನ
ಮನಸಲಿ ಚಿಗುರೊಡೆಸಿದೆ. ಪ್ರಪೋಸ್‌ ಮಾಡುವ ಆಸೆಯಿದ್ದರೂ, ಅದಕ್ಕೆ ನಿನ್ನ
ಪ್ರತಿಕ್ರಿಯೆ ಹೇಗಿರಬಹುದೆಂಬ ಆತಂಕ ಕಾಡುತ್ತಿದೆ. ನಿತ್ಯ ನೀನು ಎದುರಾದಾಗ ಉಸಿರು ಕಟ್ಟಿದಂತಾಗುತ್ತದೆ. ಹೇಳಿಬಿಡು ನೀ ಒಮ್ಮೆ ನಿನ್ನ ಮನದ ಒಳಗುಟ್ಟು. ಏನೆಂದು ಕರೆಯಲಿ ನಾ ನಿನ್ನ? ಪ್ರೇಯಸಿ ಎನ್ನಲೇ ಅಥವಾ ಗೆಳತಿ ಎನ್ನಲೇ? ಏನನ್ನಲಿ ಹೇಳಿಬಿಡು ಹುಡುಗಿ…

– ಪ್ರವೀಣ್‌ಕುಮಾರ್‌ ಸಲಗನಹಳ್ಳಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಅದೇ ಬಸ್‌ ಸ್ಟ್ಯಾಂಡ್‌ನ‌ 10ನೇ ಫ್ಲಾಟ್‌ ಫಾರಂನಲ್ಲಿ ಕೈಯಲ್ಲೊಂದು ಮೊಬೈಲ್‌ ಹಿಡಿದು ಕೂತಿದ್ದೆ. ಕ್ಲಿಕ್‌ ಶಬ್ದದೊಂದಿಗೆ ಎರಡು ವರ್ಷದಿಂದಿನ ಫೋಟೋಗಳನ್ನು...

  • ಮೌಲ್ಯಮಾಪನ ಮಾಡುವಾಗ ನವರಸ ಪ್ರಸಂಗಗಳು ನಡೆಯುತ್ತವೆ. ಕೆಲವು ಸಲ ನಗಬೇಕು, ಕೆಲವು ಸಲ ಅಳಬೇಕು ಅನಿಸುತ್ತದೆ. ಇನ್ನೂ ಕೆಲ ಬಾರಿ ಸಿಟ್ಟು ಬಂದು, ಇವರಿಗೆಲ್ಲ ಹೇಗೆ...

  • ಬಹಳಷ್ಟು ಯುವಕರು ಮುಲಾಜಿಗೆ ಬೀಳುತ್ತಾರೆ. ಹಿಂಜರಿಕೆ ಇದಕ್ಕೆ ಕಾರಣ. ಇಷ್ಟ ಇಲ್ಲ ಅಂತ ಅದ್ಹೇಗೆ ಹೇಳ್ಳೋದು? ನಾಳೆಯಿಂದ ನಮ್ಮ ಬಿಜಿನೆಸ್‌ ನಿಲ್ಲಿಸಿಬಿಡೋಣ. ನಾನು...

  • ಕ್ರೀಂ, ಪೌಡರ್‌ ಹಾಕಿ ಮುಖದ ಅಂದವನ್ನು ತೀಡುತ್ತೀವಲ್ಲ. ಅದೇ ರೀತಿ, ನಮ್ಮ ಮನೆಯ ಒಳಾಂಗಣವನ್ನು ಶೃಂಗಾರ ಮಾಡುವವರು ಈ ಇಂಟೀರಿಯರ್‌ ಡಿಸೈನರ್‌ಗಳು. ಮನೆಗೆ ಬಳಿಯುವ...

  • "ನೀನು ಸಗಣಿ ಎತ್ತಾಕೋಕ್ಕೆ, ಗಂಜಲ ಬಾಚಕ್ಕೆ ಹೋಗಬೇಕಾಗುತ್ತೆ' ಮಕ್ಕಳು ಓದದೇ ಇದ್ದರೆ ನಮ್ಮ ಹಿರಿಯರು ಹೀಗಂಥ ಹೇಳ್ಳೋರು. ನಿಜ ಏನೆಂದರೆ, ಈ ರೀತಿ ಸಗಣಿ, ಗಂಜಲದ ಸಂಘ...

ಹೊಸ ಸೇರ್ಪಡೆ