ಮೊಸಳೆ ಕಣ್ಣೀರು

Team Udayavani, Jul 18, 2019, 5:00 AM IST

ರವಿ ಕೆರೆಯ ದಡದಲ್ಲಿ ನಡೆದುಹೋಗುತ್ತಿದ್ದ. ಯಾರೋ “ಕಾಪಾಡಿ’ಎಂದು ಕೂಗುತ್ತಿದ್ದದ್ದು ಕೇಳಿಸಿತು. ಯಾರೆಂದು ನೋಡಿದರೆ ಮೊಸಳೆಯೊಂದು ಮೀನುಗಾರರು ಹಾಕಿದ್ದ ಬಲೆಯಲ್ಲಿ ಸಿಕ್ಕಿಕೊಂಡಿತ್ತು. ರವಿಯನ್ನು ನೋಡಿ ಮೊಸಳೆ ತನ್ನನ್ನು ಕಾಪಾಡಿ ಪುಣ್ಯ ಕಟ್ಟಿಕೊಳ್ಳುವಂತೆ ವಿನಂತಿಸಿಕೊಂಡಿತು. ಆದರೆ ರವಿ “ಬಲೆಯಿಂದ ಬಿಡಿಸಿದ ಕೂಡಲೆ ನನ್ನನ್ನೇ ತಿಂದು ಮುಗಿಸುತ್ತೀಯ’ ಎಂದು ಸಹಾಯ ಮಾಡಲು ನಿರಾಕರಿಸಿದ. ಮೊಸಳೆ “ಖಂಡಿತವಾಗಿಯೂ ಇಲ್ಲ. ಯಾವ ಅಪಾಯವನ್ನೂ ಮಾಡುವುದಿಲ್ಲವೆಂದು ನಾನು ನಿನಗೆ ಮಾತು ಕೊಡುತ್ತೇನೆ’ ಎಂದಿತು. ಮೊಸಳೆಯ ಮಾತನ್ನು ನಂಬಿ ರವಿ ಬಲೆಯನ್ನು ಬಿಡಿಸಿದ.

ಅರ್ಧ ಬಲೆ ಬಿಡಿಸುತ್ತಿದ್ದಂತೆಯೇ ಮೊಸಳೆ ರವಿಯ ಕಾಲನ್ನು ಕಚ್ಚಿ ಹಿಡಿಯಿತು. ರವಿ “ಏನಿದು ಅನ್ಯಾಯ. ನೀನು ಕೊಟ್ಟ ಮಾತಿಗೆ ಬೆಲೆಯೇ ಇಲ್ಲವೇ?’ ಎಂದನು ಅಳುತ್ತಾ. ಆಗ ಮೊಸಳೆ, “ಈ ಜಗತ್ತಿನಲ್ಲಿ ನ್ಯಾಯ ನೀತಿ ಯಾವುದು ಇಲ್ಲ. ಇದೇ ಜೀವನ!’ಎಂದಿತು. ರವಿ ಈ ಮಾತನ್ನು ನಂಬಲಿಲ್ಲ. ಆಗ ಮೊಸಳೆ ಮರದ ಮೇಲಿದ್ದ ಹಕ್ಕಿಯನ್ನು ಕೇಳಿತು. ಅದು ಮೊಸಳೆಯ ಮಾತಿಗೆ ಸಮ್ಮತಿ ಸೂಚಿಸಿತು. ಆದರೂ ರವಿ ನಂಬಲು ಸಿದ್ಧನಿರಲಿಲ್ಲ. ಅಷ್ಟರಲ್ಲಿ ಕತ್ತೆಯೊಂದು ನೀರು ಕುಡಿಯಲು ಅಲ್ಲಿಗೆ ಬಂದಿತು.

ಮೊಸಳೆ “ಈ ಜಗತ್ತಿನಲ್ಲಿ ನ್ಯಾಯ ನೀತಿ ಯಾವುದು ಇಲ್ಲ. ಇದೇ ಜೀವನ! ಅಲ್ಲವೇ?’ ಎಂದು ಕೇಳಿದಾಗ ಕತ್ತೆ ಹೂಂ ಎಂದು ತಲೆಯಾಡಿಸಿತು. ಆಗಲೂ ರವಿ ನಂಬಲಿಲ್ಲ. ಸ್ವಲ್ಪ ಹೊತ್ತಿನ ನಂತರ ನವಿಲು ಬಂದಿತು. ಅದೇ ಪ್ರಶ್ನೆ ಪ್ರಶ್ನೆಯನ್ನು ಕೇಳಿದಾಗ ನವಿಲು ಮೊಸಳೆಯ ಮಾತಿಗೆ ಸಮ್ಮತಿ ಸೂಚಿಸಲಿಲ್ಲ. ಮೊಸಳೆಗೆ ತುಂಬಾ ಕೋಪ ಬಂದು ಕೊಸರಾಡಿತು. ಈ ನಡುವೆ ಮೊಸಳೆಯ ಬಾಯಿ ಸಡಿಲಿಸಿದಾಗ ರವಿ ಇದೇ ಸರಿಯಾದ ಸಮಯವೆಂದು ಕೆರೆಯಿಂದ ಹೊರಕ್ಕೆ ಓಡಿಬಂದ.

ಮೊಸಳೆ ಮತ್ತೆ ರವಿಯನ್ನು ಹಿಡಿಯುವ ಪ್ರಯತ್ನ ನಡೆಸಿತಾದರೂ ಆಗಲಿಲ್ಲ. ಏಕೆಂದರೆ ಅದರ ಅರ್ಧ ಶರೀರ ಇನ್ನೂ ಬಲೆಯೊಳಗೆ ಸಿಕ್ಕಿಕೊಂಡಿತ್ತು. ನವಿಲು “ಅಯ್ನಾ ಮೊಸಳೆ ನೀನು ಜಾಣನಾಗಿದ್ದರೆ ಪೂರ್ತಿಯಾಗಿ ಬಲೆಯಿಂದ ಹೊರಬಂದಮೇಲೆಯೇ ಹುಡುಗನ್ನು ಹಿಡಿಯುತ್ತಿದ್ದೆ. ತುಂಬಾ ದುಡುಕಿಬಿಟ್ಟೆ. ಒಳ್ಳೆಯವರಿಗೆ ಇನ್ನೂ ಕಾಲವಿದೆ. ಇದೇ ನೋಡು ಪ್ರಪಂಚ’ ಎಂದಿತು. ತನ್ನನ್ನು ರಕ್ಷಿಸಿದ್ದಕ್ಕೆ ರವಿ ನವಿಲಿಗೆ ಕೃತಜ್ಞತೆ ಸಲ್ಲಿಸಿದ.

– ವೇದಾವತಿ ಹೆಚ್‌. ಎಸ್‌.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಹವಳದ ದಿಬ್ಬಗಳು "ಗ್ರೇಟ್‌ ಬ್ಯಾರಿಯರ್‌ ರೀಫ್' ವಿಶ್ವದಲ್ಲೇ ಅತಿ ದೊಡ್ಡ ಹವಳದ ದಂಡೆ ಎಂಬ ಖ್ಯಾತಿಗೆ ಪಾತ್ರವಾಗಿದೆ. ಇದು 2,600 ಕಿ.ಮೀ. ಉದ್ದವಿದೆ. ಇದನ್ನು ಸಂರಕ್ಷಿಸುವ...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಕಡಿಮೆ ವೆಚ್ಚದಲ್ಲಿ ವಿಮಾನ ಪ್ರಯಾಣ ಮಾಡುವ ಭಾರತೀಯರ...

  • ಮಲೆನಾಡಿನ ಒಂದು ಸುಂದರ ಹಳ್ಳಿ ಸೋಮನಾಥಪುರ. ಅಲ್ಲಿನ ಸೋಮನಾಥ ದೇವಾಲಯವು ಸುತ್ತಲೂ ಪ್ರಸಿದ್ಧಿ ಪಡೆದಿತ್ತು. ಸೋಮನಾಥಪುರ ನದಿಯ ದಂಡೆಯ ಮೇಲೆ ಇದ್ದುದರಿಂದ ಆ ಊರವರಿಗೆ...

  • ಜಾದೂಗಾರ ತನ್ನ ತಲೆಯ ಮೇಲಿನ ಟೋಪಿಯನ್ನು ತೆಗೆಯುತ್ತಾನೆ. ಅದು ಬರೀ ಖಾಲಿಯೆಂದು ತೋರಿಸುತ್ತಾನೆ. ಅಷ್ಟಕ್ಕೆ ಸುಮ್ಮನಾಗುವುದಿಲ್ಲ. ಅದನ್ನು ಬೋರಲಾಗಿ ಮೇಜಿನ ಮೇಲಿಟ್ಟು...

  • ನೀರಿನಲ್ಲಿ ಆಟವಾಡುತ್ತಿದ್ದ ಚಿಕ್ಕ ಮೀನಿಗೆ ಒಮ್ಮೆ ಕೊಳದಿಂದ ಹೊರಕ್ಕೆ ಹೋಗಬೇಕೆಂಬ ಆಸೆ ಉಂಟಾಯಿತು. ಮುಂದೇನಾಯ್ತು? ಅದು ಪರಿಶುದ್ಧವಾದ ನೀರಿನಿಂದ ತುಂಬಿದ...

ಹೊಸ ಸೇರ್ಪಡೆ