Afghan ವಿರುದ್ಧ ಸೋಲಿನಿಂದ ನಮಗೆ ಬಹಳ ನೋವಾಗಿದೆ : ಪಾಕ್ ನಾಯಕ ಬಾಬರ್ ಅಜಂ

Team Udayavani, Oct 24, 2023, 6:00 AM IST

ಚೆನ್ನೈ: ಈ ಸೋಲಿನಿಂದ ನಮಗೆ ಬಹಳ ನೋವಾಗಿದೆ. ನಾವು ಉತ್ತಮ ಮೊತ್ತವನ್ನು ಹೊಂದಿದ್ದೇವು. ಬೌಲಿಂಗ್‌ನಲ್ಲಿ ನಾವು ಮಧ್ಯಮ ಓವರ್‌ಗಳಲ್ಲಿ ವಿಕೆಟ್‌ಗಳನ್ನು ಪಡೆಯದ ಕಾರಣ ಮಾರ್ಕ್‌ಗೆ ಏರಲಿಲ್ಲ. ಒಂದು ವಿಭಾಗದಲ್ಲಿ ಉತ್ತಮವಾಗಿಲ್ಲದಿದ್ದುದರಿಂದ ಆಟವನ್ನು ಕಳೆದುಕೊಳ್ಳಬೇಕಾಯಿತು ಎಂದು ಪಾಕಿಸ್ಥಾನ ಕ್ರಿಕೆಟ್ ತಂಡದ ನಾಯಕ ಬಾಬರ್ ಅಜಂ ಹೇಳಿದ್ದಾರೆ.

ಅಫ್ಘಾನಿಸ್ಥಾನ ಎದುರಿನ ಪಂದ್ಯದಲ್ಲಿ  ಆಘಾತಕಾರಿ ಸೋಲು ಅನುಭವಿಸಿದ ಬಳಿಕ ಪ್ರಸ್ತುತಿ ಸಮಾರಂಭದಲ್ಲಿ ಮಾತನಾಡಿದ ಪಾಕ್ ತಂಡದ ನಾಯಕ, ”ನಾವು ಬೌಂಡರಿಗಳನ್ನು ನಿಲ್ಲಿಸಲಿಲ್ಲ ಮತ್ತು ರನ್ ಗಳನ್ನು ಬಿಟ್ಟುಕೊಟ್ಟಿದ್ದೇವೆ, ಅದರಿಂದ ನಮಗೆ ನಷ್ಟವಾಯಿತು. ಬೌಲಿಂಗ ನಾವು ಚೆನ್ನಾಗಿ ಪ್ರಾರಂಭಿಸಿದ್ದೆವು. ಮಧ್ಯಮ ಓವರ್‌ಗಳಲ್ಲಿ ನಮಗೆ ವಿಕೆಟ್‌ಗಳು ಬೇಕಾಗಿದ್ದವು ಆದರೆ ನಮಗೆ ಯಾವುದನ್ನೂ ತೆಗೆಯಲಾಗಲಿಲ್ಲ. ಆಫ್ಘಾನಿಸ್ಥಾನ ತಂಡಕ್ಕೆ ಎಲ್ಲಾ ಕ್ರೆಡಿಟ್ ಸಲ್ಲಬೇಕು. ಎಲ್ಲಾ ಮೂರು ವಿಭಾಗಗಳಲ್ಲಿ ಆಡಿದ ರೀತಿ ಉತ್ತಮವಾಗಿದ್ದ ಕಾರಣ ಗೆಲುವು ಸಂಪಾದಿಸಿದರು” ಎಂದರು.

ಇದನ್ನೂ ಓದಿ : World Cup ; ಪಾಕಿಸ್ಥಾನಕ್ಕೆ ಆಘಾತಕಾರಿ ಸೋಲುಣಿಸಿದ ಅಫ್ಘಾನಿಸ್ಥಾನ

”ಬೌಲಿಂಗ್ ಮತ್ತು ಫೀಲ್ಡಿಂಗ್ ನಲ್ಲಿ ನಾವು ಉತ್ತಮ ಕ್ರಿಕೆಟ್ ಆಡುತ್ತಿಲ್ಲ. ಮುಂದಿನ ಪಂದ್ಯದಲ್ಲಿ ಅತ್ಯುತ್ತಮ ಪ್ರಯತ್ನ ಮಾಡುತ್ತೇವೆ. ನಾವು ಮಧ್ಯಮ ಓವರ್‌ಗಳಲ್ಲಿ ವಿಶೇಷವಾಗಿ ನಮ್ಮ ಸ್ಪಿನ್ನರ್‌ಗಳು ಪ್ರದರ್ಶನ ತೋರಲಿಲ್ಲ. ನಾವು ಬ್ಯಾಟ್ಸ್ ಮ್ಯಾನ್ ಗಳ ಮೇಲೆ ಒತ್ತಡ ಹೇರಲು ಸಾಧ್ಯವಾಗಲಿಲ್ಲ” ಎಂದರು.