ಚಿಕ್ಕ ಹಸಿರು ಕೊಕ್ಕರೆ
Team Udayavani, Nov 10, 2018, 2:29 PM IST
ಇದನ್ನು ಹಸಿರು ಕೊಕ್ಕಿನ ಹಕ್ಕಿ ಅಂತಲೂ ಕರೆಯುತ್ತಾರೆ. ಇದು ಹಾರುವಾಗ ಕೊಕ್, ಕೊ ಕ್ರೊಕ್ ಎಂಬ ಕೂಗು ಹಾಕುತ್ತದೆ. Little Green Heron (Butorides striatus) R- Village Hen+
ಕೊಕ್ಕರೆಗಳನ್ನು ಬಕ ಪಕ್ಷಿಯ ಗುಂಪಿಗೆ ಸೇರಿಸಲಾಗಿದೆ. ಇದು ಗಂಭೀರ ನಡಿಗೆಯ ಹಕ್ಕಿ. ಚಿಕ್ಕ ಹಸಿರು ಕೊಕ್ಕರೆ , ಬೆಳ್ಳಕ್ಕಿ ಗುಂಪಿಗೆ ಸೇರಿದೆ. ಇದು ಜವಗು ಸಂಚಾರಿ ಹಕ್ಕಿ. ನದಿ, ಕೆರೆ, ಗಜನಿ ಪ್ರದೇಶ, ಅಣೆ ಕಟ್ಟಿನ ಹಿನ್ನೀರ ಪ್ರದೇಶ, ಕೆಸರು ಗದ್ದೆ ಇರುವ ಭಾಗದಲ್ಲಿ ವಾಸ ಮಾಡುತ್ತದೆ. ಮಳೆಗಾಲದಲ್ಲಿ ನೀರು ನಿಲ್ಲುವ ಹೊಂಡ, ಕೆರೆ, ಕಟ್ಟೆ ಮುಂತಾದ ಜಾಗವನ್ನು ತನ್ನ ಇರುನೆಲೆಯಾಗಿ ಮಾಡಿಕೊಳ್ಳುತ್ತದೆ. ಈ ಹಕ್ಕಿ ‘ಆಡೇìಡಿಯಾ’ ಕುಟುಂಬಕ್ಕೆ ಸೇರಿದೆ. ಕಪ್ಪು ಬಿಟರಿನ್, ರಾತ್ರಿ ಬಕ ಪಕ್ಷಿಗಳು ಈ ಹಕ್ಕಿಯನ್ನು ತುಂಬಾ ಹೋಲುತ್ತವೆ. ಹಸಿರು ಮೈಬಣ್ಣ, ಕುತ್ತಿಗೆ ಭಾಗದಲ್ಲಿಯ ಕೆಂಪು ಗರಿಯಿಂದ ಇತರೆ ಹಕ್ಕಿಗಳಿಂದ ಬೇರ್ಪಡಿಸಬಹುದು. ಈ ಹಕ್ಕಿಯನ್ನು ಇತರ ಕೊಕ್ಕರೆಗಳಿಗೆ ಹೋಲಿಸಿದರೆ, ಗಾತ್ರದಲ್ಲಿ ಇದು ಚಿಕ್ಕದು.
ಕೊಕ್ಕರೆಗಳಲ್ಲಿ, ಚುಂಚಿನಲ್ಲಿ ವೈವಿಧ್ಯತೆ ಕಾಣಬಹುದು. ಕೂಗು ಆಧರಿಸಿಯೇ ಸುಮಾರು 64 ವಿಧದ ಹಕ್ಕಿಗಳನ್ನು ಗುರುತಿಸಲಾಗಿದೆ. ಚಿಕ್ಕ ಹಸಿರು ಕೊಕ್ಕರೆಯು ಕುತ್ತಿಗೆಯನ್ನು ಸದಾ ಕುಗ್ಗಿಸಿಕೊಂಡಿರುವಂತೆ ಭಾಸವಾಗುತ್ತದೆ. ತರುಣ ಹಕ್ಕಿಯ ನೆತ್ತಿಗೆ ಹಸಿರು ಮಿಶ್ರಿತ ಕಪ್ಪು ಬಣ್ಣ ಇದೆ. ರೆಕ್ಕೆ ಮತ್ತು ಬೆನ್ನಿನ ಭಾಗ ಹಸಿರು ಛಾಯೆಯ ಕಪ್ಪು , ಕೆಳಗೆ ಬಂದಂತೆ ದಟ್ಟ ಹಸಿರು ಇಲ್ಲವೇ ನೀಲಿ ಛಾಯೆ ಕಾಣುವುದು. ಕುತ್ತಿಗೆಯು ಪಾರ್ಶ್ವದಲ್ಲಿ ಕಂದು ಕೆಂಪು ರೋಮಗಳಿಂದ ಆವೃತವಾಗಿದೆ.
ಮುಂದೆ ಕುತ್ತಿಗೆ ಮಧ್ಯದಲ್ಲಿ ಮೇಲಿನಿಂದ ಕೆಳಕ್ಕೆ ಬಂದಂತೆ ಮಸಕು ಬಿಳಿ ಬಣ್ಣದಿಂದ ಕೂಡಿದೆ. ಅದರ ಮೇಲೆ ಮೇಲಿನಿಂದ ಕೆಳಗೆ -ಕಂದು ಗೆರೆ ಕೆಳಮುಖವಾಗಿದೆ. ಹೊಟ್ಟೆ ಭಾಗ -ತಿಳಿ ಬೂದು ಬಣ್ಣ, ಕಾಲು ಸ್ವಲ್ಪ ಕುಳ್ಳು ಎನಿಸಿದರೂ ದಪ್ಪ ಮತ್ತು ಸದೃಢವಾಗಿದೆ. ಚೂಪಾದ ಕಪ್ಪು ಚುಂಚಿದೆ. ಕಾಲಿನಲ್ಲಿ ಮುಂದೆ ಮೂರು ಮತ್ತು ಹಿಂದೆ ಒಂದು ಬೆರಳಿದೆ. ಹಳದಿ ಬೆರಳಿನ ತುದಿಯಲ್ಲಿ ಹರಿತವಾದ ಕಪ್ಪು ಉಗುರು ಇದೆ. ಇದರಿಂದ ಬೇಟೆಯನ್ನು ಗಟ್ಟಿಯಾಗಿ ಹಿಡಿದಿಕೊಂಡು ಹಾರಲು ಸಹಾಯಕವಾಗಿದೆ. ಈ ಹಕ್ಕಿ ಕೆಸರು ಪ್ರದೇಶದಲ್ಲಿ ತಪಸ್ಸು ಮಾಡುತ್ತಿರುವಂತೆ ಸುಮ್ಮನೆ ಕುಳಿತಿರುತ್ತದೆ.
ಗಂಡು-ಹೆಣ್ಣು ಆಕಾರ ಬಣ್ಣ, ನಿಲುವಿನಲ್ಲಿ ಒಂದೇ ರೀತಿ ಇವೆ. ಆದರೆ ಹೆಣ್ಣು ಹಕ್ಕಿಯ ಬಣ್ಣ ಸ್ವಲ್ಪ ಮುಸುಕು. ಗಂಡು ಹಕ್ಕಿಯ, ನೆತ್ತಿ ಕುತ್ತಿಗೆ, ರೆಕ್ಕೆ ಬಣ್ಣ ಅಷ್ಟು ಹೊಳಪಿಲ್ಲ. ಸ್ವಲ್ಪ ತಿಳಿ ಬಣ್ಣ ಇದೆ. ಇದರಿಂದ ಹೆಣ್ಣು-ಗಂಡನ್ನು ಸುಲಭವಾಗಿ ಗುರುತಿಸಬಹುದು. ಮರಿಮಾಡುವ ಸಮಯದಲ್ಲಿ ಇದರ ಕುತ್ತಿಗೆ ಪಾಶ್ವದಲ್ಲಿ ಗರಿ ಉದ್ದ ಇರುತ್ತದೆ. ಮತ್ತು ಕಂದುಗೆಂಪಾಗಿರುತ್ತದೆ. ಇದು ಕ್ಯೂವ್ ಅಂತಲೂ, ಒಳದನಿಯಲ್ಲಿ ಕುಕ್, ಕುಕ್ ಅಂತಲೂ ಕೂಗುದುತ್ತದೆ. ತನ್ನ ಗೂಡು ನಿರ್ಮಿಸುವ ಸ್ಥಳವನ್ನು ನಿರ್ಧರಿಸಲು ಕುಕ್, ಕುಕ್ ಎಂಬ ಕೂಗನ್ನು ಹೊರಡಿಸುತ್ತದೆ.
ಪಿ.ವಿ. ಭಟ್ ಮೂರೂರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Manipal ಕಸ್ತೂರ್ಬಾ ಆಸ್ಪತ್ರೆ ; ಡಾ| ರಾಮದಾಸ್ ಎಂ. ಪೈ ಬ್ಲಾಕ್ ಇಂದು ಲೋಕಾರ್ಪಣೆ
Gurpatwant ಪನ್ನು ಹತ್ಯೆಗೆ ರಾ ಅಧಿಕಾರಿ ಸಂಚು; ವಾಷಿಂಗ್ಟನ್ ಪೋಸ್ಟ್ ವರದಿ
Kerala; ಒಂದೇ ವೇದಿಕೆಯಲ್ಲಿ 150 ಅವಳಿಗಳ ಸಂಭ್ರಮ
ಮಹೋಷದ ಕಲ್ಪ: ಅಮೆರಿಕದ ಪೇಟೆಂಟ್ ಹೊಂದಿರುವ ಕ್ಯಾನ್ಸರ್ ಚಿಕಿತ್ಸೆ ಕ್ರಮ
Mumbai Indians ವಿರುದ್ಧ ತವರಿನ ಅಂಗಳ: ರಾಹುಲ್ಗೆ ಮಹತ್ವದ ಪಂದ್ಯ