ಕಾಸರಗೋಡಿನ ಇಬ್ಬರ ಸಹಿತ 22 ಭಾರತೀಯರು ಅತಂತ್ರ

ಭಾರತ ಹಡಗು ಇಂಡೋನೇಷ್ಯಾ ವಶ

Team Udayavani, Jul 18, 2019, 5:53 AM IST

ಸಾಂದರ್ಭಿಕ ಚಿತ್ರ.

ಉಪ್ಪಳ: ದಿಕ್ಕು ತಪ್ಪಿದ ಭಾರತದ ಸರಕು ಹಡಗೊಂದು ಇಂಡೋನೇಷ್ಯಾಕ್ಕೆ ಸಾಗಿದ್ದು, ಅದನ್ನು ಅಲ್ಲಿನ ಸರಕಾರ ವಶದಲ್ಲಿ ಇರಿಸಿಕೊಂಡಿದೆ. ಇದರಿಂದಾಗಿ ಕಾಸರಗೋಡು ಜಿಲ್ಲೆಯ ಉಪ್ಪಳ ಪಾರೆಕಟ್ಟೆ ಪಿ.ಕೆ. ಮೂಸಾ ಕುಂಞಿ ಮತ್ತು ಕುಂಬಳೆ ಆರಿಕ್ಕಾಡಿಯ ಕಲಂದರ್‌ ಸಹಿತ 22 ಮಂದಿ ಭಾರತೀಯರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಐದು ತಿಂಗಳ ಹಿಂದೆ ಈ ಘಟನೆ ಸಂಭವಿಸಿದ್ದರೂ ಹಡಗಿನ ಸಂತ್ರಸ್ತ ಸಿಬಂದಿಯೋರ್ವರು ಮನೆ ಮಂದಿಗೆ ದೂರವಾಣಿ ಕರೆ ಮಾಡಿ ತಿಳಿಸಿದ ಬಳಿಕವಷ್ಟೇ ವಿಷಯ ಬಹಿರಂಗವಾಗಿದೆ.

ಕಳೆದ ಮಾರ್ಚ್‌ ತಿಂಗಳಲ್ಲಿ ರಾಸಾಯನಿಕ ವಸ್ತುಗಳನ್ನು ಹೇರಿದ ಎಸ್‌.ಜಿ. ಪೆಗ್‌ಸೆಸ್‌ನ್‌ ಹೆಸರಿನ ಸರಕು ಹಡಗು ಮುಂಬಯಿಯಿಂದ ಸಿಂಗಾಪುರಕ್ಕೆ ಪ್ರಯಾಣ ಬೆಳೆಸಿತ್ತು. ಸಂಚಾರ ಮಧ್ಯೆ ಹಡಗಿನ ಎಂಜಿನ್‌ ಕೈಕೊಟ್ಟ ಪರಿಣಾಮ ಅದು ದಿಕ್ಕು ತಪ್ಪಿ ಇಂಡೋನೇಷ್ಯಾ ಸಮುದ್ರ ಕಿನಾರೆಯತ್ತ ಸಾಗಿತ್ತು. ಅದನ್ನು ಕಂಡ ಇಂಡೋನೇಷ್ಯಾದ ನೌಕಾಪಡೆ ಹಡಗನ್ನು ವಶಪಡಿಸಿಕೊಂಡಿದೆ.

ಆಹಾರ, ಔಷಧ ಕೊರತೆ
ಹಡಗಿನಲ್ಲಿದ್ದ ಆಹಾರ, ನೀರು ಮತ್ತು ಔಷಧಗಳು ಖಾಲಿಯಾಗಿವೆ ಎಂದು ಅದರಲ್ಲಿ ಸಿಲುಕಿಕೊಂಡಿರುವ ಮೂಸಾ ಕುಂಞಿ ಅವರು ದೂರವಾಣಿ ಮೂಲಕ ತಿಳಿಸಿರುವುದಾಗಿ ಅವರ ಸಹೋದರ ಪಿ.ಕೆ. ಅಬ್ದುಲ್ಲ ತಿಳಿಸಿದ್ದಾರೆ. ತಮ್ಮನ್ನು ಬಿಡುಗಡೆಗೊಳಿಸುವಂತೆ ಕೋರಿ ಹಡಗಿನಲ್ಲಿರುವವರು ಕೇಂದ್ರ ವಿದೇಶಾಂಗ ಸಚಿವಾಲಯಕ್ಕೂ ಮನವಿ ಮಾಡಿದ್ದಾರೆ.

ಇಲ್ಲಿಯವರೆಗೂ ಏಷ್ಟೋ ದೈವ ದೇವರು ಜ್ಯೋತಿಷ್ಯರಲ್ಲಿ ಕೇಳಿ ಸರಿಯಾದ ಪರಿಹಾರ ಸಿಗದೆ ನೊಂದಿದ್ದರೆ.ಅಂತಃಹ ಯಾವುದೇ ಕಠಿಣ ಸಮಸ್ಯೆ ಗಳಿದ್ದರು ಉತ್ತಮ ಸಲಹೆ ಹಾಗೂ ಶಾಶ್ವತ ಪರಿಹಾರ ತಿಳಿಸುತ್ತಾರೆ.

ಇಂದೇ ಸಂಪರ್ಕಿಸಿ ಶ್ರೀ ಶ್ರೀ ಬಿ.ಎಚ್ ಆಚಾರ್ಯರು 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ