ಚಿತ್ರ “ರಂಜನಾ’

Team Udayavani, Oct 24, 2018, 6:00 AM IST

ನಿರ್ಜೀವ ಮಡಕೆಗಳ ಮೇಲೆ ಗಿಡ, ಮರ, ಬಳ್ಳಿಯ ಚಿತ್ರಗಳನ್ನು ಅರಳಿಸುವ ರಂಜನಾ, ಆ ಮೂಲಕ ಕಣ್ಮನ ತಣಿಸುವ ಕ್ಷಣವೊಂದನ್ನು ನಮ್ಮ ಮಡಿಲಿಗಿಡುತ್ತಾರೆ…

ಮಣ್ಣಿನಿಂದ ಮಡಕೆ ಮಾಡುವುದು ಒಂದು ಕಲೆಯಾದರೆ, ಅದರ ಮೇಲೆ ಚಿತ್ತಾಕರ್ಷಕ ಚಿತ್ರಗಳನ್ನು ಮೂಡಿಸುವುದು ಇನ್ನೊಂದು ಕುಸುರಿ ಕಲೆ. ನಿರ್ಜೀವ ಮಡಕೆಗಳ ಮೇಲೆ ಸುಂದರ ಹೂಬಳ್ಳಿಗಳನ್ನು ಮೂಡಿಸಿ, ಜೀವ ತುಂಬುವುದರಲ್ಲಿ ರಂಜನಾ ದುಗೇìಶ್‌ ಶೆಟ್ಟಿಗಾರ್‌ ಸಿದ್ಧಹಸ್ತರು. 

ಸುರತ್ಕಲ್‌ನ ಹಳೆಯಂಗಡಿಯವರಾದ ರಂಜನಾ, ಕಾಟಿಪಳ್ಳ ಸರ್ಕಾರಿ ಶಾಲೆಯಲ್ಲಿ ಕಲಾಶಿಕ್ಷಕಿ. ಚಿತ್ರಕಲೆಯ ವಿವಿಧ ಆಯಾಮಗಳನ್ನು ಕಲಿತು, ಪ್ರಯೋಗಿಸುವ ಕುತೂಹಲ ಇವರದ್ದು. ಆ ಆಸಕ್ತಿಯಿಂದಲೇ ಇವರು, ಮಣ್ಣಿನ ಗಡಿಗೆಗಳಿಗೆ ಕಲಾತ್ಮಕ ಸ್ಪರ್ಶ ಕೊಟ್ಟಿದ್ದಾರೆ. ಗಿಡ, ಮರ, ಬಳ್ಳಿ, ಪ್ರಾಣಿಪಕ್ಷಿ$ ಮತ್ತು ಪ್ರಕೃತಿಯ ಸೌಂದರ್ಯವನ್ನು ಬಿಂಬಿಸುವ ಚಿತ್ರಗಳು ರಂಜನಾರ ಕೈಚಳಕದಿಂದ ಮಡಕೆಗಳ ಮೇಲೆ ಮೂಡಲ್ಪಟ್ಟಿವೆ. ಇದರಿಂದ ಸಾಮಾನ್ಯ ಮಡಕೆ ಕೂಡ ಅದ್ಭುತ ಕಲಾಕೃತಿಯಂತೆ ಕಂಗೊಳಿಸುತ್ತದೆ.  

ಎರಡೇ ಬಣ್ಣ ಸಾಕು
ಮಡಕೆಯನ್ನು ಚಿತ್ತಾಕರ್ಷಕವಾಗಿಸಲು ಕೇವಲ ಎರಡು ಬಣ್ಣಗಳಿದ್ದರೂ ಸಾಕು. ಮಾರುಕಟ್ಟೆಯಲ್ಲಿ ಸಿಗುವ ಫೆವಿಕ್ವಿಲ್‌ ಪೈಂಟನ್ನು ಬಳಸಿದರೆ ಉತ್ತಮ. ಈ ರೀತಿಯ ಅಲಂಕಾರಿಕ ಮಡಕೆಗಳನ್ನು ಗೃಹೋಪಯೋಗಿ ವಸ್ತುವಾಗಿ, ಜಾನಪದ ನೃತ್ಯ, ನಾಟಕಗಳ ಪ್ರಾಪರ್ಟಿಯಾಗಿ ಬಳಸಬಹುದು. ಇದರ ಮೇಲಿನ ಬಣ್ಣವೂ ಬೇಗ ಮಾಸುವುದಿಲ್ಲವಾದ್ದರಿಂದ ದೀರ್ಘ‌ ಕಾಳ ಬಾಳಿಕೆ ಬರುತ್ತದೆ.   

“ನಮ್ಮ ಸುತ್ತಲಿನ ಎಲ್ಲ ವಸ್ತುವೂ ಕಲೆಗೆ ಮೂಲವಾಗಬಲ್ಲದು. ಅದನ್ನು ಹುಡುಕುವ, ಆಸ್ವಾದಿಸುವ ದೃಷ್ಟಿಯಿದ್ದರೆ, ಸಣ್ಣ ಹುಲ್ಲಿನ ಕಡ್ಡಿಯಿಂದಲೂ ಕಲಾಕೃತಿ ರೂಪಿಸಬಹುದು.’ 
ರಂಜನಾ ಶೆಟ್ಟಿಗಾರ್‌

– ಬಳಕೂರು ವಿ.ಎಸ್‌. ನಾಯಕ